Morgunblaðið - 23.12.2006, Blaðsíða 22
|laugardagur|23. 12. 2006| mbl.is
daglegtlíf
Kristín Helga Gunnarsdóttir rit-
höfundur er skapandi safnari
með mósaíkdellu og sér þess
víða merki á heimili hennar. » 26
innlit
Það var á ferðalagi um Perú sem
hugmyndin um að opna verslun
með perúska hönnun kviknaði
hjá Ástu Hraunfjörð. » 28
daglegt
Það getur reynst heilmikill höf-
uðverkur að velja gjafir fyrir þá
sem manni þykir vænt um,
hvað þá á síðustu stundu. » 24
jólagjafir
Þau Tinna Kristjánsdóttir og
Hjálmar Sigmarsson eru sann-
færð um að allir jólasveinarnir
séu femínistar. » 28
jafnrétti
Hitastig og hreinlæti eru meðal
þeirra grunnatriða sem skipta
miklu máli við meðferð veislu-
réttanna á hátíðarborðið. » 28
matur
Hátíðleiki sveif yfir vötn-um í Grensáskirkjuþegar yngstu börnin íHvassaleitisskóla áttu
þar jólastund ásamt kennurum sín-
um og prestum kirkjunnar. Eftir
að viðstaddir höfðu sungið vís-
urnar um kertin á aðventu-
kransinum fluttu börn í fjórða
bekk skólafélögum sínum sögu
jólanna með helgileik og var ekki
annað að sjá en að þar væru þraut-
þjálfaðir leikarar á ferð, hvort
heldur þeir birtust í líki vitringa,
fjárhirða, engla eða hermanna.
Þarna mátti sjá þau Maríu og Jós-
ef, Ágústínus keisara, erkiengilinn
Gabríel, kallara, sögumenn og svo
mætti lengi telja.
Meðal leikanda voru Gaukur
Steinn Guðmundsson, sem lék
gistihúseiganda og vitring, og þær
Halla Hauksdóttir og Linda Björg
Logadóttir sem voru í fríðum
flokki engla. Þau segjast vera frek-
ar vön að leika í leikritum á vegum
skólans. „Við stelpurnar í bekkn-
um bjuggum til leikrit fyrir bekkj-
arskemmtun um daginn,“ segir
Linda Björg og Halla kinkar kolli:
„Og enginn fullorðinn hjálpaði
okkur.“ Gaukur hefur leikreynslu
annars staðar frá. „Ég fór einu
sinni á leiklistarnámskeið í Borg-
arleikhúsinu,“ segir hann.
Alveg til í gull
Þau eiga ekki í vandræðum með
að útskýra inntak helgileiksins.
„Hann er um Jesúbarnið,“ segir
Linda Björg ákveðin og hin tvö
samsinna því. „Svo er hann um það
hvað jólin eru og hvernig maður á
að njóta þeirra,“ heldur Halla
áfram. „Ég hef alltaf haldið að
pakkarnir á jólunum tákni gjaf-
irnar sem vitringarnir færðu Jesú,“
segir Gaukur og athugasemd hans
vekur upp þá spurningu hvort þau
þrjú væru til í að fá gull, reykelsi
og myrru í jólagjöf líkt og Jesú-
barnið forðum. „Að minnsta kosti
gull,“ svara Halla kímin og uppsker
hlátur bekkjarsystkina sinna.
Þau eru sammála um að æf-
ingaferlið fyrir sýninguna í kirkj-
unni hafi verið mjög skemmtilegt
þótt það hafi verið svolítið stress-
andi á stundum. „Kennarinn okkar
sagði að þetta væri bara leikrit og
ef við gerðum mistök ættum við
bara að halda áfram. Áhorfend-
urnir vissu ekki hvernig þetta ætti
að vera því þeir væru ekki búnir að
sjá æfingarnar,“ segir Gaukur.
Gleði en ekki illsku
Engu að síður var ekki laust við
svolítinn taugaóstyrk hjá krökk-
unum, eins og vera ber á frumsýn-
ingum. „Fyrst var ég ekkert
stressuð en þegar ég fór á sviðið
stífnaði maginn í mér upp,“ segir
Halla og Linda kannast við tilfinn-
inguna. „Ég þurfti að anda djúpt
þegar ég sá alla krakkana.“ Gaukur
beitti öðrum brögðum. „Ég reyndi
að horfa sem mest á vegginn til að
sjá ekki þá sem voru að horfa á
okkur.“
Lok jólastundarinnar mörkuðu
upphaf jólafrísins hjá krökkunum
sem vissulega hlakka til daganna
framundan. Þótt pakkar og jóla-
skap sé ofarlega á óskalistanum hjá
ungu leikurunum eru þeir ekki í
vafa um hvað skiptir mestu máli
um jólin. „Að hugsa um Guð og líða
vel …“ leggur Linda Björg til,
„… og gefa öðrum og vera góð við
alla,“ botnar vinkona hennar. Og
Gaukur á ágætis uppskrift að því
hvernig þetta getur gengið eftir:
„Maður þarf bara jólaskap og gleði
en ekki neina illsku.“
Hátíðlegt Englaskarar, fjárhirðar og vitringar lotningarfullir frammi fyrir Jesúbarninu og hið sama má segja um Maríu og Jósef. Ágústínus keisari situr álengdar, neðst til vinstri á myndinni.
Morgunblaðið/G.Rúnar
Áhorfendur Spenntir krakkar fylgdust með þegar fjórðubekkingarnir fluttu þeim söguna af fyrstu jólunum.
Óttist eigi Fjárhirðarnir urðu hræddir þegar engill Drottins birtist þeim.
Englar og
vitringar í
Grensáskirkju