Tíminn - 24.10.1992, Qupperneq 1

Laugardagur
24. október 1992
185. tbl. 76. árg.
VERÐ í LAUSASÖLU
KR. 110.-
Ástir og
trygg-
ingasvik
Óvenju margir tilkynntu um upphaf sambúðar í kjölfar á umræð-
um um að sambúðarfólk haldi áfram að skrá sig sem einstætt for-
eldri til að missa ekki af ýmsum greiðslum. Heimiid er fyrir því í
lögum að draga bætur tvöfalt af fólki komi í ljós að brögð séu í tafli.
Algengast er að nágrannar tilkynni um fólk gruni þeir það um
græsku. í gær var kynnt átak til að ná til þessa hóps og þeirra sem
misnota greiðslur sem ætlaðar eru einstæðum foreldrum.
„Það hefur nú alltaf verið i
i gangi ínn-
heimta á ofgreiðslum," segir Ágúst Þór
Sigurðsson, lögfræðingur hjá Trygg-
ingastofnun. Stofriunin greiðir út
mæðra- og feðralaun sem einstæðir for-
eldrar njóta. Hann kannast ekki við að
sérstöku átaki hafi verið beitt fyrr til að
ná til þeirra sem misnoti bætur. Hann
telur þó að í kjölfar umræðna um mis-
notkun á greiðslum á dögunum hafi
skráðu sambúðarfólki fjölgað. „Þá vökn-
uðu menn aðeins. Það var mikið til-
kynnt til okkar en það urðu engar breyt-
ingar í eftirlitsaðferðum héma,“ segir
Ágúst Hann segir að mest hafi verið um
það að íbúar í sama stigagangi eða í
næstu húsum hafi verið að tilkynna um
fólk sem það ætlaði að væri skráð á ann-
að heimilisfang. Einnig telur Ágúst að
margir hafi óttast að kæmist upp um
raunverulega sambúð yrði fólki refsað
með verulegum álögum. Hann segir að
stofriunin eigi fullt í fangi með að kanna
þessi mál. „Það er svo gífurlega mikið
um þetta. Það hefúr verið tilhneiging
hjá okkur að reyna að kafa ofan í þau mál
sem við faum einhverja ábendingu um.
Það hefur gengið ágætlega þó að um
mjög lágt hlutfall af þeim sem svindla sé
að ræða,“ segirÁgúst. Hann telur að það
þurfi aukinn mannskap til þess að fylgja
málum eftir.
Þess má geta að þær bætur sem
fólk er að sækjast efir fyrir utan mæðra-
og feðralaun eru bamabótaauki á bama-
bætur, hærri námslán, dagvistarrými
o.fl.
Mæðralaun með einu bami em 4.732
kr, með tveimur 12.398 kr. og með
þremur bömum 21.991 kr.
Mæðralaunin falla niður hafi fólk verið í
sambúð í tvö ár. Eigi fólk bam saman
falla mæðralaunin strax niður. -HÞ
Jónas Haraldsson, lögfræöingur Landssambands íslenskra útvegsmanna, var kosinn formaður
stjórnar Fiskifélags islands, hann sést hér sitjandi á milli Maríasar Þ. Guömundssonar (t.v.) og Ingólfs
—i——Falssonar frá Keflavík. f ræöustóli er Þorsteinn Gíslason. Tímamynd Ami Bjama
Stormasömu Fiskiþingi lokið. Lögfræðingur LÍÚ kosinn stjórnarformaður:
Skjálfti á lokasprett-
inum og æsileg kosning
í gær lauk stormasömu Fiskiþingi með kosningu stjórnar og stjómarfor-
manns. Jónas Haraldsson, lögfræðingur Landssambands íslenskra útvegs-
manna, var kjörinn formaður stjómar eftir æsispennandi kosningu við
Guðjón A. Kristjánsson, forseta Farmanna- og fiskimannasambandsins.
Þetta var ennfremur síðasta þing Þorsteins Gíslasonar sem fiskimálastjóra.
Mjótt var á munum þegar úrslit endurskipuleggja starfið. Þaðþarfað
lágu fyrir á milli þeirra Jónasar og
Guðjóns. Jónas fékk 18 atkvæði en
Guðjón A. fékk 16. Tveir seðlar voru
auðir af 36 sem greiddu atkvæði.
Þessi kosning var sérkennileg að því
leyti að þegar úrslit lágu fyrir sagðist
Jónas ekki taka kjöri nema því að-
eins að hann fengi að velja ákveðna
menn með sér í stjómina. Það fékkst
í gegn og var listi Jónasar samþykkt-
ur.
„Ég var hér ekki sem fulltrúi eða
lögfræðingur LÍÚ heldur sem ein-
staklingur og félagi úr Reykjavíkur-
deild Fiskifélagsins og sat á Fiski-
þingi sem fulltrúi þeirrar deildar.
Fiskimálin eru ekki lengur aðalmál-
ið hjá okkur í dag heldur þurfum við
að að taka innri mál félagsins fyrir og
tryggja okkur sess á fjárlögum í
framtíðinni og örva starfsemi félags-
ins,“ sagði Jónas Haraldsson.
,Jónas skilyrti framboð sitt en það
hefur aldrei gerst áður í kosningum
hjá Fiskifélaginu heldur hafa menn
verið kosnir lýðræðislegri kosn-
ingu,“ sagði Guðjón A. Kristjánsson.
Hann sagðist vona að mönnum tak-
ist að halda félaginu saman og það
verði áfram sterkt þótt formaður
stjórnar væri jafnframt Iögfræðingur
LÍÚ. „Ég á enga aðra ósk fyrir félag-
ið,“ sagði Guðjón A.
Fyrr um daginn var ennfremur kos-
ið á milli aflamarks og sóknarstýr-
ingar, en eins og kunnugt er klofnaði
sjávarútvegsnefnd þingsins til máls-
ins. Leikar fóru þannig að stuðning-
ur við aflamarkið og núverandi kerfi
hlaut 24 atkvæði en tillagan um
sóknarstýringu hlaut 11 atkvæði.
Samkvæmt nýjum samþykktum fé-
lagsins er formaður stjómar Fiskifé-
lags íslands hæstráðandi þar á bæ og
verður eitt fyrsta verk hinnar nýju
stjómar að auglýsa lausa stööu fiski-
málastjóra, þar sem Þorsteinn Gísla-
son hefúr ákveðið að láta af störfum
frá og með næstu áramótum. En
Þorsteinn hefur verið fiskimálastjóri
í 10 ár og þar á undan varafiskimála-
stjóri í 12 ár. Við þingslit var honum
þakkað með lófaklappi.
-grh
Einar Guðfinnsson hf.:
ÞRIGGJA VIKNA
GREIÐSLUSTÖÐVUN
Héraðsdómari Vestfjarða veitti í
gær Einari Guðfinnssyni hf. í
Bolungarvik greiðslustöðvun til
þriggja vikna, eöa til 13. nóvem-
ber næstkomandi.
Fyrirtækið er það stærsta í kaup-
staðnum og hefur verið burðarás
atvinnulífsins í bænum svo lengi
sem næstelstu menn muna. Með
greiðslustöðvuninni frestast áður
ákveðið uppboð á eignum fyrir-
tæksins sem átti að koma til fram-
kvæmda í næstu viku.
Fyrirtæki Einars Guðfinnssonar
hf. er skuldum hlaðið en stærstu
lánardrottnar þess em Lands-
banki íslands, Byggðastofnun og
Fiskveiðisjóður. -grh
Beint leiguflug til Newcastle. Hreint frábærar
haustferðir á verði sem þú getur ekki hafnað
4 daga ferðir, verð frá 22.900,-*
5 daga ferðir, verð frá 24.900,-*
8 daga ferðir, verð frá 32.400,-*
Brottfarardagar
25. október laus sæti
28. október uppselt
1. nóvember örfá sæti laus
4. nóvember uppselt
8. nóvember laus sæti
/NEWCASTLE1
4
11. nóvember uppselt
15. nóvember örfá sæti laus
18. nóvember uppselt
22. nóvember laus sæti
25. nóvember aukaferö
‘Staögreiðsluverð er miðað við tvo í herb. Flugvallarskattur og forfallagjöld ekki innifalin.
Ferðaskrifstofan Alís, sími 652266, fax. 651 160