Fréttablaðið - 01.11.2007, Qupperneq 31

Kristín Lea Sigríðardóttir fylgist vel með tísk-
unni og á það mikið af fötum að hún þarf að
geyma hluta af þeim í ferðatöskum.
Kristín Lea er nítján ára menntaskólamær í Fram-
haldsskólanum á Laugum. Hún er mikið fyrir kjóla
og kvenleg föt en um þessar mundir er þó dúnúlpan
í uppáhaldi. „Það byrjaði að snjóa hérna í septemb-
er og þessi úlpa, sem ég keypti í Retro fyrir
skemmstu, hefur komið sér vel. Hún er ægilega
kósí og gott að vera í henni þegar ég þarf að skott-
ast hérna á milli húsa,“ segir Kristín Lea en hún býr
á heimavistinni á Laugum. „Úlpan er síð, með kraga
upp í háls og með brúnni loðhettu.“
Aðspurð segist Kristín Lea hafa frekar klassísk-
an fatasmekk. „Mér finnst þó gaman að klæða mig
upp og gera mig fína og ég nota hæla við hvert tæki-
færi. Ég er ægileg stelpa í mér,“ segir hún og hlær.
„Ég púsla saman fötum úr öllum áttum og finnst
gaman að fara í hinar ýmsu búðir og gramsa.“
Kristín Lea segir ekkert hægt að versla á Laugum
en þegar hún á frí notar hún tækifærið og fer í búðir
á Akureyri eða í Reykjavík. Aðspurð segist hún eiga
mikið af fötum og að varla sé pláss fyrir þau á
heimavistinni. „Ég þarf að geyma eitthvað af fötun-
um mínum í töskum,“ segir hún.
Kristín Lea klárar skólann vorið 2009 og stefnir á
fjölmiðlafræði í Háskóla Íslands. Hún hefur líka
gaman af því að mála og getur jafnvel hugsað sér að
fara í Listaháskólann. Kristín Lea hefur einnig
fengist við módelstörf og er á skrá hjá model.is.
Hún segist þó taka módelstörfunum með ró en
stærsta verkefni hennar til þessa er Levi‘s-auglýs-
ing sem hún lék í sumarið 2006.
Á hælum við hvert tækifæri
UPPLÝSINGAR O
A
u
g
lý
si
n
g
a
sí
m
i
– Mest lesið
Nýtt!