Fréttablaðið - 01.11.2007, Side 70

1
6 7 8
10
13
119
12
15
16
18
21
20
17
14
19
2 3 4 5
Íslensk tónlist virðist hafa fallið vel í kramið hjá
David Byrne, fyrrverandi forsprakka nýbylgjusveit-
arinnar Talking Heads, þegar hann kom hingað til
lands í sumar.
Byrne birtir lista með hátt í þrjátíu lögum með
íslenskum flytjendum á vinsælli heimasíðu sinni,
davidbyrne.com, þar á meðal Mugison, Ásgerði
Júníusdóttur og Benna Hemm Hemm. Mugison er
vitaskuld hæstánægður með þennan heiður. „Þetta er
æðislegt. Ég held ég hafi örugglega séð hann í
Háskólabíói fyrir tíu árum og fannst hann æðislegur.
Hann er svolítið tæknimegin í lífinu eins og ég er
stundum. Ég er ánægður með alla sem nenna að
benda fólki á að hlusta á tónlistina mína. Það eru eins
og góð meðmæli á atvinnuumsókn,“ segir Mugison,
sem gaf á dögunum út plötuna Mugiboogie.
Byrne var staddur hérlendis í eina viku í júlí þar
sem hann naut náttúrufegurðarinnar og kynnti sér
íslenska tónlist, sem hann síðan bauð lesendum að
hlusta á á heimasíðu sinni. „Björk og Sigur Rós eru
vissulega áberandi í minjagripabúðum en ekki öll
íslensk tónlist er eins framúrstefnuleg og þeirra.
Þarna er fullt af hefðbundinni popptónlist, eins og
annars staðar, en ótrúlega stórt hlutfall af því sem
kemur út er vert að kynna sér,“ sagði
Byrne á síðunni. „Það virtist ekki
vera mikið um tónleika í Reykjavík
en ég var reyndar mest úti í náttúr-
unni, sem var stórfengleg.“
Fjögur lög eftir Mugison eru á
síðunni, auk þriggja laga með þeim
Ásgerði Júníusdóttur, Benna Hemm
Hemm, Curver+Kimono og Sigur
Rós. Einnig eru þar tvö lög með Gus
Gus og Apparat, auk laga með múm,
Maus, Stilluppsteypu og Sveinbirni
Beinteinssyni. Ásgerður á jafnframt
lagið „Ég kveiki á kertum
mínum“ á öðrum lista
Byrne yfir áhugaverða
óperusöngvara. Þar er
hún í hópi stórsöngv-
ara á borð við Plac-
ido Domingo, Mariu
Callas og Jussi
Björling.
„Þetta er mjög
gaman og auðvit-
að er maður
ánægður með
þetta. David
Byrne er frábær
og Talking Heads
eru það líka,“
segir Ásgerður,
sem er einnig
ánægð með að
vera nefnd í
sömu andrá og
Domingo og hinir
óperusöngvararnir. „Það er alltaf gaman að vera í
góðum félagsskap.“
David Byrne sló í gegn með Talking Heads á átt-
unda áratugnum og starfaði sveitin til ársins
1991. Á meðal vinsælustu laga hennar
eru Psycho Killer, Once in a
Lifetime, Burning Down
the House og Road to
Nowhere. Sveitin var
vígð í Frægðarhöll
rokksins árið 2002.
„Ég fæ mér oft prótín-shake því
hollari morgunverður er ekki
til. Rista kannski tvær brauð-
sneiðar með ef tími gefst. Ef ég
er á leið á morgunæfingu fæ ég
mér Weetabix sem er stútfullt af
orku.“
Eins og fram kom í Fréttablaðinu
um helgina spiluðu hljómsveitirn-
ar Wulfgang og Johnny and the
rest á tónleikum á Litla-Hrauni
síðastliðinn föstudag við góðar
undirtektir. Í framhaldinu ákváðu
liðsmenn Wulfgang að efna til tón-
leikaraðar á Hrauninu með því að
skora á hljómsveitina Mínus að
spila þar á tónleikum. Þeir sögðu
Mínusmenn eiga að skora á næstu
sveit og þannig koll af kolli.
„Mér líst bara vel á þetta og
hugmyndin er auðvitað algjör
snilld,“ segir Krummi Björgvins-
son, söngvari Mínus, og bætir því
við að þeir muni ekki skorast
undan. „Ég veit reyndar ekki hve-
nær við höfum tíma til þess að
fara. Við erum að vinna í Jesus
Christ Superstar alveg á fullu og
höfum því ekki færi á að skipu-
leggja svona tónleika samhliða
því. Ég verð að leggja þetta í hend-
ur umboðsmannsins.“ Mínus hefur
áður spilað á Litla-Hrauni. „Við
spiluðum þarna á jólatónleikum
með Bubba árið 2005 og það var
alveg meiriháttar gaman. Ég kann-
ast við marga sem sitja þarna inni
og þeir voru allir glaðir að fá smá
tónlist. Okkur hefur alltaf langað
að fara aftur. Kannski við förum
bara aftur um jólin núna.“ Krummi
segir að þeir séu ekki búnir að
ákveða hverja þeir muni skora á.
„Ætli það yrðu ekki bara góðvinir
okkar í Brain Police.“
Krummi vill fara á Hraunið
„Samkynhneigðir eiga kannski
ekkert að þvælast úti eftir klukkan
þrjú á næturnar,“ segir Ragnar
Ólafur Magnússon, annar eigenda
skemmtistaðarins Q-bars í Ingólfs-
stræti. Stytta á opnunartíma veit-
ingahússins vegna kvartana um
hávaða, en í ágúst stóð nágranni
fyrir undirskriftasöfnun meðal
íbúa í Þingholtunum vegna ónæðis
frá staðnum. „Q-bar er eini yfir-
lýsti skemmtistaður samkyn-
hneigðra á Íslandi. Menn hafa
reynt að bola okkur burt síðan
staðnum var breytt á þann veg fyrr
á árinu,” segir Ragnar.
Samkvæmt hávaðamælingu
umhverfissviðs Reykjavíkur koma
lætin þó utan af götunni en ekki
sjálfum skemmtistaðnum, að því er
Ragnar segir. „Prikið er hér til hlið-
ar og Sólon hinum megin við götuna,
og báðir staðir loka seinna en við. Á
þessum gatnamótum er mikil
umferð bæjargesta um helgar en
gert er ráð fyrir að hávaðinn úti
komi eingöngu frá okkar fólki,“
segir Ragnar og sér enga ástæðu
fyrir þessu einelti aðra en fordóma
gagnvart samkynhneigðum fasta-
gestum staðarins. „Hér skemmta
sér um 2-3.000 manns um hverja
helgi. Ekki eingöngu samkynhneigð-
ir en þeir vita að hér verða þeir ekki
fyrir aðkasti,“ segir Ragnar.
Tillaga um styttingu opnunar-
tímans liggur nú fyrir borgarráði
og rennur andmælaréttur eigenda
skemmtistaðarins út í dag. Ragnar
og félagar á Q-bar telja að ákvörð-
un um styttingu liggi þegar fyrir
og ætla þeir að mótmæla hugmynd-
um borgaryfirvalda um styttan
opnunartíma skemmtistaða með
undirskriftasöfnun á netinu. Slóðin
er Petitiononline.com/askorun.
„Ákveðnir borgarfulltrúar voru
afar jákvæðir í okkar garð á dög-
unum og töldu veitingahúsin eiga
þátt í líflegu menningarlífi mið-
bæjarins. Eftir að þeir komust í
meirihluta höfum við hins vegar
ekkert frá þeim heyrt. Við munum
berjast gegn þessu óréttlæti,“ segir
Ragnar og hefur einnig hin veit-
ingahús bæjarins í huga. „Setja á
fordæmi með Q-bar, ef auðvelt
reynist að traðka á okkur verður
fljótlega ráðist gegn öðrum stöð-
um.“
Samkynhneigðir ósáttir við borgaryfirvöld