Tíminn - 17.03.1989, Blaðsíða 6

6 Tíminn
Föstudagur 17. mars 1989
Fisksölur í Bretlandi
og Þýskalandi vikuna
6. til 10. mars sl:
1547 t
seld
Bretum
1547 tonn voru seld í BretÍandi í
síðustu viku og var andvirði aflans
tæpar 112 milljónir króna. Af þess-
um 1547 tonnum voru 1354 tonn seld
úr gámum og fékkst 73,69 króna
meðalverð fyrir aflann.
Meginuppistaðan í gámafiskinum
var þorskur sem fyrr, eða 618 tonn
og ýsa 474 tonn. Verðmæti gáma-
fisksins nam 99,7 milljónum króna.
Tveir bátar seldu afla í Bretiandi,
Óskar Halldórsson RE 157, 89,9
tonn og Otto Wathne NS 90, tæp 106
tonn og fengust 63,08 krónur að
meðaltali fyrir kílóið. Af þessum
tæpum 200 tonnum voru 101 tonn af
þorski, 40 tonn af ýsu, 25 tonn af
kola og 13 tonn af blönduðum afla.
í Þýskalandi seldu Sturlaugur H.
Böðvarsson AK 10 (207 tonn) og
Vigri RE 71 (248 tonn). Fyrir aflann
fékkst 58,18 króna meðalverð. 426,7
tonn af aflanum var karfi, 10,8 tonn
ufsi, en þorskur og ýsa um 2 tonn
hvort. - ABÓ
MARGRADDAÐUR ANDAKOR í samvinnu við svani, hefur sungið í eyru Reykvíkinga undanfarið. Þetta eru vafalítið ekki þýðustu tónar sem um
getur en borgarbúar myndu samt efalaust sakna þeirra ef fuglamir tækju upp á því að láta sig hverfa. Þyrfti þó engan að undra ef þeir flygju af stað til
að leita sér ætis. Því svo furðulegt sem það kann að virðast dettur fáum í hug að gefa öndunum um miðjan vetur, þegar virkilega er þörf á. En nú er
sólin farin að láta sjá sig og þá vænkast væntanlega hagur tjamarbúa. Tlmamynd: Áml Bjama
Tillaga nefndar um fjölmiðlakennslu:
Síðari hluta nám
I fjölmiðlafræði
Nefnd sem skipuð var til að fjalla
um fjölmiðlakennslu á öllum skóla-
stigum hefur skilað áfangaskýrslu
um störf sín, í formi tillögu ásamt
greinargerð.
Lagt er til að haustið 1989 verði
stofnað til eins árs náms í hagnýtri
fjölmiðlun við Háskóla íslands í
samstarfi við hcimspeki- og laga-
deild. Námið kemur til með að
standa þeim til boða er hafa lokið
BS-, BA-prófi eða öðru sambærilegu
námi. Að auki mun félögum í Blaða-
mannafélagi íslands, Félagi frétta-
manna og öðrum starfandi blaða og
fréttamönnum sem ekki hafa lokið
háskólaprófi standa til boða að
stunda námið eða sækja einstök
námskeið brautarinnar. í þeim til-
vikum er lagt til að umsækjendur
hafi náð 26 ára aldri og hafi 5 ára
starfsreynslu við fjölmiðla.
Námið myndi teljast 45 einingar,
þar af tólf sem verkieg þjálfun. Lagt
er til að þeim sem Ijúki námi verði
veitt brautskráningarvottorð um
próf í blaða- og fréttamennsku.
Einnig leggur nefndin til að ráðinn
verði kennslustjóri sem hafi umsjón
með heildarskipulagi námsins auk
þess að annast kennsluna. Að mcð
honum starfi þriggja manna náms-
stjórn skipuð af háskólaráði og þar
sitji einn fulltrúi nemenda auk
áheyrnarfulltrúa frá samtökum
blaða- og fréttamanna og fjölmiðl-
unum. jkb
Ritgerðasamkeppni Verslunarbankans:
Skop í sögum
íslendinga
í tengslum við árlega útgáfu á dagatali hefur Verslunarbankinn að þessu
sinni efnt til ritgerðarsamkeppni meðal nemenda 9. bekkja, á þjónustusvæði
bankans.
Viðfangsefnið er skop í íslendingasögunum. Eiga ritgerðirnar að hvetja
unglingana til að glugga í sögurnar, setja sig í spor sögupersónanna, bera
söguöldina saman við nútímann og draga nokkurn lærdóm af öllu saman.
Fyrstu verðlaunin nema 50 þúsund krónum á Kaskó-reikningi en ætlunin
er að veita tíu bestu ritgerðunum verðlaun. Dómnefnd skipa Kristján
Oddsson bankastjóri, Ragnhildur Richter bókmenntafræðingur og Þórður
Helgason íslenskukennari við Verslunarskóla íslands. jkb
Tókum hagstæðustu tilboðunum í stíflumannvirki Blönduvirkjunar," segiryfirmaður byggingadeildar Landsvirkjunar:
„Tilboð Hagvirkis í
lónsstíflurnar best“
„Tilboð Hagvirkis var svo vandað að allar tölur þess hafa
staðist skoðun og eru óbreyttar. Sögusagnir um að tilboði
Hagvirkis hafi verið tekið þrátt fyrir að það hafi verið mun
hærra en annarra, eru óréttmætar,“ sagði Páll Ólafsson
yfirmaður byggingadeildar Landsvirkjunar.
Orðrómur hefur verið á kreiki
um að Hagvirki sé mjög á fallanda
fæti og í raun gjaldþrota og hreppti
það ekki stóran verksamning á við
Blönduvirkjun, hefði það farið á
hausinn en jafnframt tekið Iðnað-
arbankann með sér í fallinu þar
sem Iðnaðarbankinn eigi útistand-
andi miklar fjárhæðir hjá fyrirtæk-
inu.
Hafi því verið beitt einhvers
konar pólitískum þrýstingi til að
Hagvirki fengi helming verka við
Blönduvirkjun þrátt fyrir að tilboð
Fossvirkis í báða hluta verksins,
sameiginlega eða hvorn í sínu lagi,
hafi verið talsvert lægra en Hag-
virkis og hagstæðara hefði því
verið fyrir Landsvirkjun að láta
Fossvirki eitt vinna bæði verkin.
Um þetta sagði Páll:
„Niðurstaða okkar samanburðar
er sú að hagstæðasta boðið í lóns-
stíflurnar er tilboð Hagvirkis og í
gerð inntakslónsins tilboð Foss-
virkis og því leitum við samninga
við þessa aðila nú og ég á von á að
samningar náist innan skamms."
Páll sagði að sannleikurinn væri
sá að þegar tilboð voru opnuð voru
upplesnar tölur lægstar hjá Foss-
virki en þegar farið var að bera
saman og meta tilboðin og ræða
við tilboðsgjafa, hefði komið í ljós
að ýmislegt hefði vantað í tilboð
Fossvirkis sem menn hefðu metið
þannig að í raun hefði niðurstaðan
orðið sú sem að ofan greinir.
„Það fer oft ýmiss konar orðróm-
ur á kreik sem útilokað er að henda
reiður á. Við höfum svo sem heyrt
að útboðsgögnum hafi verið breytt
og eitthvað óheiðarlega hafi verið
staðið að því þegar ákveðið var að
taka tilboðum Fossvirkis en einnig
Hagvirkis í gerð stíflumannvirkja
við Blönduvirkjun," sagði Páll.
Hann sagði að það væri hins
vegar ekkert nýtt við það að taka
þurfi tillit til ýmissa hluta þegar
tilboð verktaka eru athuguð og
borin saman. Oft þurfi að ræða við
tilboðsgjafa og það geti leitt til
breytinga á tilboðum, en þetta væri
altítt og í fullu samræmi við vinnu-
reglur Landsvirkjunar, lög og
reglur.
„Það getur vel verið að svona
orðrómur fari á kreik af því að
aðrir verktakar séu óánægðir með
útkomu sína úr samanburðinum.
Það má segja að svona mál komi
upp í hverju útboði af þessu tagi,
enda um að ræða stór verk og
mikla hagsmuni fyrir þann sem
hreppir útboðið."
Verkið sem Landsvirkjun bauð
út í sambandi við Blönduvirkjun
sem tvö aðskilin verk, er bygging
allra stíflna og veituvirkja vegna
virkjunarinnar.
Annarsvegar er það bygging
svonefndra lónsstíflna en þar ber
hæst stíflu í sjálfri Blöndu auk
stíflu í lítilli á sem rennur í Kolku-
kvísl. Þessar tvær stíflur eiga að
mynda uppistöðulón virkjunarinn-
ar. Vatnið úr þessu lóni verður leitt
um skurði og vötn niður í inntaks-
lón virkjunarinnar, en það verður
myndað af svokallaðri Gilsárstíflu
sem er hinn hluti heildarverksins
sem boðinn var út. -sá