Morgunblaðið - 12.06.2008, Qupperneq 6

6 FIMMTUDAGUR 12. JÚNÍ 2008 MORGUNBLAÐIÐ
FRÉTTIR
„ÞEGAR frá hefur liðið og ég er
kominn með meiri styrk á ný, er ég
ekki jafn-sannfærður um að ég hefði
dregið mig í hlé strax, ef ekkert
hefði komið upp á.“ Þannig svarar
Davíð Oddsson, seðlabankastjóri og
fyrrverandi forsætisráðherra,
spurningu blaðamanns Heilbrigð-
ismála um hvort hann hafi í ljósi
veikinda fyrir fjórum árum dregið
sig fyrr en ella í hlé sem forsætis-
ráðherra og leiðtogi Sjálfstæð-
isflokksins.
Viðtalið birtist í Heilbrigðis-
málum, tímariti Krabbameins-
félagsins, sem kemur út í dag, og er
tekið af Þorgrími Þráinssyni. Davíð
segir frá því að hann hafi áður en
hann greindist með krabbamein
samið við Halldór Ásgrímsson um
að þeir skiptu á tilteknum degi um
starf forsætis- og utanríkisráðherra.
Síðan segir Davíð: „Ég var utan-
ríkisráðherra í eitt ár en naut þess
ekki. Í fyrstu var ég nánast bara
hálfur maður. Ég var framan af á
verkjalyfjum sem taka sinn toll. Ég
var orðinn utanríkisráðherra þegar
ég fór í þessar geislavirku joðmeð-
ferðir sem þýddi tilheyrandi aftur-
kipp og máttleysi og þar fyrir utan
var ég margar vikur í hvort skiptið
að ná upp líkamlegum styrk. Í
minningunni finnst mér ég því
naumast hafa verið utanríkis-
ráðherra. Samt fór ég í opinberar
heimsóknir til Kína, Japans og víð-
ar.
Mér leiddist þjarkið í þinginu
meira en áður, ef til vill vegna þess
að ég þóttist hafa um annað mikil-
vægara að hugsa. Í ljósi alls þessa
er ég ekki viss um að ég hefði hætt í
pólitíkinni nákvæmlega á þessum
tíma, ef ég hefði ekki veikst. Samt er
ég fullkomlega sáttur við að hafa
hætt.“
Tólf æxli í hálsinum
Í samtalinu lýsir Davíð barátt-
unni við krabbamein frá því að hann
fann fyrir miklum verkjum í kviðar-
holi að kvöldi 21. júlí 2004. Á leiðinni
á sjúkrahúsið þetta kvöld fann hann
„óþægilega fyrir öllum hraðahindr-
unum sem hann hafði samþykkt
þegar hann var borgarstjóri“.
Á bráðamóttökunni var staðfest
að um gallsteina væri að ræða. Þeg-
ar verið var að staðsetja steinana
með ómskoðun kom í ljós að hann
var með hnefastórt krabbameins-
æxli í nýra, sem var fjarlægt og
sömuleiðis gallsteinarnir. Við nánari
skoðun kom í ljós að fjarlægja þurfti
kalkkirtil í hálsi.
Þar með var ekki öll sagan sögð.
„Eftir að tveir læknar höfðu tekið
stungusýni var ég sendur í sneið-
myndatöku. Fyrri niðurstöður slíkr-
ar myndatöku höfðu ekki bent til
neins á þessu svæði. En í þetta
skipti sást að ég var með tólf æxli í
hálsinum, þar af eitt nálægt slagæð.
Þeir tóku líka sýni úr skjaldkirtl-
inum og fundu krabbamein í hon-
um,“ segir Davíð í Heilbrigðis-
málum.
Í ljós kom að ekki var um sama
krabbamein að ræða í nýra og hálsi,
sem hefði verið enn alvarlegra.
Mætti öðrum sem gengu
um með sín rör og tilheyrandi
Davíð fór í margra klukkustunda
uppskurð á hálsi 3. ágúst 2004.
Dvölinni á sjúkrahúsinu lýsir hann
m.a. á eftirfarandi hátt:
„Þótt þetta væri mikið baks allt
saman þá leið mér að flestu leyti vel
á spítalanum. Að sumu leyti var eitt-
hvað notalegt og hlýlegt við þetta
allt. Þegar ég fór að braggast gekk
ég um og studdist við mitt rör sem
einhverjir pokar héngu á fyrir inn-
streymi og útstreymi. Og ég mætti
öðrum sem gengu um með sín rör
og tilheyrandi. Fólk spjallaði á
göngunum um það sem fyrir það
hafði komið og það myndaðist nota-
leg samkennd á hæðinni. Starfsfólk
var mjög hjálplegt og alúðlegt, þrátt
fyrir mikið álag.“ aij@mbl.is
Nánast hálfur maður
sem utanríkisráðherra
 Davíð Oddsson segist ekki viss um að hann hefði hætt í pólitík á sínum
tíma ef hann hefði ekki veikst af krabbameini  Sjúkrahúsvistin „notaleg“
Morgunblaðið/Ómar Óskarsson
Sáttur Davíð Oddsson í sumarbústað sínum í Rangárþingi, Eyjafjallajökull blasir við.
Davíð Oddsson er spurður í Heil-
brigðismálum hvort hann hafi ótt-
ast dauðann eða hvort hann hafi
aldrei komið upp í hugann. Hann
svarar því m.a. á eftirfarandi hátt:
„En þegar æxlin fundust í háls-
inum hvarflaði það að mér að ég
ætti sennilega ekki langt eftir. Það
kom mér í opna skjöldu en það
kom mér ekki úr jafnvægi. Ég gat
vitanlega vel hugsað mér að lifa
áfram með mínum ástvinum en ef
komið væri að dauðastundinni
þótti mér það engin sérstök kata-
strófa.
Ég var furðulega afslappaður
gagnvart því.
Það má hins vegar vel vera að ég
hefði brugðist öðruvísi við ef
dauðinn hefði verið farinn að gera
sig heimakominn. Eftir upp-
skurðina, morfínið og hina góðu
aðhlynningu var ég búinn að sann-
færa mig um að færi allt á verri
veg gæti ég farið með sæmilegri
reisn og tiltölulega verkjalaus.“
Gæti farið með sæmilegri reisn
MÖRGUM brá eflaust í brún þegar mynd af prestastefn-
unni birtist í gær í Morgunblaðinu og á mbl.is og á eftir
prestahersingunni sást enginn annar en Svarthöfði sjálf-
ur úr Stjörnustríðsmyndunum. Prestarnir voru á leið á
setningu stefnunnar í Dómkirkjunni og átti vafalaust
enginn von á því að Svarthöfði slægist í hópinn og fylgdi
honum að kirkjudyrum.
Það voru félagsmenn í Vantrú sem stóðu að tiltækinu.
Að sögn Matthíasar Ásgeirssonar, formanns Vantrúar,
var þetta fyrst og fremst í gríni gert. „Ég hef horft á
gönguna í mörg ár og það er bara spaugilegt að bæta
Svarthöfða í hópinn.“
Hlédrægur höfðingi myrkraaflanna
Morgunblaðið reyndi að ná tali af Svarthöfða í gær en í
ljós kom að hann er heldur hlédrægur og vildi einfald-
lega láta verkið tala sínu máli.
Matthías segir hugmyndina hafa gerjast meðal nokk-
urra félagsmanna í mörg ár. Ólíklegt er að þetta verði
gert árlega en Matthías útilokar ekki að Svarthöfði mæti
á Kirkjuþingið sem haldið verður í haust. „Svarthöfði á
örugglega eftir að sjást einhvern tímann aftur,“ segir
Matthías. Að hans sögn vakti Svarthöfði mikla kátínu
meðal vegfarenda og er Matthías ekki frá því að prest-
unum hafi verið nokkuð skemmt en margir erlendir
ferðamenn, sem áttu leið um svæðið, fengu Svarthöfða til
að sitja fyrir á myndum og það gerði hann með glöðu
geði. ylfa@mbl.is
Svarthöfði vakti lukku
Félagar í Vantrú stóðu að
baki þátttöku í prestagöngu
Gaman saman Svarthöfði vakti kátínu nærstaddra
ferðamanna og sat fyrir á myndum með þeim.
Morgunblaðið/Golli
LAUN kvenna í stétt viðskipta- og
hagfræðinga hafa hækkað hlut-
fallslega meira en laun karla í sömu
stétt og er launamunur kynjanna
þar heldur að minnka, ef marka má
kjarakönnun Félags viðskipta- og
hagfræðinga. Í fréttatilkynningu
frá félaginu segir að mánaðarlaun
kvenna hafi hækkað um 11% frá
árinu 2007, en laun karla um 2,4%.
Eftir sem áður er leiðréttur
launamunur kynjanna enn 7,5%
körlunum í vil, en var 8,8% á sama
tíma í fyrra og 7,6% árið 2006. Al-
mennt er hækkun launa nú talsvert
minni en í síðustu mælingu, eða um
4% í stað 6,5% árið 2007.
Meiri hækkun á
launum kvenna
„ÞETTA voru mjög fjörugar um-
ræður og flest aðildarríkin komu
fram sínum sjónarmiðum, svo ég
þurfti að hafa mig allan við að
halda stjórn á fundinum, en þetta
gekk sem betur fer allt saman,“
segir Guðlaugur Þór Þórðarson
heilbrigðisráðherra en hann stjórn-
aði í gær pallborðsumræðum á ráð-
herrafundi Sameinuðu þjóðanna
um HIV-smit og alnæmi.
Rætt var hvernig fjármagna
mætti bæði fyrirbyggjandi aðgerð-
ir sem og lyfjagjöf gegn sjúkdómn-
um og voru fulltrúar flestra aðild-
arríkjanna mættir ásamt með-
limum frjálsra félagasamtaka víðs
vegar að úr heiminum, svo ræðst
var við fyrir fullum sal.
Ásamt Guðlaugi sátu pallborðið
þau Daniel Kwelagobe, heilbrigð-
isráðherra Botswana, Asia Russel
frá Health Gap og Michael Ka-
zatchkine, framkvæmdastjóri The
Global Fund to fight AIDS.
„Það var mjög fróðlegt að heyra
ólík sjónarmið,“ segir Guðlaugur.
„Fólki var mikið niðri fyrir, bæði
ánægt með þann árangur sem hef-
ur náðst en jafnframt meðvitað um
að það er hægt að gera gott betur
til að ná þeim markmiðum sem
menn hafa sett sér.“
unas@mbl.is
Púltið Í pontu Sameinuðu þjóðanna
Guðlaugur
ræddi AIDS