Fréttablaðið - 01.11.2007, Qupperneq 62

Valur er klárlega meistaraefni næstu ára
Heiðar Helguson hefur
ekki í hyggju að gefa kost á sér á
nýjan leik í landsliðið þó svo það
sé búið að skipta um landsliðs-
þjálfara. Heiðar segir að ástæðan
fyrir því að hann hætti að gefa
kost á sér hafi ekki haft neitt með
Eyjólf að gera og því sé staðan
óbreytt hjá sér.
„Eyjólfur var ekki ástæðan
fyrir því að ég hætti á sínum tíma.
Ég gaf það út að ástæðan væri að
skrokkurinn á mér þyldi illa svona
mikið álag. Annars á maður aldrei
að segja aldrei en eins og staðan
er í dag hef ég ekki í hyggju að
gefa kost á mér á nýjan leik,“
sagði Heiðar við Fréttablaðið í
gær en hann er meiddur sem
stendur og hefði þar af leiðandi
aldrei getað gefið kost á sér í
Danaleikinn.
Heiðar tók aðeins þátt í þremur
leikjum í upphafi tímabilsins og
skoraði í þeim eitt mark. Hann
meiddist svo illa á ökkla og varð
að fara í aðgerð í byrjun sept-
ember sem hann er enn að jafna
sig eftir.
„Ökklinn hefur verið aðeins
lengur að jafna sig en ég var að
vonast til. Aðgerðin tókst samt vel
og það er allt í lagi með ökklann
sem slíkan. Ég þarf bara að fara
örlítið hægar í sakirnar en talið
var í fyrstu.
Ef allt gengur að óskum get ég
farið að spila eftir svona þrjár
vikur,“ sagði Heiðar sem hefur
ekkert spjallað við nýja stjórann,
Gary Megson, og veit því ekki
hvort hann sé inni í hugmyndum
stjórans sem tók við af Sammy
Lee á dögunum en Sammy hafði
mikla trú á Heiðari og fór um hann
fögrum orðum á sínum tíma.
„Annars get ég ekki neitað því
að ég er að verða ansi óþreyjufull-
ur í að komast aftur almennilega
af stað. Það var mjög svekkjandi
að lenda í svona meiðslum í upp-
hafi tímabils.
Það er samt alltaf betra að vita
hvað sé að manni og hvenær
maður komist aftur af stað heldur
en að hafa ekki hugmynd um hvað
sé að sér. Nú styttist í að ég verði
klár og þá tekur við að sanna sig
fyrir nýjum stjóra,“ sagði Heiðar
sem skrifaði undir þriggja ára
samning við Bolton síðasta sumar
eftir að hafa verið keyptur frá
Fulham.
Heiðar Helguson segir að brotthvarf Eyjólfs Sverrissonar úr starfi landsliðsþjálf-
ara hafi engin áhrif á hans ákvörðun um að gefa ekki kost á sér í landsliðið.
Eyjólfur hafi ekki verið ástæðan. Heiðar er meiddur og hefur lítið spilað í vetur.
Ólafur Jóhannesson
landsliðsþjálfari sagði við Frétta-
blaðið í gær að líklega yrði geng-
ið frá ráðningu á aðstoðarlands-
liðsþjálfara í dag.
Líklegast er talið að Pétur Pét-
ursson verði ráðinn í starfið.
Ólafur staðfesti að hann kæmi
sterklega til greina en þeir hitt-
ust á þriðjudag til að ræða
málið.
Hingað til hefur verið talið lík-
legt að Leifur Garðarsson, þjálf-
ari Fylkis og fyrrverandi aðstoð-
armaður Ólafs, verði með félaga
sínum á ný en Ólafur sagði í gær
að ekki gengi upp að ráða þjálf-
ara sem væri að þjálfa í Lands-
bankadeildinni.
Pétur er þjálfari 2. flokks hjá
Breiðablik og hefur verið undan-
farin tvö ár. Hann hefur meðal
annars þjálfað KR sem hann
gerði að Íslandsmeisturum á
sínu fyrsta ári með liðið sumarið
2000.
Pétur við hlið Ólafs?
Enska knattspyrnusam-
bandið hefur ákveðið að sækja
um HM árið 2018 en ákvörðunin
er tekin í kjölfar þess að FIFA
ákvað að breyta núverandi
úthlutunarfyrirkomulagi.
England reyndi síðast að fá HM
árið 2006 en þá hlaut Þýskaland
hnossið.
England mun væntanlega
keppa við Ástralíu, Kína, Rúss-
land, Bandaríkin, Holland,
Mexíkó og Belgíu sem öll eru
talin hafa áhuga á að halda
keppnina eftir ellefu ár.
Allar umsóknir þurfa að berast
FIFA fyrir lok árs 2009 og FIFA
mun tilkynna hvaða þjóð fær að
halda keppnina í október árið
2011.
Næsta HM fer fram í Suður-
Afríku 2010 og árið 2014 er komið
að Brasilíu eins og greint var frá
fyrir nokkrum dögum.
England vill
HM árið 2018
Ragnar Sigurðsson er lof-
aður við hvert tækifæri í sænsku
pressunni og nú síðast valdi spek-
ingur heimasíðu sænska knatt-
spyrnusambandsins Ragnar besta
leikmann tímabilsins ásamt Henke
Larsson hjá Helsingborg.
Stefan Thylin hefur skrifað um
knattspyrnu í fjölda ára í Svíþjóð
og unnið hjá virtustu blöðum
landsins. Hann segir Ragnar hafa
verið frábæra uppgötvun og þar
sé leikmaður á ferðinni sem sé í
alþjóðlegum klassa.
Ragnar spilaði alla 26 leiki tíma-
bilsins með meistaraliði IFK Göte-
borg og hefur verið hrósað fyrir
að gera aðra leikmenn í liðinu
betri. Larsson sneri aftur til Sví-
þjóðar eftir að hafa spilað með
nokkrum af bestu liðum Evrópu
og var með 9 mörk og 13 stoðsend-
ingar í 22 leikjum.
Ragnar og Henke bestu
leikmenn deildarinnar