Tíminn - 17.03.1989, Blaðsíða 3
Föstudagur 17. mars 1989
Tíminn 3
Sigurður Helgason, forstjóri Flugleiða, undirritar 54 milljóna dollara lánssamning í dag, ásamt fulltrúum bankanna
11 sem veita lánið.
Jón Baldvin í sjónvarpsviðtali í Danmörku:
Kemur ekki til
greina að hætta
vísindaveiðum
Jón Baldvin Hannibals-
son utanríkisráðherra lagði
þá spurningu fyrir danska
sjónvarpsáhorfendur í við-
tali sem tekið var við hann
á „TV to“ í Danmörku í
gærkvöldi hvernig Danir
myndu bregðast við ef ein-
hver samtök lýstu því allt í
einu yfir í nafni siðfræði eða
náttúruverndar, að danskur
landbúnaður væri efna-
fræðihelvíti og til þess helst
fallinn að framleiða hor-
mónakjöt og úrgangsefni
sem spilltu lífríkinu.
„TV to“ í Danmörku falaðist
eftir ítarlegu viðtali við Jón Bald-
vin um hvalamálið sem sýnt var í
gærkvöldi. Viðtalið var í tæpar 20
mínútur og var það í tilefni af
mynd Magnúsar Guðmundssonar,
en valdir kaflar úr myndinni voru
einnig sýndir. Á þriðjudag verður
„Lífsbjörg í norðurhöfum“ síðan
sýnd í danska sjónvarpinu og er
óhætt að segja aö Danir bíði
spenntir eftir að sjá hina umtöluðu
og umdeildu kvikmynd.
Utanríkisráðherra varpaði ein-
nig fram þeirri spurningu hvernig
Danir myndu bregðast við ef það
Jón Baldvin Hannihalssnn.
væri sagt að ljótt væri að drepa
svín. „Eg cr hræddur um að Dön-
um mundi bregða í brún og bregð-
ast við. til að verja jafn þýðingar-
mikinn atvinnuveg og þó væri því
við að bæta að danskur landbúnað-
ur væri engan veginn eins mikil-
vægur fyrir Dani og sjávarútvegur
væri íslendingum. Petta virtust þeir
skilja,“ sagði Jón Baldvin.
Jón Baldvin sagði að „TV to“
hafi fyrst og fremst verið að falast
eftir hvaða svör íslendingar hefðu
uppi gagnvart áróðri Grænfrið-
unga. Hann sagði að fyrsta spurn-
ing þeirra hefði verið hvort íslend-
ingar væru hvalveiðiþjóð. „Svar
mitt var nei,“ sagði Jón Baldvin.
Hann benti þeim á að íslendingar
hefðu-hætt hvalveiðum í viðskipta-
skyni árið 1983 í samræmi við
samþykkt Alþingis og samþykkt
Alþjóða hvalveiðiráðsins. „Það
sem við erum að gera er að við
erum með fjögurra ára vísinda-
stefnu í samræmi við stofnsam-
þykkt ráðsins,“ sagði ráðherra.
Kvikmynd Magnúsar Guð-
mundssonar hefur hlotið mikla um-
fjöllun fjölmiðla í Danmörku og
Nqregi undanfarna daga, ekki síst
vegna afar neikvæðra viðbragða
Grænfriðunga við myndinni. Á
blaðamannafundi, sem Jón Bald-
vin Hannibalsson utanríkisráð-
herra hélt að ioknum fundi með
Uffe Elleman Jensen utanríkisráð-
herra Dana í gærmorgun, snerust
spurningarnar einna mest um
hvalamálið og ýmis mál sem mynd-
in hefur vakið upp umræður um og
einnig EFTA og EB málin, sem í
raun áttu að verða aðalumræðuefni
fundarins. Jón Baldvin svaraði því
m.a. á fundinum að ekki kæmi til
greina að íslendingar hættu hval-
veiðum í vísindaskyni vegna þrýst-
ings útlendra aðila. - ABÓ
Flugleiðir undirrita samning um 2,8 milljarða króna lán til kaupa á tveimur Boeing 737-400:
Stærsta fjárfestingin í
íslenska einkageiranum
í gær var undirritaður á Hótel
Loftleiðum samningur um lán til
handa Flugleiðum að upphæð 54
milljónir dollara, eða jafnvirði um
2,8 milljarða íslenskra króna. Lánið
er tekið vegna kaupa á tveimur
nýjum Boeing 737-400 flugvélum
sem Flugleiðir fá í vor. Lánið er til
15 ára. Félagið telur sig hafa náð
mjög góðum samningum um
lánskjör. Tryggingar eru veð í vélun-
um tveimur og ekki var leitað eftir
ábyrgð ríkisins. Lánskjör eru samt
hérumbil jafngóð og ef ríkisábyrgð
hefði fylgt. Það er fyrst og fremst að
þakka góðum veðum í flugvélunum,
sem eru mjög eftirsóttar á markaðin-
um í dag, og styrkri stöðu Flugleiða.
Lundúnaútibú Bank of America
hafði forgöngu um lánveitinguna.
Auk Bank of America eru Banque
Nationale De Paris og Tokai Bank í
Japan aðallánveitendur, 8 aðrir
bankar í Japan, Frakklandi og
Bandaríkjunum eru einnig lánveit-
endur.
Flugleiðir höfðu áður greitt 10%
af kaupverði flugvélanna tveggja og
lánveitingin nú er fyrir 90% kaup-
verðs. Lánið er til 15 ára og þá
standa eftir 15% þess sem hægt
verður að semja um framlengingu á
ef ástæða þykir til.
Flugleiðir leita nú tilboða í fjár-
mögnun tveggja 757-200 flugvéla
sem félagið fær eflir um það bil eitt
ár. Auk þeirra hefur fyrirtækið síðan
ákveðið að kaupa þriðju 737-400
vélina, sem verður einnig afgreidd
frá Boeing verksmiðjunum á næsta
ári. Þá verður lokið endurnýjun
millilandaflugflota Flugleiða, sem
verður sénnilega hinn yngsti í Evr-
ópu. Verðmæti flugvélanna 5 er um
10 milljarðar króna. Þetta er mesta
fjárfesting sem íslenskt einkafyrir-
tæki hefur ráðist í.
Bruni við Engihjalla
Skömmu fyrir hálf sex leytið í gær
varð elds vart í kjallara húss að
Engihjalla 7 í Kópavogi.
Kviknað hafði í út frá sjónvarpi og
myndlykli. Töluverðar reyk-
skemmdir urðu á innbúi. Þegar
eldurinn kom upp var enginn heima
og greiðlega gekk að ráða niðurlög-
um hans. jkb
LVINNINGUR
á laugardag
handa þér, ef þú hittír
á réttu tölumar.
Láttu þínar tölur ekki
vanta í þetta sinn!