Tíminn - 25.01.1986, Blaðsíða 18
18Tíminn
íbúðir í verka-
mannabústöðum
Nýjar íbúðir. Stjórn verkamannabústaða á Akranesi
auglýsir hér með 6 nýjar og nýlegar íbúðir í verka-
mannabústöðum á Akranesi (í fjölbýlishúsum) til sölu.
Allar þriggja herbergja.
Réttur til kaupa. Rétturtil kaupa á íbúð í verkamanna-
bústöðum er bundinn við þá sem uppfylla eftirtalin skil-
yrði.
a) Eiga lögheimili á Akranesi.
b) Eiga ekki íbúð fyrir eða samsvarandi eign í öðru
formi.
c) Hafa haft í meðaltekjur þrjú síðustu árin eigi hærri
fjárhæð en sem samsvarar kr. 416.000.- fyrir einhleyp-
ing eða hjón og kr. 38.000,- fyrir hvert barn á framfæri
innan 16 ára aldurs.
Áætlað verð. Verð þriggja herbergja íbúðar er áætlað
kr. 2.000.000.- miðað við byggingarvísitölu 1. janúar
1986. Við þá upphæð bætist lántökukostnaður á bygg-
ingartíma og eftirlitskostnaður.
Greiðslukjör. Kaupandi greiðir 20% kaupverðs
(byggingarkostnaðar) fyrir afhendingu. Skal fyrsta
greiðsla kaupanda innt af hendi innan mánaðarfrá því
úthlutun ferfram. Eftirstöðvar, 80% kaupverðs, eru lán-
aðar úr Byggingarsjóði verkamanna til 43 ára. Er lánið
afborgunarlaust fyrsta árið, en endurgreiðist síðan að
fullu með jöfnum greiðslum vaxta og afborgana að við-
bættum verðbótum skv. lánskjaravísitölu Seðlabanka
íslands á eftirstöðvum lánstímans.
Afhending. Áætlaður afhendingartími íbúðanna er
seinni hluti sumars 1986.
Umsóknarfrestur. Umsóknarfrestur um framangreind-
ar íbúðir er til 24. febrúar 1986. Sérstök umsóknareyð-
ublöð liggja frammi á bæjarskrifstofu Akraness að
Kirkjubraut 28, 2. hæð, Akranesi. Eldri umsóknir þarf
ekki að endurnýja.
Endursöluíbuðir. Á vegum stjórnar verkamanna-
bústaða koma einnig til úthlutunar árlega notaðar íbúðir
í verkamannabústöðum. Umsóknarfrestur um slíkar
íbúðir er til 24. febrúar 1986. Eldri umsóknir þarf ekki að
endurnýja. Sömu umsóknareyðublöð gilda um þessar
íbúðir og nýjar.
Akranesi, 10. janúar 1986.
Stjórn verkamannabústaða á Akranesi.
Núverandi og fyrr-
verandi íbúar í
Skaftártunguhreppi
athugið!
Ákveðið hefur verið að efna til hugmynda-
samkeppni um nafn á félgsheimilið meðal núver-
andi og fyrrverandi íbúa Skaftártunguhrepps.
Þriggja manna dómnefnd mun velja um tillögu og
tilkynna um niðurstöðu þegar húsið verður form-
lega opnað. Tillögum skal skilað fyrir 20. febrúar
1986 nafn sendanda skal fylgja með í lokuðu um-
slagi. Hver þátttakandi má skila tveim tillögum og
utanáskrift félagsheimilisins er: Skaftár-
tunguhreppur 880 Kirkjubæjarklaustri. (Merkt hug-
myndasamkeppni).
Verkamannafélagið
Hlíf Hafnarfirði
Tillögur uppstillinganefndar og trúnaðarráðs
verkamannfélagsins Hlífar um stjórn og aðra trún-
aðarmenn félagsins fyrir árið 1986 liggja frammi á
skrifstofu félagsins frá og með mánudeginum 27.
janúar. Öðrum tillögum ber að skila á skrifstofu
Hlífar Reykjavíkurvegi 64, fyrir kl. 17 fimmtudaginn
30. janúar 1986 og er þá framboðsfrestur útrunn-
inn.
Kjörstjórn verkamannafélagsins Hlífar.
Laugardagur 25. janúar 1986
lllll BRIDGE .
GuðmundurSv. Hermannsson:
Jón og Símon voru
menn Bridgehátíðar
Jón Ásbjörnsson og Símon Sím-
onarsson voru að öðrum ólöstuðum
menn Bridgehátíðar, því þeir unnu
ekki aðeins tvímenninginn með yfir-
burðum heldur náðu þeir einnig
öðru sæti í keppninni um Flugleiða-
bikarinn ásamt sveitarfélögum
sínum.
Jón og Símon tóku snemma for-
ustuna í tvímenningsmótinu og juku
hana sífellt til loka. Reyndar er þetta
í fyrsta skipti í 5 ára sögu Bridge-
hátíða sem tvímenningurinn vinnst
með afgerandi mun. Hingað til hafa
úrslitin ekki ráðist fyrr en í loka-
umferðinni.
Það var ekki það að erlendu þátt-
takandurnir væru neitt slakari en
hingað til. Þvert á móti voru þar
valdir menn í hverju rúmi en ein-
hverra hluta vegna virtist enginn
þeirra ná sér á strik í tvímenningn-
um, nema ef vera skyldi Zia Mah-
mood og Barry Meyers sem enduðu í
öðru sæti. En þeir komust ekki til
landsins fyrr enn á laugardagsnótt og
þá var tæplega helming mótsins
lokið. Þeir fengu að byrja með
meðalskor svo það er ómögulegt að
segja hvernig farið hefði ef þeir
hefðu spilað allt mótið.
Það er að vísu ekkert nýtt að út-
lendingunum gangi ekki sem best í
tvímenningskeppninni. Síðustu þrjú
ár hafa íslendingar unniö það mót,
og í hitteðfyrra var raunar tvölfaldur
íslenskur sigur.
í sveitakeppninni höfum við fs-
lendingar hinsvegar þurft að lúta í
lægra haldi fyrir gestunum, síðan
sveit Karls Sigurhjartarsonar vann
Flugleiðabikarinn í fyrsta skipti sem
um hann var keppt árið 1982. Og í
rauninni hcfur Flugleiðamótið þró-
ast eins síðan núverandi form var
tekið upp, þ.e. 7 umferða Monrad-
keppni. Ein erlend sveit tekur
snemma forustu ogeykur hana sífellt
meðan hinar erlendu sveitirnar og
nokkrar íslenskar berjast um í suðu-
potti 2.-10. sæti. Og í rauninni erþað
happdrætti hvernig þau sæti skiptast
í lokin.
í þetta sinn voru það Danirnir
Lars og Knud Blakset, Steen Schou
og fslendingurinn Sævar Þorbjörns-
son sem unnu Flugleiðamótið með
öryggi, enda spiluðu þeir geysivel.
Lars Blakset er, þrátt fyrir að hann sé
aðeins 26 ára gamall, einn albesti
spilari Dana og á þegar að baki tvö
Evrópumót og tvö Norðurlandamót
auk nokkurra Danmerkurtitla.
Bróðir hans, Knud er einu ári eldri
en er líka landsliðsmaður og Dan-
merkurmeistari. Og þó bræðurnir
rífist stundum ná þeir vel saman við
spilaborðið. Steen Schou, og Sævar
Þorbjörnsson höfðu aldrci spilað
saman fyrir þetta mót en það virtist
ekki há þeim enda spiluðu þeir ein-
falt kerfi og pössuðu sig á að flækja
ekki málin.
Bridgehátíö er orðin fastur punkt-
ur í tilveru íslenskra bridgespilara og
bridgeáhugamanna, og raunar nokk-
urra erlendra líka. Margir erlendu
gestanna nú hafa komið hingað áður
og ef mig misminnir ekki er þetta t.d.
í þriðja skipti sem Lars Blakset kem-
ur á Bridgehátíð.
Erlendu gestirnir voru sammála
um að framkvæmd mótanna væri til
fyrirmyndar og sérstaklega fannst
þeim vandað til tvímenningsins. Þar
voru úrslit hverrar umferðar kom-
in til spilaranna tölvureiknuð og
skrifuð á sérstakan skormiða. Og á
skormiðunum stendur líka hvað við-
komandi par cr með mörg stig og í
hvaða sæti það er eftir umferðina.
Útreikningurinn var verk Vigfúsar
Pálssonar.
En það sem erlendum gestunum
fannst ef til vill mest til koma var
keppnisstjórinn, Agnar Jörgenson.
Undir hans stjórn gekk allt snuðru-
laust og hratt fyrir sig og öll vanda-
Símon Símonarson sést hér spila við
bandaríska spilarann Polowan.
Símon vann tvímenning Bridge-
hátíðar ásamt Jóni Asbjörnssyni og
þeir urðu einnig í öðru sæti í sveita-
keppninni ásamt Jóni Hjaltasyni
Herði Arnþórssyni og Stefáni Guð-
Johnsen.
Tímamynd Árni Bjarna.
mál voru leyst með hraði. Við ís-
lendingarnir sáum auðvitað ekkert
óvenjulegt við þetta, við erum orðnir
þessu svo vanir.
Reykjavíkurmótið
í sveitakeppni:
Þegar 10 umferðum er lokið af 23 í
undankcppni Reykjavíkurmótsins í
sveitakeppni er staðan þessi:
Samvinnuferöir 201
Delta 200
Úrval 192
Jón Hjaltason 186
Stefán Pálsson 182
Páll Valdemarsson 171
Næst verður spilaö i i Hreyfilshús-
inu í dag og síðan á ntorgun á sama
stað.
Bridgedeild Rangæinga
F.ftir þrjár umferðir í aðalsveita-
keppninni er staða efstu sveita þessi:
Gunnar Helgason 75
Sigurleifur Guðjónsson 66
Gunnar Guðmundsson 52
Bridgedeild Breiðfirðinga
Eftir 18 umferðir í aðaltvímenn-
ingi félagsins er þetta röð efstu par-
anna:
Guðjón Sigurðsson
- Birgir ísleifsson 310
Albert Þorsteinsson
- Sigurður Emilsson 302
Sveinn Þorvaldsson
- Hjálmar Pálsson 288
Halldór Jóhannsson
- Ingvi Guðjónsson 269
Sveinn Sigurgeirsson
- Baldur Árnason 267
Jón Stefánsson
- Magnús Oddsson 260
Guðmundur Aronsson
- Sigurður Ámundason 240
Ingibjörg Halldórsdóttir
- Sigvaldi Þorsteinsson 216
Jens Karlsson
- Björn Karlsson 197
Guðlaugur Sveinsson
- Magnús Sverrisson 196
Bridgefélag Breiðholts
Að loknum 4 umferðum í aðal-
sveitakeppni cr röð efstu sveita
þessi:
Rafn Kristjánsson 84
Anton R. Gunnarsson 79
Þorsteinn Kristjánsson 71
Helgi Skúlason 71
Bergur Ingimundarson 68
Bridgefélag Reykjavíkur
Fyrsta keppni félagsins á þessu ári
hefst 5. febrúar. Það er aðaltví-
menningur félagsins og tekur 6
kvöld. Þátttökutilkynningar þurfa
að berast fyrir 2. febrúar til Agnars
S. Jörgensonar keppnisstjóra eða
stjórnarmanna.
Afmælisfundur Kvenréttinda-
félags íslands um náms-
og starfsval
Fræðslu- og umræöufundur Kvenrétt-
indafélags fslands verður að Hótel Esju
mánud. 27. janáarn.k. kl. 19.30. Fundur-
inn er haldinn til að minnast 79 ára
afmælis félagsins þennan dag. Dagskrá
fundarins hefst meö því, að Esther
Guömundsdóttir formaður KRFf flytur
ávarp en síðan verða flutt fimm stutt
framsöguerindi:
1. Staðreyndir um skiptingu í námsgreinar
eftir kynjum Jónína Margrét Guðnadóttir
cand. mag.
2. Starfsfræðsla og námsráðgjöf í grunn-
skólum. Guðrún Þórsdóttir kennari.
3. Námsráðgjöf í framhaldsskólum.
Guðrán Hannesdóttir kennari og náms-
ráðgjafi.
4. Starfsráðgjöf utan skólakerfis. Sölvína
Konráðs sálfræðingur.
3. Frá sjónarhóli atvinnurekandans. Þór-
arinn V. Þórarinsson aðstoðarfram-
kvæmdastjóri VSÍ.
Að framsöguerindum loknum verða
fyrirspurnir og umræður. Þátttakendur í
umræðunum verða Ásta K. Ragnarsdóttir
námsráðgjafi við H.Í., Bjarni Kristjáns-
son. rektor Tækniskóla fslands, Gunnar
Hansson forstjóri IBM, Kristín Halldórs-
dóttir alþingismaður, Sigþráður Ingi-
mundardóttir, formaður Hjákrunarfélags
Islands auk tveggja ncma ár grunnskóla
og framhaldsskóla. Umræðunum stýrir
ÁsdísJ. Rafnar.
Fundarstjóri verður Áslaug Brynjólfs-
dóttir fræðslustjóri en ritari Helga Sigur-
jónsdóttir kerfisfræðingur.
Fundurinn er öllum opinn.
Hugmyndaþing Málfundafélags
félagshyggjufólks
Málfundafélag fclagshyggjufólks
gengst fyrir hugmyndaþingi laugardaginn
25. janúar, kl. 10-18 í Odda, húsi Háskóla
íslands. Þingið er hluti af undirbúningi
fyrir ritgerðarsafn uin félagshyggju scm
ætlunin er að gefa út haustið 1986. Til-
gangur þingsins er að gcfa ritgerðar-
höfundum tækifæri til að viðra hugmyndir
sínar og jafnframt að gefa áhugasömu fél-
agshyggjufólki færi á að leggja orð í belg.
A þinginu verða flutt um 15 stutt fram-
söguerindi. Meginefni þingsins eru sið-
ferðilegur grundvöllur og hagfræðilegar
forscndur félagshyggju, félagshyggju-
samtök og framkvæmd félagshyggju á
ýmsum sviðum samfélagsins. Umræður
verða á milli einstakra efnisflokka.