Fréttablaðið - 01.11.2007, Blaðsíða 54
Hrönn Marinósdóttir, framkvæmdastjóri
Alþjóðlegu kvikmyndahátíðarinnar í
Reykjavík, hefur afar gaman af elda-
mennsku og segist njóta sín vel í eldhúsinu.
Hún býður lesendum upp á uppskrift að
búlgarskri lambakjötssúpu sem hefur fylgt
fjölskyldunni lengi.
„Mér finnst sérstaklega gaman að elda ef ég hef
góðan tíma til þess,“ segir Hrönn sem er að baka
súkkulaðiköku með dótturinni þegar Fréttablaðið
nær af henni tali. Hún segist elda á hverjum degi.
„Við erum stór fjölskylda með þrjú börn og
leggjum mikla áherslu á að borða alltaf saman á
kvöldin.“
Hrönn hefur búið víða um heim, meðal annars á
Indlandi þar sem hún kynntist þarlendri matar-
gerð. „Ég bjó um tíma hjá indverskri fjölskyldu í
Chennai á Suður-Indlandi. Ég fór reglulega inn í
eldhús og fylgdist með matargerðinni. Þarna
kynntist ég kryddjurtum sem ég vissi ekki einu
sinni að væru til. Indversk matargerð tekur
reyndar töluverðan tíma og ég hef ekki verið mjög
dugleg við að elda hann eftir að ég kom heim.“
Meðfylgjandi uppskrift að búlgarskri kjötsúpu
kemur frá móður Hrannar. „Þessi súpa hefur lengi
verið í uppáhaldi. Hún er einföld, ódýr, holl og góð
– full af næringarefnum. Ég er mjög hrifin af
lambakjöti og finnst líka að það megi gera meira af
því að nota baunir í matargerð,“ segir Hrönn. „Auk
þess hæfir súpan þessum árstíma vel þegar fer að
kólna og snjóa. Þá er svo gott að fá sér súpu og fá
hita í kroppinn.“
Vínþjónasamtökin veittu í þriðja
sinn á dögunum viðurkenninguna
„Gyllta glasið“. Tíu evrópsk vín
sem þykja skara fram úr í verð-
flokknum 1.490 til 2.490 kr. fengu
viðurkenningu. Innflytjendur til-
nefndu 45 vín og Vínþjónasamtök-
in og fulltrúar birgja mynduðu
dómnefndina sem blindsmakkaði
vínin. Var mjótt á munum og í
sumum tilfellum munaði bara einu
stigi á milli vína. Spænsk vín voru
áberandi og annað sem vakti
athygli var hversu sammála dóm-
ararnir voru um gæði vínanna.
Parker-skalinn svokallaði (frá 50 í
100) var notaður og meðaleinkunn
hjá flestum var á bilinu 83 til 85.
Í ár voru í fyrsta skipti veitt
hvatningarverðlaun Vínþjónasam-
takanna og var það Fríhöfnin á
Keflavíkurflugvelli sem hreppti
verðlaunin. Þau hlaut Fríhöfnin
fyrir að stuðla að aukinni vín-
menningu þannig að neytendur
hafi betri aðgang að betri vöru
með betri þekkingu.
Gyllta glasið er liður í fjáröflun
sem Vínþjónasamtökin standa að
til að geta sent fulltrúa í keppni
erlendis. Elísabet Alba Valdimars-
dóttir, vínþjónn á Hilton Reykja-
vík Nordica, hefur keppt undan-
farið fyrir Íslands hönd, síðast á
Norðurlandamóti vínþjóna í
Helsinki. Þar slógu konur í gegn
og voru í þremur efstu sætum sem
hefur aldrei gerst áður.
Tíu vín fá gyllta glasið
Bergþór Pálsson sendi nýverið frá sér bókina Vina-
mót. Þar er að finna aragrúa ábendinga fyrir hvers
kyns samkomur, bæði fyrir gestgjafa og gesti.
Fréttablaðið fékk Bergþór til að gefa gestgjöfum
þrjú bestu ráð sín.
„Það er mjög hagnýtt að gera ítarlegan gátlista
um leið og það liggur fyrir hvers eðlis boðið verð-
ur til þess að allt gangi eins og smurt og við getum
verið afslöppuð þegar kemur að sjálfu boðinu,“
segir Bergþór. Á listann má skrifa niður verkefni
fyrir hjálparkokka, hvað og hvenær á að kaupa inn
og hvaða forvinna þarf að eiga sér stað fyrir
veisluna ásamt öllu öðru sem fólki dettur í hug.
Bergþór bendir einnig á að best sé að bjóða upp
á veitingar innan hálftíma eftir að boðið hefst.
„Jafnvel þó að gestirnir séu ekki komnir. Gestir
sem sýna þá tillitssemi að koma á réttum tíma eiga
ekki að líða fyrir þá sem koma allt of seint,“ segir
hann.
Hann segir þar að auki ekki vænlegt að taka upp
gjafir og kort í boðinu sjálfu. „Þó að það sé gaman
fyrir gesti að fylgjast með getur það breyst í mar-
tröð fyrir suma. Hugsið ykkur Friðgerði frænku
sem kom með þessa fínu silfurskeið, en svo þurfti
Olla endilega að koma með tvær alveg eins skeið-
ar,“ segir Bergþór kíminn. „Við eigum að virða
þann hlýhug sem okkur er sýndur, taka upp gjafir
í rólegheitum, njóta þeirra og þakka fyrir þær
síðar,“ bendir hann á.
Bergþór ráðleggur gestgjöfum
Blóðugt nautakjöt hefur vinninginn
Ferskt pestó
Þú þarft ekki annað
en ferska basilíku,
ólívuolíu, hvítlauk,
parmesanost og
furuhnetur til að búa
til þitt eigið pestó.
Það bragðast
margfalt betur en
upp úr keyptri
krukku.