Tíminn - 17.03.1989, Blaðsíða 12
12 Tíminn
Föstudagur 17. mars 1989
FRÉTTAYFIRLIT
RIYADH-Utanríkisráöherr-
ar íslamskra ríkja kröföust
þess aö „Söngvar satans"
yrðu afturkallaöir en neituöu
i aö ganga að kröfu Irana um að
I hvetja til þess aö breski rithöf-
, undurinn Salman Rushdie yrði
drepinn.
MOSKVA - Miðstjórn
sovéska kommúnistaflokksins
samþykkti landbúnaöaráætlun
sem fréttastofan Tass kallar
róttæka lausn á matvælaskorti
og landbúnaðarframleiðslu
Sovétríkjanna.
LONDON - Breska flug-
málastjórnin sendi Pan Am
flugfélaginu aðvörun um aö
sprengju yrði hugsanlega kom-
ið fyrir í útvarpi og smyglað inn
í einhverja flugleið félagsins.
Var það gert tveimur dögum
áður en Boeing 747 þota fé-
lagsins var sprengd í loft upp
yfir Skotlandi og 270 manns
fórust. Aðvörunin var send í
j pósti og komst ekki til skila fyrr
en rúmum mánuði seinna
! vegna mistaka póstþjónust-
| unnar.
BENIN - Tíu menn voru
skotnir til bana i smáríkinu
Benin þegar hermenn skutu á
þúsund sykurverkamenn sem
; voru í verkfalli í bænum Seve
í miðju landinu. Atburður þessi
átti sér stað á mánudaginn eftir
að verkamenn í fyrirtæki sem
er í eigu aðila frá Benin oa
Nígeríu hóldu í verkfall til að
krefjast launa sinna sem þeir
hafa ekki fengið greidd frá því
í júlímánuði. Andófssamtök
gegn stjórnvöldum sem kalla
sig „Nefnd til þjóðfrelsunar" og
samanstendur af tuttugu
stjórnarandstöðuhópum í Ben-
in eru nú að undirbúa allsherj-
arverkfall í kjölfar atburðanna í
Seve.
AÞENA - Gríska ríkisstjórn-
in sagði af sér til að ryðja
veginn fyrir breytingum sem
eiga að endurreisa traust sós-
íalista, en ríkisstjórn Papan-
dreous hefur orðið fyrir gífur-
legum áföllum vegna fjármála-
hneykslis.
VESTUR-BERLÍN - Þing
Vestur-Berlínar greiddi at-
kvæði í fyrsta máli samsteypu-
stjórnar jafnaðarmannaog um-
hverfissinna. Konureru í meiri-
hluta í hinni nýju stjórn.
Illllll ÚTLÖND
Utanríkisráðherrar íslamskra ríkja taka afstöðu til skæruliða í Afganistan:
Bráðabirgðastjóm
múslíma viðurkennd
Skæruliðum múslíma gengur ekki alltof vel að ná Jalalabad á sitt vald. Hins vegar fékk bráðabirgðastjóm þeirra
stuðning og viðurkenningu íslamskra ríkja.
Bráðabirgðastjórn
skæruliða í Afganistan vann
mikinn stjórnmálalegan sig-
ur í gær á sama tíma og
hersveitum þeirra varð lítt
ágengt í orrustunni um
borgina Jalalabad. Utanrík-
isráðherrar fjörutíu og sex
ríkja múslíma viðurkenndu
bráðabirgðastjórnina með
því að samþykkja að Hek-
matyar utanríkisráðherra
bráðabirgðastjórnarinnar
tæki sæti Afganistan á utan-
ríkisráðherrafundi ísl-
amskra ríkja sem ekki hefur
verið skipað frá því Sovét-
menn gerðu innrás í Afgan-
istan árið 1979.
Á sama tíma varaði sendiherra
Sovétríkjanna í Kabúl við því að
styrjöld gæti brotist út milli Áfgan-
istan og Pakistan vegna þátttöku
pakistanskra hermanna við hlið
skæruliða í orrustunni um Jalala-
bad. Útilokaði hann ekki mögu-
leika á því að sovéskt herlið yrði
þá sent að nýju til Afganistan.
Sendiherrann skoraði á Perez de
Cuellar aðalritara Sameinuðu
þjóðanna að taka þegar til sinna
ráða svo koma megi á fót friðarvið-
ræðum allra þeirra er hlut eiga að
máli í Afganistan.
- Við sjáum stigmögnun í stríð-
inu í Afganistan. Við sjáum nýjar
hliðar sem er þátttaka pakistanskra
hermanna. Við getum ekki neitað
að þetta virðist vera byrjun á stríði
milli Pakistans og Afganistans,
sagði Yuli Vorontsov sendiherra
Sovétríkjanna í Afganistan á
blaðamannafundi í Kabúl, en hann
gegnir einnig embætti aðstoðarut-
anríkisráðherra Sovétríkjanna.
Spurður að því hver viðbrögð
Sovétmanna yrðu ef Pakistanar
drægjust af fullum krafti inn í
borgarastyrjöldina útilokaði Vor-
ontsov ekki þann möguleika að
Sovétmenn sendu herlið að nýju til
Afganistans. Hann lagði áherslu á
að nýjar viðræður yrðu að koma til
og að sendinefnd frá Pakistan yrði
jafnvel boðið til Moskvu til að
ræða þessi mál.
Vorontsov sendi Bandaríkja-
mönnum kveðjurnar á fundinum
og sagði þá ekki haga sér í samræmi
við eigin orð og yfirlýsingar. Hann
minnti á kröfu Bandaríkjamanna
um að báðir aðilar ættu að hætta
vopnasendingum til skæruliða. Nú
hafni þeir hugmyndinni. Sagði
Vorontsov ekki útilokað að íhlutun
Pakistana og óbreytt stefna og
stuðningur Bandaríkjamanna við
skæruliða gætu haft slæm áhrif á
slökunarstefnuna gegn Banda-
ríkjamönnum.
Skæruliðar láta til sín taka þegar forseta-
kosningar í El Salvador nálgast:
Eldflaugaárás á
forsetahöllina
Skæruliðar vinstri sinna gerðu
eldflaugaáras á forsetahöllina í
San Salvador seint á miðviku-
dagskvöld, en skæruliðar hyggj-
ast gera allt sitt til að koma í veg
fyrir að forsetakosningar geti
farið fram í landinu nú um
helgina. Lífvörður og sjö
óbreyttir borgarar særðust í
árásinni.
Árás þessi kom í kjölfar harðra
átaka í norðurhluta E1 Salvadors þar
sem að minnsta kosti þrjátíu manns
létust.
Skæruliðar skutu tveimur eld-
flaugum að forsetahöllinni úr bíl
sem lagt var fyrir utan hana. Önnur
lenti á götunni við forsetahöllina og
hin í garðinum við höllina.
Höllin er notuð fyrir daglega
vinnu forsetans og ríkisstjórnarinn-
ar, en Jose Napoleon Duarte forseti
býr sjálfur annars staðar. Hins vegar
eru herbúðir við höllina.
Þá reyna skæruliðar nú að loka
sem flestum þjóðvegum landsins til
að trufla kosningarnar sem mest.
Þeir hafa varað ökumenn við því að
jarðsprengjum verði komið fyrir á
þjóðvegum svo ekki sé óhætt að aka
þá. Er gert ráð fyrir að þessi hótun
skæruliða verði til þess að mjög
dragi úr kosningaþátttöku, sérstak-
lega í dreifbýlinu.
Mótleikur stjórnarhersins er að
senda herbifreiðar á kjörstað með
þá sem hyggjast greiða atkvæði og
setja vopnaða verði við biðstöðvar
almenningsvagna og bensínstöðvar.
Nokkur upplausn ríkir í San Sal-
vador þar sem skæruliðar hafa skorið
á raflínur og símalínur. Langar raðir
hafa myndast í verslunum og á
bensínstöðvum þar sem fólk vill
birgja sig upp fyrir næstu daga sem
verða án efa róstursamir.
Hermenn gráir fyrir járnum og
með andlitin svert stjórna umferð á
strætum borgarinnar.
Skoðanakannanir benda til að
kaupsýslumaðurinn Alfredo Cristi-
ani muni verða sigurvegari kosning-
anna, en litlar líkur eru taldar á að
hann nái hreinum meirihluta í fyrsti
umferð. Hann er frambjóðandi
Þjóðlega lýðræðisbandalagsins og
hefur verið bendlaður við hinar
illræmdu dauðasveitir hægri manna.
Margir óttast að ef hann verði kjör-
inn forseti muni ofbeldi í landinu
enn aukast og Bandaríkjamenn
neyðist til að hætta fjárstuðningi
sínum.
Hægrisinninn Alfredo Cristiani er talinn sigurstranglegastur í forsetaksoning-
ununt ■ El Salvador sem fram fara á sunnudaginn. Skæruliðar berjast gegn
kosningunum og gerðu eldflaugaárás á forsetahöllina í gær.
Bandaríkin:
Cheney samþykktur
Varnarmálanefnd Bandaríkja-
þings samþykkti að mæla með
Dick Cheney sem varnarmálaráð-
herra Bandaríkjanna, en George
Bush forseti hafði tilnefnt hann í
embættið eftir að öldungadeild
Bandaríkjaþings hafði hafnað
glaumgosanum John Tower.
- Cheney öldungadeildarþing-
maður er mjög hæfur til að gegna
embætti varnarmálaráðherra,
sagði Sam Nunn formaður vam-
armálanefndarinnar, en hann og
aðrir demókratar settu stein í götu
Towers á sínum tíma.
Öldungadeildin mun strax fjalla
um útnefninguna og er talið næsta
víst að Cheney verði samþykktur
varnarmálaráðherra án mikillar
umræðu.
Þótt undarlegt megi virðast hef-
ur Cheney mjög litla reynslu á sviði
utanríkismála og varnarmála.
Hann er hins vegar mjög virtur
eins og orð Nunns bera vitni.