Morgunblaðið - 23.12.2006, Blaðsíða 41

MORGUNBLAÐIÐ LAUGARDAGUR 23. DESEMBER 2006 41
þess að við fáum aldrei að sjá hana
aftur í þessu lífi.
Nú finn ég angan löngu bleikra blóma,
borgina hrundu sé við himin ljóma,
og heyri aftur fagra, forna hljóma,
finn um mig yl úr brjósti þínu streyma.
Ég man þig enn og mun þér aldrei gleyma.
Minning þín opnar gamla töfraheima.
Blessað sé nafn þitt bæði á himni og jörðu.
Brosin þín mig að betri manni gjörðu.
Brjóst þitt mér ennþá hvíld og gleði veldur.
Þú varst mitt blóm, mín borg, mín harpa og
eldur.
(Davíð Stefánsson.)
Elsku hjartans Sara Líf, Þórunn,
Alfreð og börn, megi Guð gefa ykkur
styrk á þessum erfiða tíma og halda
verndarhendi sinni yfir ykkur öllum.
Kveðja
Sonja Berglind Hauksdóttir.
Elsku Lilja mín, ég trúi ekki að þú
sért farin! Við kynntumst í Eskihlíð-
inni og þar hófst okkar innilega og
góða vinátta. Þú ert ekki aðeins ein
sú fallegasta manneskja sem ég hef
hitt á minni lífsleið, heldur líka ein
sú best gefna og skemmtilegasta
stelpa og með svo ríka réttlætis-
kennd. Fegurð þín náði alls ekki að-
eins til útlitsins, því hjartalagið þitt
var svo stórt og fallegt. Alltaf vild-
irðu hjálpa þeim sem minna máttu
sín, þú stóðst staðföst með þínum og
þú gast alltaf séð það góða í öðrum.
Það var með þér í Hlíðunum sem
ég byrjaði að feta þá lífsgöngu sem
ég geng í dag. Ég á svo margar góð-
ar minningar úr íbúðinni okkar. Þú
varst mér svo góð vinkona og tókst
mér alltaf nákvæmlega eins og ég
var. Með þér lærði ég að hlæja og
gráta og ég gat treyst þér fyrir öllu.
Þú varst alltaf skilningsrík og um-
burðarlynd og ætíð svo dugleg að
hrósa mér. Þú lést mig alla tíð vita
að þú værir stolt af mér og því sem
ég var að gera. Þakka þér fyrir það,
Lilja mín! Síðan lágu leiðir okkar
sundur um tíma en við héldum þó
alltaf sambandi. Svo fékk ég að taka
þátt í gleðinni þinni þegar Sara Líf
fæddist og það var dýrmætur tími.
Undanfarin ár hittumst við æ sjaldn-
ar. Þrátt fyrir það var alltaf eins og
við hefðum síðast verið saman í gær
þegar við loks hittumst og það voru
alltaf miklir fagnaðarfundir.
Ef ég hefði vitað að þetta væri í
síðasta sinn sem ég hitti þig, þegar
ég sá þig í sumar, þá hefði ég faðmað
þig lengur og sagt þér einu sinni enn
að ég elska þig – þótt þú vissir það
vel. Við ætluðum alltaf að fara að
hittast og ég reyndi einmitt að
hringja í þig eftir prófin. En ég var
of sein því ég kláraði skólann 5. des-
ember – daginn sem þú fórst.
Mér þykir svo leitt að ég hafi ekki
getað gert meira til að hjálpa þér,
elsku vinkona. Ég virkilega þráði að
fá þig til að ganga samferða mér en
sumir hlutir eru bara ekki í mann-
anna höndum. En ég er þakklát fyrir
þann tíma sem við áttum saman og
ég veit að þú ert á góðum stað núna
og að þér líður vel. Fegurð þín lýsir
nú upp himnaríki og þú samsvarar
þér svo sannarlega vel á meðal engl-
anna. Ég hlakka til að hitta þig þar!
Og þangað til við hittumst á ný hin-
um megin, þá munt þú alltaf eiga
þinn sérstaka stað í hjarta mínu og
minning þín mun lifa áfram. Ég
votta fjölskyldu Lilju Bjarkar mínar
dýpstu samúðarkveðjur og ég bið
Guð að gefa ykkur sinn himneska
frið og huggun. Þessa bæn nota ég á
erfiðum stundum:
Guð, gef mér æðruleysi til að sætta mig við
það sem ég fæ ekki breytt, kjark til að
breyta því sem ég get breytt og visku til að
greina þar á milli.
Að lifa einn dag í einu, njóta hvers and-
artaks fyrir sig, viðurkenna mótlæti sem
friðarveg, með því að taka syndugum heimi
eins og hann er eins og Jesús gerði en ekki
eins og ég vil hafa hann og treysta því að þú
munir færa allt á réttan veg ef ég gef mig
undir vilja þinn svo að ég megi vera hæfi-
lega hamingjusamur í þessu lífi og yfirmáta
hamingjusamur með þér þegar að eilífðinni
kemur.
Amen
Þín vinkona,
Ýr Sigurðardóttir.
Það er veisla á
himnum. Álfheiður
hefur skipulagt veislu föður sínum
til heiðurs. Borðin eru hlaðin veislu-
föngum og gestirnir hlæja, Ástmar
hlær hæst. Svona sé ég endurfund
lífsglaðra feðgina fyrir mér.
Nú er leiðir skiljast þökkum við
Ástmari samfylgdina, ófá ráð varð-
andi bíla og handverk og vinsemd í
okkar garð.
Elsku Guðrún, Björn og Ingólfur,
við vottum ykkur samúð og biðjum
Guð að vaka yfir ykkur.
Þórunn, Steen og synir.
Vinur okkar Ástmar Örn er fall-
inn frá, langt fyrir aldur fram. Eftir
hátt í þriggja áratuga vináttu sækja
minningarnar á og ekki er auðvelt
að koma í orð lýsingu á hinum stór-
brotna persónuleika sem Ástmar
var. En hæst ber þó vináttuna og
höfðingsskap hans, gestrisni og
stórhug í öllu því sem hann tók sér
fyrir hendur. Vináttan náði líka til
barna okkar og erum við þakklát
fyrir þá umhyggju og gjafmildi sem
dætur okkar þrjár hafa notið hjá
Ástmari og Guðrúnu Björgu allt frá
fæðingu og til unglings- og fullorð-
insára.
Ástmar var hestamaður og í eðli
sínu sveitamaður og náttúrubarn.
Án efa hefur sá hluti uppeldisins
sem hann hlaut á heimili afa síns og
ömmu á landsbyggðinni eitthvað
haft um það að segja. En víst er það
að fyrir utan bæjarmörkin innan
um hesta og góða vini var Ástmar
kátastur allra og smitandi hláturinn
hreif nærstadda með í gleðina.
Umfram allt var Ástmar þó fjöl-
skyldumaður. Ekkert var fjöl-
skyldu hans of gott. Átti það ekki
eingöngu við um Guðrúnu Björgu,
Ástmar Örn Arnarson
✝ Ástmar ÖrnArnarson húsa-
smíðameistari
fæddist í Reykjavík
29. október 1957.
Hann lést á líkn-
ardeild Landspítala
– háskólasjúkrahúss
9. desember síðast-
liðinn og var útför
hans gerð frá Hall-
grímskirkju 18. des-
ember.
Álfheiði og Björn
heldur einnig alla
aðra í fjölskyldum
þeirra. Hann studdi
sitt fólk með ráðum
og dáð, leysti stór og
smá verkefni eða
veitti stuðning með
nærveru sinni. Saman
fór fjölskyldan í gegn-
um mikla sorg þegar
Álfheiður féll frá og
enn á ný standa Guð-
rún Björg og Björn
frammi fyrir sorginni.
En við trúum því að
sá trausti grunnur og samheldni
sem fjölskylda þeirra hefur byggt
upp í gegnum síðustu ár hjálpi þeim
að feta aftur veginn út í hið daglega
líf.
Við vottum Guðrúnu Björgu,
Birni, Ingólfi, Maríu, Sólbjörtu,
Svavari, Rósu, systkinum og öðrum
aðstandendum okkar innilegustu
samúð.
Ragna, Valgeir og dætur
Það er sárt að syrgja og sérstak-
lega börn og ungt fólk í blóma lífs-
ins. Ástmar Örn var ungur maður,
aðeins 49 ára gamall. Hann var
húsasmíðameistari og afar dugleg-
ur verktaki
Hann byggði sumarhús og margt
fleira og var nýbúinn að byggja ein-
býlishús fyrir sig og fjölskylduna
sína. Þau hjónin misstu dóttur sína
aðeins um 10 ára gamla fyrir nokkr-
um árum. Nú standa þau tvö eftir,
Guðrún Björg, kona Ástmars og
Björn sonur þeirra. En sem betur
fer eiga þau marga góða að, bæði
skyldmenni og vini. Ég hef fylgst
með Ástmari og fjölskyldu hans frá
því að hann var lítill drengur og
hann hefur alla tíð verið góður
drengur, gamansamur og skemmti-
legur og mikill dugnaðarforkur.
Guðrún Björg á nú um sárt að
binda, að missa fyrst dóttur sína og
síðan eiginmanninn. En hún er dug-
leg hún Guðrún og stendur sig vel.
Ég votta Sólbjörtu vinkonu minni
samúð mína og öllum í fjölskyldu
Guðrúnar Bjargar og vinum og ætt-
ingjum þeirra sendum við innilegar
samúðarkveðjur.
Valborg Soffía Böðvarsdóttir
og fjölskylda.
Kistur • Krossar • Sálmaskrár • Duftker • Blóm • Fáni • Gestabók • Erfidrykkja • Prestur
Kirkja • Legstaður • Tónlist • Tilkynningar í fjölmiðla • Landsbyggðarþjónusta • Líkflutningar
Suðurhlíð 35 Fossvogi • www.utforin.is
Vaktsími: 581 3300 & 896 8242 • Sólarhringsvakt
Komum heim til aðstandenda ef óskað er
Bryndís ValbjarnardóttirSverrir Einarsson
ÚTFARARSTOFA ÍSLANDS
Það sem hafa ber í huga varðandi andlát og útför
Hermann Jónasson Geir Harðarson
✝
Útför elskulegrar móður okkar, tengdamóður,
ömmu og langömmu,
SIGRÍÐAR FANNÝJAR ÁSGEIRSDÓTTUR
frá Lækjarbakka,
Skagaströnd,
fer fram frá Hólaneskirkju, Skagaströnd, fimmtu-
daginn 28. desember kl. 14.00.
Ása Jóhannsdóttir,
Pétur Steinar Jóhannsson, Guðrún Víglundsdóttir,
Gissur Rafn Jóhannsson, Gyða Þórðardóttir,
Gylfi Njáll Jóhannsson, Guðrún Ólafsdóttir,
ömmubörn og langömmubörn.
✝
Ástkær móðir okkar, tengdamóðir, amma og
langamma,
RAGNA EFEMÍA GUÐMUNDSDÓTTIR,
sem lést aðfaranótt föstudagsins 15. desember,
verður jarðsungin frá Sauðárkrókskirkju fimmtudag-
inn 28. desember kl. 14.00.
Guðmundur Svanberg Pétursson, Elísabet Guðmundsdóttir,
Margrét Björg Pétursdóttir, Björgvin M. Guðmundsson,
Víglundur Rúnar Pétursson, Hafdís E. Stefánsdóttir,
Sólborg Alda Pétursdóttir, Hallgrímur H. Gunnarsson,
Ragnar Pétur Pétursson,
ömmubörn og langömmubörn.
✝
Innilegar þakkir færum við öllum þeim sem sýndu
okkur vináttu, samúð og hlýhug við andlát og útför
ástærrar eiginkonu minnar, móður okkar, tengda-
móður og ömmu,
AUÐBJARGAR GUÐJÓNSDÓTTUR.
Guð blessi ykkur öll.
Guðmundur Arnaldsson,
Arnhildur Gríma Guðmundsdóttir,
Guðjón Guðmundsson, Elín Tryggvadóttir,
Grímur Nói og Eva Elínbjört,
Edda Margrét Guðmundsdóttir, Valtýr Stefánsson Thors,
Guðjón Gunnar og Helga,
Vala Védís Guðmundsdóttir.
✝
Elskulegur eiginmaður minn, faðir okkar, sonur,
bróðir og mágur,
JÓN SIGURÐUR ÞÓRISSON,
Skarðshlíð 31E,
Akureyri,
lést aðfaranótt sunnudagsins 3. desember.
Útförin hefur farið fram.
Lin Zhou,
Eric Zhou Jónsson,
Óli Heiðar Jónsson,
Sigmundur Þórir Jónsson,
Tanja Rún Jónsdóttir,
Jón S. Árnason, Jóna G. Snorradóttir,
Árni Jónsson, Steinunn Benediktsdóttir,
Snjólaug Jónsdóttir, Magnús Viðar Kristjánsson,
Snorri Jónsson,
Jónas Jónsson, Guðlaug María Óskarsdóttir
og fjölskyldur.
✝
Við þökkum öllum af heilum hug fyrir alla þá hlýju,
vinarhug og stuðning sem þið hafið sýnt okkur und-
anfarnar vikur vegna fráfalls
SVANDÍSAR ÞULU
og annarra afleiðinga slyssins 2. desember sl.
Það, að finna þann mikla samhug, sem við höfum
fundið, er ómetanlegt á erfiðum stundum sem
þessum og aldrei er hægt að fullþakka það.
Þökkum ykkur öllum fyrir.
Ásgeir Ingvi Jónsson og Hrefna Björk Sigurðardóttir.
✝
Innilegar þakkir færum við öllum þeim sem sýndu
okkur hlýju og samúð við andlát og útför
SESSELJU BJARGAR HELGADÓTTUR,
Vesturvangi 38,
Hafnarfirði.
Óskum öllum gleðilegra jóla og farsældar á nýju
ári.
Magnús Gunnþórsson,
Steinn Ármann Magnússon, Jenný Rúnarsdóttir,
Halldór Magnússon,
Tumi Steinsson og Hugi Steinsson.
✝
Eiginkona mín, móðir okkar, amma og langamma,
HULDA J. KJERÚLF,
Hrafnistu, Reykjavík,
áður Efstasundi 35,
andaðist á Hrafnistu í Reykjavík mánudaginn
11. desember sl.
Útförin hefur farið fram í kyrrþey.
Innilegar þakkir til starfsfólks á deild F-3 fyrir frá-
bæra umönnun.
Theodor Johannesen,
Kolbrún Theodorsdóttir, Birgir Valdemarsson,
Sóley Theodorsdóttir, Helgi J. Guðmundsson,
Dögg Theodorsdóttir, Valur Kristinsson,
Úlfar Theodorsson, Ágústína Eiríksdóttir,
barnabörn og barnabarnabörn.