Fréttablaðið - 01.11.2007, Síða 4

Heildarafli
smábáta á síðastliðnu fiskveiðiári
var 73.477 tonn, eða rúmum sjö
þúsund tonnum minni en á
fiskveiðiárinu 2005 til 2006.
Mestu munaði þar um þorsk sem
dróst saman um 5.600 tonn, en
alls veiddust 37.567 tonn af
þorski. Af ýsu veiddust 23.533
tonn sem er óbreytt milli
fiskveiðiára. Þrátt fyrir nægar
veiðiheimildir í ufsa minnkaði
hann um 35 prósent og varð 2.349
tonn. Steinbítur veiddist vel, eða
5.794 tonn, sem er 12 prósentum
minna en í fyrra.
Smábátar veiddu rúman
fimmtung alls þorskaflans og 23,5
prósent af ýsuaflanum. Útflutn-
ingsverðmæti þess afla sem
smábátar færðu að landi var um
18,5 milljarðar.
Aflaverðmæti
18,5 milljarðar
Meirihluti viðskiptanefnd-
ar Alþingis gagnrýnir stjórnvöld
fyrir að setja bráðabirgðalög um
notkun raflagna á fyrrum
varnarsvæði á Miðnesheiði.
Meirihlutinn samþykkir engu
síður frumvarp sem staðfestir
lögin óbreytt.
Í áliti meirihlutans segir að
fara verði varlega með heimild til
þess að setja bráðabirgðalög, í
þessu tilviki hefði verið eðlilegra
að leggja málið fram til hefð-
bundinnar þingmeðferðar á
sumarþingi.
Í álitinu kemur fram að búið sé
að breyta raflögnum í 318 íbúðum
af þeim 340 sem eru í fyrsta
áfanga. Framkvæmdir gangi því
betur en reiknað var með.
Fjalla átti um
málið á þingi Kona sem grunuð er
um að hafa stundað tugmilljóna
króna fjársvik meðan hún starfaði
í Tryggingastofnun lagði hina
stolnu fjármuni inn á bankareikn-
inga fjölmargra vina og vanda-
manna. Þeir fengu síðan þóknun,
sumir umtalsverða, af þýfinu fyrir
að leyfa henni að nota reikninga
sína í þessu skyni, samkvæmt upp-
lýsingum Fréttablaðsins.
Efnahagsbrotadeild ríkislög-
reglustjóra hefur farið með rann-
sókn þessa umfangsmikla svika-
máls. Henni lýkur nú fyrir helgina.
Á þriðja tug manna hafa hlotið
réttarstöðu sakbornings við rann-
sóknina.
Konan sem grunuð er um að
hafa dregið sér stórar fúlgur fjár
frá Tryggingastofnun starfaði sem
þjónustufulltrúi þar um árabil.
Fjárdrátturinn er talinn hafa átt
sér stað með þeim hætti að hún
tók fjármuni úr bótasjóðum stofn-
unarinnar og bókfærði þá inn á
nöfn ýmissa einstaklinga í formi
endurgreidds útlagðs kostnaðar,
samkvæmt upplýsingum Frétta-
blaðsins. Fjármunirnir fóru þó
aldrei inn á reikninga þessa fólks,
heldur inn á reikninga hóps manna
sem taldir eru hafa verið í vitorði
með henni. Þegar þeir tóku síðan
þýfið út af reikningum sínum til
að láta konuna hafa fengu þeir að
launum upphæðir fyrir notkunina
á reikningunum. Áætlað er að
konan hafi svikið út um 75 milljón-
ir króna með þessum hætti.
Grunur um svik konunnar vakn-
aði við eftirlit innanhúss hjá
Tryggingastofnun í júní á síðasta
ári. Kærði stofnunin málið
skömmu síðar til efnahagsbrota-
deildar ríkislögreglustjóra. Eftir
fyrstu athugun innan TR lék grun-
ur á að svikin hefðu staðið yfir í
fimm til sex ár.
Rannsókn málsins hefur verið
mjög umfangsmikil, að því er
segir í yfirlýsingu frá embætti
ríkislögreglustjóra. Tilefni þeirr-
ar yfirlýsingar er gagnrýni for-
stjóra Tryggingastofnunar á seina-
gang rannsóknar mála, er varða
TR, hjá efnahagsbrotadeild ríkis-
lögreglustjóra. Embættið vísar
gagnrýninni eindregið á bug og
bendir meðal annars á að máls-
skjöl rannsóknarinnar á ofan-
greindu svikamáli sem TR kærði á
síðasta ári, og er nú að ljúka, fylli
hvorki meira né minna en 30
möppur.
Ef ákært verður í svikamálinu
verður það á hendi embættis ríkis-
lögreglustjóra.
Lánuðu reikninga
undir milljónaþýfi
Kona sem gegndi starfi þjónustufulltrúa hjá Tryggingastofnun er grunuð um
að hafa stolið þaðan 75 milljónum króna. Peningana lagði hún inn á reikninga
rúmlega tuttugu manns sem fengu þóknun fyrir. Rannsókn málsins er að ljúka.
Fornt skinnhandrit sem
afhent var Stofnun Árna Magnús-
sonar til athugunar reynist vera á
einu aðaltungumáli Eþíópíu,
amharísku.
Fræðimenn stofnunarinnar skilja
ekki málið en eigandi ritsins keypti
það undir þeim formerkjum að um
eþíópískan biblíutexta væri að
ræða. Til stendur að rannsaka málið
frekar.
„Ég keypti bókina í antíkverslun
í Naíróbí við lok níunda áratugar-
ins á um 40 Bandaríkjadali. Ég tíndi
blóm í ferðinni og þurrkaði þau í
henni. Hún hefur því mikið tilfinn-
ingalegt gildi og ég er fegin að hún
er komin í leitirnar,“ segir Andrea
Brabin. Fyrrverandi mágur Andreu
fann ritið við tiltekt fyrir nokkrum
árum og fékk að eiga hana.
Við fyrstu sýn virtist sem hand-
ritið væri bundið í fornt íslenskt
band en við nánari athugun þekkti
forvörður Árnastofnunar bandð
sem eþíópískt.
„Fátækar þjóðir binda handrit
sín inn með svipuðum hætti,“ segir
Guðvarður Már Gunnlaugsson,
dósent á handritasviði stofnunar-
innar, sem greindi tungumálið með
hjálp fræðibókar. Tungumálið er
semítískt líkt og arabíska og hebr-
eska en ekki er vitað hvort það er
fornt.
„Ég þori ekkert að segja um ald-
urinn, því það er erfitt að meta
aldur handrita frá öðrum menning-
arsvæðum. Við vitum ekki hversu
lengi Eþíópíumenn skrifuðu á
skinn.“
Guðvarður segir að fleiri fræði-
menn eigi eftir að rannsaka ritið og
nú þegar hafi trúboðar sem skilja
amharísku boðist til að skoða það
nánar.
Biblíutexti á eþíópísku máli
Næstum átján milljónir
króna söfnuðust í Bleika boðinu,
fjáröflunarkvöldverði Krabba-
meinsfélagsins, sem haldinn var
um á laugardagskvöldið til
styrktar baráttunni gegn brjósta-
krabbameini.
Um 160 gestir voru í kvöldverð-
inum þar sem boðið var upp á níu
rétta hátíðarmatseðil. Félagar í
matreiðsluklúbbnum Freistingu
matreiddu, en klúbburinn átti
frumkvæði af fjáröfluninni þegar
Bleika boðið var fyrst haldið árið
2005. Hótel- og matvælaskólinn
sá um þjónustuna og leikkonan
Þórunn Lárusdóttir var veislu-
stjóri kvöldsins.
Ágóðinn tæpar
átján milljónir