Morgunblaðið - 23.12.2006, Blaðsíða 11
MORGUNBLAÐIÐ LAUGARDAGUR 23. DESEMBER 2006 11
FRÉTTIR
Opið virka daga frá kl. 10-18,
lau. frá kl. 10-16 og sun. frá kl. 13-17
• Pelskápur
• Rúskinnskápur
• Ullarkápur
• Leðurkápur
• Úlpur
• Ullarsjöl
• Hanskar og húfur
Mörkinni 6, sími 588 5518.
Í jólapakkann fyrir ungu stúlkuna,
mömmuna, ömmuna og langömmuna
Óskum viðskiptavinum
okkar gleðilegra jóla
Þökkum viðskiptin á árinu
sem er að líða
Starfsfólk
Feminin Fashion
www.feminin.is
Bæjarlind 12, Kópavogi • sími 544 2222
l
i i i
Opið laugardag 10-22,
sunnudag 10-12
KARLMAÐUR um tvítugt hefur verið látinn laus
úr gæsluvarðhaldi, en hann var kærður fyrir að
hafa nauðgað 13 ára gamalli stúlku. Fyrir
skömmu var hann dæmdur í þriggja ára fangelsi
fyrir að nauðga 14 ára gamalli stúlku, en því máli
hefur verið áfrýjað til Hæstaréttar.
Annar karlmaður, sem dæmdur var í fimm ára
fangelsi fyrir nauðgun, og kærður var fyrir
hrottalega nauðgun í byrjun desember, hefur hins
vegar hafið þriggja mánaða afplánun fyrir um-
ferðarlagabrot, segir Hörður Jóhannesson, yfir-
lögregluþjónn hjá lögreglunni í Reykjavík. Að-
spurður segir Hörður að ekki hafi lengur verið
skilyrði til að halda fyrri manninum í gæsluvarð-
haldi vegna rannsóknar málsins.
Í lögum um meðferð opinberra mála eru nefnd
ákveðin skilyrði sem verða að vera fyrir hendi til
að sakborningur verði úrskurðaður í gæsluvarð-
hald, t.d. ef ætla má að sakborningurinn muni tor-
velda rannsókn.
Einnig er þar ákvæði þar sem segir að úr-
skurða megi mann í gæsluvarðhald ef fyrir hendi
er sterkur grunur um að hann hafi framið afbrot
sem geti varðað við 10 ára fangelsi, sé brotið þess
eðlis að ætla megi að varðhald sé nauðsynlegt
með tilliti til almannahagsmuna.
Sakborningar sem ákærðir eru fyrir manndráp,
mjög alvarlegar líkamsmeiðingar eða stórfelld
fíkniefnabrot eru yfirleitt úrskurðaðir í gæslu-
varðhald þar til endanleg niðurstaða dómstóla
liggur fyrir á grundvelli síðastnefnda ákvæðisins.
Í nauðgunarmálum er refsiramminn 16 ár, en
það hefur ekki tíðkast að krefjast gæsluvarðhalds
á meðan málið er til meðferðar. Sigríður Elsa
Kjartansdóttir, saksóknari hjá ríkissaksóknara,
segir það helgast af orðalagi ákvæðisins, þar sem
segir að fyrir hendi þurfi að vera „sterkur grun-
ur“ um alvarlegt afbrot.
Erfitt að sýna fram á „sterkan grun“
Sigríður segir sönnunarstöðuna í kynferðis-
brotamálum yfirleitt erfiða, eins og sjá megi af því
hversu lágt hlutfall rannsókna leiði til ákæru og
sakfellingar. Því sé erfiðara að sýna fram á
„sterkan grun“ fyrir dómi en í t.d. manndráps-
máli. Það hafi oft verið reynt, en með misgóðum
árangri.
Atli Gíslason hrl. segir réttarvörslukerfið sýna
eðli kynferðisbrota og afleiðingum þeirra alvar-
legt skilningsleysi. Full ástæða sé til þess að láta
reyna á lagaákvæði um gæsluvarðhald á grund-
velli almennahagsmuna.
„Andlegar afleiðingar svona glæpa eru svaka-
legar. Flestir þolendur nauðgana ná sér ekki ævi-
langt. Sem betur fer geta mjög margir náð bata
eftir líkamsárás, en andlegu sárin gróa seint eða
alls ekki,“ segir Atli.
Dæmdur nauðgari látinn
laus úr gæsluvarðhaldi
Í HNOTSKURN
»Tveir menn sem báðir höfðu hlotið dómí héraðsdómi fyrir nauðgun voru nýlega
ákærðir á nýjan leik fyrir nauðgun, vegna
tveggja aðskildra tilvika, áður en endanleg
niðurstaða Hæstaréttar var fengin.
»Annar mannanna hefur nú verið látinnlaus úr gæsluvarðhaldi. Hinn hóf af-
plánun vegna umferðarlagabrots sem hann
átti ólokið í beinu framhaldi af gæslu-
varðhaldi sem hann var dæmdur í vegna
rannsóknar á nauðgunarmálinu.
TEKJUR sveitarfélaga og ríkisins
á mann hækkuðu um 42–45% á
árunum 1998–2005, að því er
fram kemur í vefriti fjár-
málaráðuneytisins.
Þannig hafa tekjur sveitarfé-
laga á mann hækkað úr 299 þús-
und krónum árið 1998 í 425 þús-
und krónur 2005 og nemur
hækkunin 42,5%. Miðað er við
fast verðlag landsframleiðslu.
Tekjur ríkisins á mann hafa á
sama tímabili hækkað úr 873 þús-
undum í 1.262 þúsund krónur eða
um 44,6%. Byggt er á tölum frá
Hagstofu Íslands.
Gjöld á mann á föstu verðlagi
landsframleiðslu hafa aukist hjá
sveitarfélögunum úr 319 þúsund
krónum í 439 þúsund, eða um
37,7% á þessu tímabili en sam-
svarandi hækkun hjá ríkinu er
26,8%.
Gjöld á mann hjá ríkinu voru
844 þúsund krónur árið 1998 en
1.070 þúsund krónur á mann árið
2005.
Tekjurnar
jukust um
42–44%
GEIR H. Haarde forsætisráðherra
verður í 1. sæti á framboðslista
Sjálfstæðisflokksins í Reykjavíkur-
kjördæmi suður í alþingiskosning-
unum í maí á næsta ári. Guðlaugur
Þór Þórðarson alþingismaður
verður í efsta sæti á lista flokksins
í Reykjavík norður. Dregið var um
hvor þeirra leiddi hvorn lista og
hreppti Geir listann í suðurkjör-
dæminu eins og í kosningunum
2003.
Framboðslistarnir voru sam-
þykktir á fundi í fulltrúaráði sjálf-
stæðisfélaganna í Reykjavík í
fyrradag.
Reykjavíkurkjördæmi suður
1. Geir H. Haarde forsætisráð-
herra.
2. Björn Bjarnason, dóms- og
kirkjumálaráðherra.
3. Illugi Gunnarsson hagfræð-
ingur.
4. Ásta Möller alþingismaður.
5. Birgir Ármannsson alþingis-
maður.
6. Dögg Pálsdóttir hæstaréttar-
lögmaður.
7. Erla Ósk Ásgeirsdóttir stjórn-
málafræðingur.
8. Ragnhildur Guðjónsdóttir
kennari.
9. Kolbrún Baldursdóttir sál-
fræðingur.
10. Þóra Björk Smith stjórn-
málafræðingur.
11. Theodór Bender bakari.
12. Anna María Sigurðardóttir
viðskiptafræðingur.
13. Ingibjörg Bernhöft, for-
stöðumaður Droplaugarstaða.
14. Heimir Örn Árnason hand-
boltamaður.
15. Stefanía Sigurðardóttir
nemi.
16. Stefán Máni rithöfundur.
17. Björn Ágústsson úrsmiður.
18. Kjartan Ólafsson fram-
reiðslumaður.
19. Hafdís Jónsdóttir fram-
kvæmdastjóri.
20. Þórarinn E. Sveinsson yf-
irlæknir.
21. Kjartan Gunnarsson, fyrrv.
framkvæmdastjóri.
22. Sólveig Pétursdóttir alþing-
ismaður.
Reykjavíkurkjördæmi norður
1. Guðlaugur Þór Þórðarson al-
þingismaður.
2. Guðfinna Bjarnadóttir, rektor
HR.
3. Pétur Blöndal alþingismaður.
4. Sigurður Kári Kristjánsson
alþingismaður.
5. Sigríður Ásthildur Andersen
lögfræðingur.
6. Grazyna María Okuniewska
hjúkrunarfræðingur.
7. Auður Guðmundsdóttir, mark-
aðsstjóri og MBA.
8. Katrín Helga Hallgrímsdóttir
lögfræðingur.
9. Arnar Þórisson framleiðandi.
10. Sigríður Hallgrímsdóttir að-
stoðarframkvæmdastjóri.
11. Hólmar Þór Stefánsson
smiður.
12. Jóhann Páll Símonarson sjó-
maður.
13. Sædís Guðmundsdóttir al-
þjóðamarkaðsfræðingur.
14. Júlíus Rafnsson fram-
kvæmdastjóri.
15. Örn Steinsen rekstrarstjóri.
16. Kristín Zoëga húsmóðir.
17. Hrafnhildur B. Baldursdóttir
nemi.
18. Sveinn Gíslason sjómaður.
19. Sigurjón Gísli Helgason hár-
greiðslumaður.
20. Sigurveig Lúðvíksdóttir
kaupkona.
21. Margrét Kr. Sigurðardóttir
viðskiptafræðingur.
22. Guðmundur Hallvarðsson al-
þingismaður.
Framboðslistar Sjálfstæðis-
flokks í Reykjavík samþykktir
Geir H.
Haarde
Guðlaugur Þór
Þórðarson
FJÓRÐUNGSSJÚKRAHÚSIÐ á
Akureyri (FSA) hefur verið sýknað af
kröfum stúlku, sem fæddist á sjúkra-
húsinu snemma sumars árið 2000 og
er alvarlega fötluð, þess efnis að fötl-
un hennar megi rekja til læknamis-
taka. Dómurinn var kveðinn upp af
fjölskipuðum dómi í Héraðsdómi
Norðurlands.
Stúlkan var tekin með bráðakeis-
araskurði á sjúkrahúsinu að kvöldi 2.
júní og flutt með sjúkraflugi á Land-
spítala – háskólasjúkrahús daginn
eftir. Hún er mjög fötluð líkamlega og
andlega og er 100% öryrki. Var því
haldið fram í málinu að örorku henn-
ar mætti aðallega rekja til mistaka
við meðferð og greiningu móður
hennar á fæðingar- og kvensjúk-
dómadeild FSA vikurnar fyrir fæð-
inguna, en einnig eftir fæðinguna,
ásamt ófullnægjandi upplýsingum til
móður um alvarlegt heilsufarsástand.
Landlæknir lét fara
fram rannsókn á málinu
Í dómnum er rakið ítarlega hvern-
ig meðgangan gekk fyrir sig og þær
skoðanir og aðgerðir sem gripið var
til af hálfu sjúkrahússins. Er meðal
annars rakið að Landlæknir hafi látið
fara fram rannsókn að kröfu stefn-
anda og í niðurstöðu hans komi fram
að við skoðun sjúkragagna vegna
meðgöngu og fæðingar barnsins hafi
ekkert óeðlilegt komið fram.
„Að öllu ofangreindu virtu verður
ekki fallist á það með stefnanda að við
mæðraeftirlit, fæðingu hennar eða
eftirmeðferð hafi verið um saknæma
vanrækslu eða gáleysi af hálfu starfs-
manna stefnda að ræða. Það er því
niðurstaða dómsins að ekki sé unnt að
fallast á með stefnanda að fella beri
bótaskyldu á stefnda í máli þessu.
Ber því að sýkna hann af öllum dóm-
kröfum stefnanda,“ segir í niðurstöðu
dómsins.
Málið dæmdu Ólafur Ólafsson hér-
aðsdómari, ásamt meðdómurunum
Karli Ólafssyni sérfræðingi í kven- og
fæðingarlækningum og Steini A.
Jónssyni barnalækni og sérfræðingi í
nýburalækningum.
Fjórðungssjúkrahúsið á Ak-
ureyri sýknað af bótakröfu
Fáðu úrslitin
send í símann þinn