Tíminn - 17.03.1989, Blaðsíða 14

14 Tíminn
Föstudagur 17. mars 1989
s
ÁLUMESSA Mozarts
mun hljóma í Kristskirkju,
Landakoti þá helgi sem núerað
ganga í garð. Pað er Söngsveitin
Fílharmónía sem flytur verkið
ásamt hljóðfœraleikurum.
Stjórnandi er Úlrik Ólason.
Er þetta í annað sinn sem
Söngsveitin flytur Requiem
Mozarts, en 25 áreru liðin síðan
það meistaraverk var flutt.
Að þessu'sinni verða
einsöngvarar Signý
Sœmundsdóttir, sópran, Puríður
Baldursdóttir, alt, Jón
Porsteinsson, tenór og Guðjón
Óskarsson, bassi.
Konsertmeistari kammersveitar
er Szymon Kuran.
Sálumessan verður flutt
þrisvar. í kvöld, föstudag, kl.
20.30, á morgun, laugardag, kl.
17.00 og á sama tíma á
sunnudag. Forsala
aðgöngumiða verður í ístóni
Freyjugötu 1, og einnig verður
hœgt að kaupa miða við
innganginn, svo lengi sem ekki
verður uppselt.
V
Sálumessan er síðasta verk
Wolfgang Amadeus Mozarts, og
náði hann reyndar ekki að Ijúka
henni fyrir dauða sinn og er þetta því
hans eigin sálumessa þótt hún hafi
verið pöntuð af öðrum.
Fá mannanna verk hafa staðist
tímans tönn eins vel og tónsmíöar
Mozarts, sem raunar ná enn meiri
hylli eftir því sem tímar líða og hefur
aödáendahópur tónskáldsins aldrei
verið stærri en nú, nær tveim öldum
eftir dauða hans.
Tónlistarunnendur hafa auðvitað
haft Mozart og verk hans í miklum
metum enda eru þau leikin og sungin
um allan hinn menntaða heim.
En með kvikmyndinni Amadeus
jókst frægð tónmeistarans mikla um
allan helming, þar sem með henni
var náð til margra þeirra sem að öllu
jöfnu láta sig æðri tónlist litlu varða.
MYNDIR OG TEXTI: OÓ
Þeir sem þekkja Mozart fremur af myndinni um æfi hans
en af tónverkunum, ættu að minnast mannsins dularfulla sem
bankaði upp á hjá meistaranum og keypti sálumessu ósamda.
En Mozart samdi sjálfum sér síðast snilldarverk sitt.
Nú er tækifæri til að hlýða á þetta mikla verk á íslandi og
það í umhverfi sem hæfir því, í Kristskirkju. Þá sem þegar hafa
tómsmíðar Mozarts í mildum metum þarf ekki að hvetja til að
eyða kvöldstund til að hlýða á Requiem en allir þeir sem fengu
nasasjón af snillingnum Amadeusi geta nú kynnst einu af
höfuðverkum hans í vönduðum flutningi í tilhlýðilegu
umhverfi.
Myndirnar eru teknar
á æfingu Söngsveitarinnar Fílharmóníu ■ Kristskirkju.