Morgunblaðið - 23.12.2006, Blaðsíða 18

18 LAUGARDAGUR 23. DESEMBER 2006 MORGUNBLAÐIÐ
ERLENT
Eftir Baldur Arnarson
baldura@mbl.is
S
amkvæmt nýrri skoðanakönnun
norsku dagblaðanna Nationen,
Dagen og Klassekampen, sem birt
var á fimmtudag, heldur Framfara-
flokkurinn þeirri stöðu sinni að
mælast vinsælasti stjórnmálaflokkur landsins
með 30,8 prósenta fylgi. Að sögn norskra og
danskra viðmælenda Morgunblaðsins er þó
ekki hægt að bera hann saman við danska
Þjóðarflokkinn, annan flokk sem hefur gert
sér mat úr ólgu vegna innflytjendamála og hef-
ur mikil ítök í stjórn Anders Fogh Rasmussen.
Til samanburðar mælist norski Verka-
mannaflokkurinn, undir forystu Jens Stolten-
bergs, með 29,2 prósenta fylgi, en hann leiðir
nú ríkisstjórnina í félagi við Sósíalíska vinstri-
flokkinn og Miðflokkinn.
Norðmenn ganga næst að kjörborðinu árið
2009 og hefur Siv Jensen, hinn umdeildi for-
maður Framfaraflokksins, einsett sér að fella
stjórn Stoltenbergs forsætisráðherra. Hún
hefur lag á að vera í sviðsljósinu og í uppgjöri
vefsíðu E24 Næringsliv fyrir árið 2006 er hún
talin þriðja valdamesta kona Noregs.
Margt bendir til að henni muni takast ætl-
unarverk sitt, þótt enn sé vitaskuld langt til
kosninga, en í umfjöllun Nationen um könn-
unina segir að Framfaraflokkurinn hafi síð-
ustu tíu mánuði mælst með yfir 30 prósenta
fylgi, eftir að hafa farið í 34,7 prósent í könnun
AC Nielsen fyrir blaðið Dagsavisen í apríl.
Þurfa aðeins þrjá þingmenn
Eins og blaðið Aftenposten bendir á þurfa
Framfaraflokkurinn og Hægriflokkurinn, sem
nú mælast með 82 þingmenn, miðað við 75
þingmenn stjórnarflokkanna, aðeins þrjá til
viðbótar til að ná þingmeirihluta.
Jensen varð leiðtogi Framfaraflokksins í
maí, þegar Carl I. Hagen lét af formennsku.
Hún boðar skýra stefnu í málefnum innflytj-
enda og virðist það falla stuðningsmönnum
flokksins vel í geð: Þeir mælast þeir tryggustu
sé miðað við þingkosningarnar 2005.
Aftenposten gerði velgengni Framfara-
flokksins í könnunum að umtalsefni í vikunni,
þar sem haft var eftir kosningasérfræðingnum
Hanne Marthe Narud við Óslóarháskóla að
niðurstöður þeirra bentu til þess að flokkurinn
hefði byggt upp öflug stjórnmálasamtök og
breiðan kjósendahóp.
Að sögn Haralds Stanghelle, stjórnmálarit-
stjóra Aftenposten, er ekki eingöngu hægt að
rekja vinsældir Framfaraflokksins, sem hann
segir mælast með allt frá 25 til 30 prósenta
fylgi, til umdeildra áherslna forsvarsmanna
hans í málefnum innflytjenda.
„Í jafn auðugu landi og Noregi er auðvelt að
trúa því að hægt sé laga allt það sem fer aflaga
í samfélaginu með fjármunum,“ sagði Stang-
helle. „Framfaraflokkurinn boðar ráðstöfun
fjár úr norska olíusjóðnum nú þegar, en að það
verði ekki lagt til hliðar eins og formenn hinna
flokkanna vilja. Talsmenn hans vilja veita fé til
að byggja vegi og sjúkrahús. Stjórnin telur
hins vegar að slíkt myndi leiða til þenslu í hag-
kerfinu. Það má því segja að með því að styðja
flokk Jensens séu Norðmenn að mótmæla
stjórninni.“
Einfaldur og skýr boðskapur
Stanghelle þakkar einnig forystu Framfara-
flokksins góða útkomu hans í könnunum.
„Forveri Jensens, Hagen, var mjög fær
stjórnmálamaður, líkt og hún sjálf. Jensen
kemur áherslum sínum til skila til kjósenda á
beinskeyttan hátt, með því að tala einfalt og
auðskilið mál. Henni hefur einnig tekist að við-
halda þeirri aðgreiningu í huga fólksins að
Framfaraflokkurinn sé ólíkur hinum flokkum
elítunnar í stjórnsýslunni, þrátt fyrir að vera
orðinn einn stærsti flokkurinn.“
Því má skjóta inn, að þessi áhersla á að
meginflokkar hafi svikið tiltekinn hóp kjós-
enda á margt sameiginlegt með áróðri Breska
þjóðarflokksins, BNP, í innflytjendamálum.
Stanghelle segir að samstaða hafi verið á
meðal Norðmanna um áherslur í málefnum
innflytjenda. Framfaraflokkurinn hafi hins
vegar ávallt lýst sig henni andvígan og beitt
sér fyrir takmörkunum á flæði innflytjenda til
Noregs, með því meðal annars að gera það erf-
iðara að sækja um hæli í landinu.
Kjærsgaard valdamikil
Breska tímaritið Economist fjallar um upp-
gang þjóðernisflokka á Norðurlöndum í þar-
síðasta hefti sínu, þar sem segir að Jensen hafi
notið góðs af brotthvarfi Kjell Magne Bonde-
vik úr stóli forsætisráðherra, sem hafi beitt sér
fyrir því að halda flokki hennar utan stjórnar.
Í Economist er einnig fjallað um Piu
Kjærsgaard, leiðtoga danska Þjóðarflokksins,
og vaxandi áhrif hennar í ríkisstjórn Anders
Fogh Rasmussen forsætisráðherra.
Líkt og Jensen hin norska er Kjærsgaard
afar umdeild og mælist hún valdamesta kona
Danmerkur í nýlegri könnun, næst á eftir
Rasmussen og Thor Pedersen fjármálaráð-
herra. Þjóðarflokkurinn fékk góða kosningu
árið 2001 þegar hann varð þriðji stærsti flokk-
ur landsins og þykir stjórnin hafa látið undan
kröfum hans í innflytjendamálum.
Inntur eftir því í samtali við Morgunblaðið í
gær sagði Matias Seidelin, blaðamaður á
danska dagblaðinu Politiken, að staða Þjóðar-
flokksins væri nokkuð sterk. Nýleg brottvikn-
ing ráðherrans Lars Barfoed sýndi að hann
fylgdi ekki stjórninni eftir í öllum málum.
„Flokkurinn er mjög áhrifamikill, þrátt fyrir
að stjórnin hafi í sumum tilfellum sagt nei við
kröfum hans. Almennt séð hefur ýmsum bar-
áttumálum Þjóðarflokksins á síðasta áratug
verið hrint í framkvæmd eftir að hann varð
aðili að stjórninni árið 2001.
Þá má einnig segja að þessar áherslur hafi
öðlast viðurkenningu á hinni pólitísku miðju,
með dæmi af jafnaðarmönnum, sem hafa
breytt áherslum sínum í innflytjendamálum á
síðustu árum. Við getum tekið sem dæmi hert-
ar kröfur þegar kemur að veitingu ríkisborg-
araréttar fyrir að giftast dönskum aðila, kröf-
ur sem jafnaðarmenn taka nú undir.“
Leggja áherslu á velferðina
Seidelin sagði Þjóðarflokkinn hafa líkar
áherslur og jafnaðarmenn í velferðarmálum.
Því gætu jafnaðarmenn sótt fylgi til flokksins
ef þeir halda áfram siglingu sinni í könnunum.
Þá hafi Þjóðarflokkurinn sótt mjög í sig veðrið
vegna skopmyndamálsins svokallaða í byrjun
þessa árs, þegar hörð afstaða til múslíma hafi
fallið í kramið hjá hluta kjósenda. Síðan hafi
fylgið farið niður á við í um 13 prósent.
Ole Birk Olesen, pólitískur ritstjóri blaðsins
Berlingske Tidende, tók undir þá skoðun Sei-
delins að staða Þjóðarflokksins væri sterk,
hann væri með um og yfir 12 prósenta fylgi.
Hann tekur einnig undir þá skoðun Seidel-
ins og Stanghelle að ekki sé hægt að bera
Þjóðarflokkinn og Framfaraflokkinn saman,
sá fyrrnefndi hampi velferðaráherslum jafn-
aðarmanna en sá síðarnefndi eigi meira skylt
við frjálshyggju.
Reiða sig á Þjóðarflokkinn
„Stjórnin reiðir sig á stuðning Þjóðarflokks-
ins,“ sagði Olesen. „Þessi þörf jafngildir póli-
tískum áhrifum. Þetta kemur best í ljós þegar
fjárlög eru til umræðu. Flokkmenn Kjærs-
gaard krefjast ávallt meira fjármagns fyrir
aldraða og eru að auki hlynntir því að styðja
við fólk sem fer snemma á eftirlaun. Þetta er
því ekki hægri flokkur í efnahagslegu og
félagslegu tilliti.“
Spurður um áherslur Þjóðarflokksins í inn-
flytjendamálum segir Olesen að Þjóðar-
flokkurinn hafi komið mörgum hugmyndum
sínum í framkvæmd. Þess vegna sé hann sam-
mála því að Kjærsgaard sé valdamesta kona
Danmerkur.
Framfaraflokkurinn í forystu
Áhersla á málefni innflytjenda tryggir stöðu norska Framfaraflokksins og danska Þjóðarflokksins
Vinsæl Siv Jensen leiðtogi Framfaraflokksins.Umdeild Kjærsgaard leiðir Þjóðarflokkinn.
ÞESSIR kátu krakkar í jólasveinabúningum eru í skóla
í indversku borginni Bangalore en það er að verða al-
siða á Indlandi að halda jól þótt lítið fari þar fyrir krist-
inni trú. Svo er reyndar víðar í Asíu, til dæmis í Kína,
en þar hefur tíu manna hópur doktorsnema hvatt landa
sína til að snúast gegn þessu og leita heldur andlegrar
upplyftingar í konfúsíisma.
Leggja doktorsnemarnir mikla áherslu á, að þeir að-
hyllist fullkomið trúfrelsi en það sé aftur á móti meira
en lítið skrýtið þegar fólk, sem ekki er kristið og veit
yfirleitt ekkert um þau trúarbrögð, er farið að halda jól
með kortasendingum og gjöfum. Kínverjar eigi að
standa vörð um sinn eiginn menningararf en ekki að
leggjast hundflatir fyrir því, sem útlent er.
Reuters
Indverjar farnir að halda jól
New York. AFP. | Komið hefur í ljós,
að allnokkuð er um það, að fyrir-
tæki, að minnsta kosti í Bandaríkj-
unum, misnoti bloggsíður í auglýs-
ingaskyni. Venjan er þá sú, að þar
lætur einhver „bloggarinn“ móðan
mása en laumar um leið inn lofi um
einhverja tiltekna vöru eða þjón-
ustu.
Bloggurum hefur fjölgað mikið að
undanförnu og líka þeim, sem sigla
undir fölsku flaggi og eru í raun á
mála hjá fyrirtækjum eða samtök-
um. Í Bandaríkjunum er slík auglýs-
ingamennska ólögleg og brot á sam-
keppnisreglum.
Mörg fyrirtæki hafa orðið uppvís
að þessu, til dæmis Sony, en í síð-
ustu viku viðurkenndi talsmaður
eins dótturfyrirtækis þess, að það
bæri ábyrgð á bloggaranum, sem
átti sér þá einu ósk að fá PlayStation
Portable í jólagjöf. Á bloggsíðunni
þóttist hann bara vera áhugamaður
um hip hop-tónlist.
Hið yndislega Wal-Mart
Í október varð Wal-Mart, stærsta
smásöluverslanakeðja í heimi, upp-
víst að þessu sama en þá birtist á
blogginu dagbók hjóna, Lauru og
Tims, sem voru á ferðalagi um
Bandaríkin í húsvagninum sínum.
Áttu þau hjón varla orð til að lýsa
gæsku þeirra hjá Wal-Mart, sem
leyfðu þeim að vera með húsbílinn
náttlangt á bílastæðum verslananna,
og starfsfólkið, sem þau hittu, var
allt svo skelfilega ánægt í vinnunni
og með fyrirtækið. Tímaritið Bus-
iness Week komst hins vegar að því,
að það var Wal-Mart, sem kostaði
ferð þeirra hjóna.
Sérstök fyrirtæki
í blekkingunum
Þessi þróun er áhyggjuefni og
ekki síst vegna þess, að nú eru kom-
in til sögunnar sérstök fyrirtæki, til
dæmis PayPerPost og ReviewMe,
sem taka að sér að dulbúa auglýs-
ingar sem blogg. Hjá því síðar-
nefnda kostar slík „auglýsing“ á
hvaða tungumáli sem er 500 dollara
eða um 35.000 ísl. kr. Er henni síðan
jafnvel laumað inn á þúsundir
bloggsíðna.
Talsmaður bandaríska samkeppn-
iseftirlitsins sagði fyrr í mánuðinum,
að skorin yrði upp herör gegn blekk-
ingum af þessu tagi og það varð til
þess, að PayPerPost ákvað að
skylda viðskiptavini sína til að segja
til sín. Önnur slík fyrirtæki hafa ekki
enn brugðist við hótunum sam-
keppnisyfirvalda og raunar telja
margir, að við þetta verði ekkert
ráðið. Á það er til dæmis bent, að
vinsælir vefir eins og You Tube og
MySpace séu nú þegar undirlagðir
af beinum og einnig dulbúnum aug-
lýsingum frá fjölda fyrirtækja.
Dulbúa auglýs-
ingar sem blogg