Morgunblaðið - 23.12.2006, Blaðsíða 51

MORGUNBLAÐIÐ LAUGARDAGUR 23. DESEMBER 2006 51
menning
Athugið hversu langur brennslutími
er gefinn upp
Munið að slökkva
á kertunum
i l
Slökkvilið Höfuðborgar-
svæðisins
Dansk julegudstjeneste
holdes i domkirken, søndag den 24. december 2006 kl. 15.00
ved pastor
Þórhallur Heimisson.
Kgl. Dansk Ambassade, Reykjavik.

Dönsk jólaguðsþjónusta
verður haldin í Dómkirkjunni á aðfangadag, 24. desember
kl. 15.00.
Prestur verður séra Þórhallur Heimisson.
Kgl. Dansk Ambassade, Reykjavík.
ANNAN í jólum verður stafræna
mörgæsateiknimyndin Happy Feet
frumsýnd í Sambíóunum og Há-
skólabíói. Myndin fjallar um mör-
gæs sem syngur jafn illa og hún
steppar vel. Þar sem söngur gegnir
hins vegar mikilvægu hlutverki í
samfélagi mörgæsa, enda finna sálu-
félagar hver annan í gegnum söng,
verður hinn stórgóði steppari ut-
angátta í mörgæsahópnum.
Leikararnir sem ljá myndinni
rödd sína eru engir aukvisar og má
nefna Hugh Jackman, Robin Willi-
ams, Brittany Murphy, Elijah Wood
og Nicole Kidman. Inn á myndina
talar einnig hinn látni sjónvarps-
maður Steve Irwin.
Happy Feet verður sýnd bæði
með íslensku og ensku tali.
Steppandi mörgæs í
leit að sálufélaga
Steppari Aðalsöguhetja myndarinnar Happy Feet er versti söngvari Suð-
urskautslandsins. Henni er hins vegar stepplistin í blóð borin.
ERLENDIR DÓMAR: Hollywood
Reporter 80/100, LA Weekly 80/
100, Variety 80/100, Boston
Globe 75/100, New York Times
70/100, Wall Street Journal 70/
100. (Allt skv. Metacritic.com.)
Frumsýning | Happy Feet
ÆVINTÝRAMYNDIN Artúr og
Mínimóarnir verður frumsýnd í bíó-
húsum hérlendis á annan í jólum.
Myndin er byggð á samnefndri
barnabók og fjallar um hinn tíu ára
gamla Arthur, sem er leikinn af
Freddie Highmore (Kalli og súkku-
laðiverksmiðjan), sem vill gera allt
sem hann getur til þess að bjarga
húsi afa síns frá því að verða rifið.
Hann leggur af stað í leit að fjársjóði
sem er falinn í landi Mínimóanna
sem eru agnarsmáar verur sem lifa í
sátt og samlyndi við náttúruna.
Myndin er samsuða af leiknu efni
og tölvuteiknun og verður sýnd með
íslensku og ensku tali hérlendis. Sá
leikarahópur sem talar inn á ensku
myndina samanstendur af: Robert
De Niro, Madonnu, Snoop Dogg,
David Bowie, Freddie Highmore,
Harvey Keitel, Anthony Anderson
(Scary Movie 3&4, The Departed),
Chazz Palminteri (The Usual Su-
spects), Jason Bateman (Arrested
Development), Jimmy Fallon og Mia
Farrow. Myndin er skrifuð og henni
leikstýrt af Luc Besson (Leon, The
Fifth Element).
Artúr og Mínimóarnir verður
frumsýnd 26. desember í Laug-
arásbíói, Smárabíói, Regnboganum
og Borgarbíói á Akureyri.
Í leit að fjársjóði
Mínimóar Ævintýramyndin Artúr og Mínimóarnir verður frumsýnd á ann-
an í jólum hér á landi og ætti að vera skemmtileg fyrir alla aldurshópa.
ERLENDIR DÓMAR:
Engir dómar fundust um myndina.
Frumsýning | Artúr og Mínimóarnir
MOSFELLSKÓRINN er einn
þeirra fjölmörgu kóra sem starf-
ræktir eru hérlendis, en kórafjöld-
inn á landinu ku víst í kringum þrjú
hundruð (umfang kórastarfs á Ís-
landi slær víst flestum nágranna-
löndunum við, með tilvísun til hinn-
ar vinsælu höfðatölu).
Eðlilega myndast einhvern tíma
þörf hjá þaulreyndum kórum að
láta eftir sig einhverja heimild og er
útgáfa á kóraplötum giska umfangs-
mikil, þótt ekki fari hún hátt á al-
mennum markaði. Plötur þessar
eru eðlilega misjafnar að gæðum,
oftast eiga áhugamannakórar í hlut
og ég gleymi því aldrei er ég gekk
fram á samstarfsfélaga minn í
plötubúðinni Japis heitinni, þar sem
hann fól höfuðið í höndum sér. Þessi
ágæti vinur minn var þá yfir klass-
ísku deildinni og var að drukkna í
kórdiskum, sem streymdu inn í búð-
ina úr öllum sýslum að heita má.
Mosfellskórinn, sem er blandaður
kór, hefur frá upphafi lagt áherslu á
léttleika og skemmtan, og er það
auðheyranlegt á þessum ágæta jóla-
diski hans, sem er nýútkominn. Það
eru síst einhverjir aukvisar sem
leggja kórnum lið á plötunni, Sál-
verjarnir Jens Hansson, Friðrik
Sturluson og Jóhann Hjörleifsson
spila hér stóra rullu, auk Björgvins
Gíslasonar sem leikur á gítar og
sjálfur Diddi fiðla tekur upp.
Hér er helgislepjan víðsfjarri,
lögin eru flutt af hressleika og stuð-
ið er mikið, framvindan leikandi létt
og kímnigáfan sjaldnast langt und-
an. Það sem á vantar í samhljómi
og „kórréttum“ söng er bætt upp
með töffaralegri afstöðu („attit-
júdi“) og fölskvalausri sönggleði.
Útsetningar eru það sem kalla
mætti grallaralegar, í sumum lög-
unum sveigja þær skemmtilega frá
því sem hefðbundið gæti talist, og
nefna má t.d. „Meiri snjó“, „Snæ-
finnur snjókarl“ og „Litli trommu-
leikarinn“. Konur og karlar kallast
oft sniðuglega á, og rokkari Cree-
dence Clearwater Revival „Proud
Mary“ er sunginn af krafti sem
„Jólin eru að koma“! Róleg lög og
„helgari“ skjóta þó upp kolli líka,
gott dæmi er upphafslagið „Er jóla-
ljósin ljóma“ og einnig „Nóttin var
sú ágætt ein“. Þá verður að geta
hlutdeild hljóðfæraleikaranna, og
einkanlega kemur Jens sterkur inn
á saxinum.
Semsagt, jólaplata sem tekur sig
ekki of hátíðlega, og græðir hún vel
á því er upp er staðið.
Með kátum brag
TÓNLIST
Geisladiskur
Mosfellskórinn flytur jólalög undir stjórn
Páls Helgasonar. Jens Hansson útsetti,
auk þess að leika á hljómborð og saxó-
fón. Jóhann Hjörleifsson leikur á tromm-
ur, Friðrik Sturluson á bassa og Björgvin
Gíslason á gítar. Sigurður Rúnar Jónsson
stýrir upptökum. Mosfellskórinn gefur
út.
Mosfellskórinn – Jólajósin ljóma

Arnar Eggert Thoroddsen
Morgunblaðið/RAX
Útsetjari Jens Hansson útsetti jólalög fyrir Mosfellskórinn.