Tíminn - 24.10.1992, Blaðsíða 9
Laugardagur 24. október 1992
Tíminn 9
var vinsæl í slömmunum kringum
Lima. Banamenn hennar sprengdu
líkið í tætlur með dýnamiti fyrir aug-
um fjölskyldu hennar. Jafnvei í Perú
gekk það fram af mörgum.
Síðan senderistar hófu skæruhemað
hefur foringi þeirra farið huldu höfði,
aldrei verið séður nema af fáum og
frægð hans sem dularfulls og ógn-
þrungins leiðtoga aukist að því skapi.
Hann var dýrkaður af fylgjurum sín-
um, ekki síður en sumir aðrir leiðtog-
ar kommúnista fyrr og nú. Mönnum
hans var skylt að læra fræði hans, sem
senderofræðingar segja fremur þurra
og ófmmlega lesningu, utanbókar.
Hann leyfði þeim að deila um ýmis-
legt, en tók sjálfur allar ákvarðanir.
Eitt af því sem einkennir Sendero
Luminoso er að margt kvenna er þar í
liði. Kona Guzmáns, tíu árum yngri en
hann, var Augusta La Torre, sem fylgdi
honum upp í fjöll og varð næstráðandi
hans. Þau skildu fyrir fjórum ámm og
skömmu síðar mun Augusta hafa
framið sjálfsvíg. Þau hjón greindi á um
kenninguna og einhverjir sendero-
fræðingar telja að Guzmán hafi fengið
Augustu til að svipta sig lífi, þar eð það
væri flokknum fyrir bestu.
Síðan tók Guzmán saman við Elenu
Iparaguirre, sem einnig varð næstráð-
andi hans og var handtekin ásamt
honum.
Með kveðju til „hund-
kviidndis“
Senderistar hafa lítil eða engin sam-
bönd við aðra kommúnistaflokka og
vinstribyltingarhreyfingar, sem þeir
líta á sem villumenn. Þegar fylgis-
menn „fjórmenningaklíkunnar" í Kína
urðu þar undir, hengdu senderistar
hunda í götuljósastaumm í Lima. Var
sú kveðja ætluð „hundkvikindinu"
Deng Xiaoping. Hreyfingin hefur eink-
um fjármagnað sig með því að skatt-
leggja eiturlyfjahringana, sem fá mikið
af hráefni sínu í kókaín frá Perú.
Greiða hringamir senderistum skatt
gegn því að fá að vera í friði fyrir þeim.
A þessu ári hafa senderistar gerst æ
athafnasamari í fátækrahverfunum
kringum Lima, þar sem saman hafa
safnast milljónir manna á flótta undan
ógnum borgarastríðsins og neyð af
völdum þurrka og landþrengsla. í
slömmunum er líf fólks þessa lítt eða
ekki betra en áður, og meðal þess hef-
ur senderistum orðið nokkuð gott til
liðs. Svo er að sjá að Presidente Gonz-
alo hafi verið búinn að ákveða að ein-
beita liðsstyrk sínum að því að vinna
höfuðborgina.
Fremur minnkandi vígsgengi flokks-
ins í hálendinu kann að hafa stuðlað
að þessari stefnubreytingu í hemaðin-
um, en sumir fréttamenn og sendero-
fræðingar telja að einhverju kunni hér
um að hafa valdið heilsufar foringjans.
Hann þjáist af psoriasis og of fáum
rauðum blóðkomum og kvað þola illa
loftslagið í Andeshálendinu, þar sem
loftið er svo þunnt að stjómarherinn á
í örðugleikum við að beita þyrlum
gegn skæruliðum.
Haukar í horni meðal
betriborgara
Stjórnarlögreglan hafði fyrir löngu
grun um að Guzmán dveldist lang-
dvölum í Lima og hafði mánuðum
saman leitað hans í hverju skúmaskoti
í fátækrahverfunum. Skínandi stíg er
oft líkt við Rauða kmera og haft fyrir
satt að stjómarfarið hjá hreyfingunni
yrði eftir því, næði hún völdum. Þótti
ótrúlegt að aðrir en fátæklingar styddu
slíkan flokk, þar eð yfir- og millistéttir
ættu ekki af honum annars von en út-
rýmingar.
En þegar lögreglan um síðir hafði
upp á heimspekiprófessomum og ógn-
valdinum var það f Surquillo, einu
góðborgarahverfinu í Lima. Og nú
sýndi sig að því fór fjarri að senderistar
væru fylgislausir meðal fólks af því
tagi sem í slíkum hverfúm býr. Eink-
anlega er það fólk í listum sem gengið
hefur Skínandi stíg á hönd, þ.á m.
þekkt ballettdansmær sem rekur skóla
í þeirri grein og eitt virtasta tónskáld
landsins. Þegar lögreglan ruddist inn
á Guzmán sat hann vana sínum trúr
við lestur. Yfirvöld sýndu myndir af
honum hálfnöktum, í nærklæðum og í
röndóttum fötum inni í búri. Allt var
það meðvitað í þeim tilgangi að gera
Senderistar á
heræfingum —
sjá má þó
nokkrar konur í
flokknum.
foringja þennan hlægilegan og útrýma
þar með mjög svo óttablandinni virð-
ingunni fyrir honum og flokki hans.
Umdeilt er hvort það takist. Sumra
mál er að þar eð senderistar séu vanir
því að lúta (að þeirra mati) óskeikulum
leiðtoga, muni þeir margklofna er
hann er ekki lengur til að taka ákvarð-
animar. Aðrir telja að flokkur þessi sé
of sanntrúaður á að samkvæmt lög-
málum sögunnar sé óhjákvæmilegt að
hann vinni (í samræmi við marxíska
kenningu) til þess að hann leggi nú
upp laupana.
Dómaramir sem dæmdu Guzmán
voru allir grímubúnir. „Við munum
frysta hlátur ykkar," stóð á dreifimið-
um sem áhangendur senderista út-
býttu meðal fólks er fagnaði handtöku
Fjórða sverðs. ,Af er að vísu höfuðið en
líkaminn er enn heill,“ sagði lögreglu-
foringi nokkur spaklega.
AKTU EKKI ÚT I ÓVISSUNA
AKTUÁSUBARULEGACY
Ingvar
Helgason hf.
Sævarhöföa 2
síma 91-674000
HÁTT OG LÁGT DRIF. SUBARU LEGACY 2.0
ER MEÐ HÁU OG LÁGU DRIFI LÍKT OG JEPPI.
Háfeti. Subaru Legacy 2.0 4WD
ER FÁANLEGUR í ÚTFÆRSLUNNI
"ARCTIC Edition".
"ARCTIC EDITION" ER SÉRSTAKLEGA
ÆTLAÐUR TIL AKSTURS
ÞAR SEM AÐSTÆÐUR ERU ERFIÐAR
OG ILLFÆRAR.
Bjóðum verðlækkun á nokkrum Subaru Legacy árgerð '92
OPIÐ laugardag og sunnudag FRÁ KL. 14-17