Morgunblaðið - 12.06.2008, Blaðsíða 13
Eftir Björn Jóhann Björnsson
bjb@mbl.is
LANDSVIRKJUN hefur ákveðið
að hækka samningsbundið verð
heildsölu- og grunnorkusamninga
um 6% um næstu mánaðamót.
Kveðið er á um endurskoðun þess-
ara samninga í júní ár hvert, til
samræmis við vísitölu neysluverðs.
Hefði slík hækkun átt að vera tæp
12% að þessu sinni en Landsvirkj-
unarmenn segja að vegna aðstæðna
í efnahagslífinu hafi verið ákveðið að
fresta fullri hækkun á heildsölu-
verðinu.
„Við vildum ekki hleypa þessu
sjálfkrafa í gegn,“ segir Þorsteinn
Hilmarsson, upplýsingafulltrúi
Landsvirkjunar, en fyrirtækið
bendir á að miklar verðhækkanir
hafi verið að undanförnu. Verðbólga
hafi ekki mælst jafnhá í 18 ár og
gengi íslensku krónunnar veikst
verulega. Því sé eðlilegt að fresta
hluta af samningsbundnum verð-
hækkunum á raforku. Hins vegar
hækkar verð á ótryggri orku til
samræmis við breytingu á neyslu-
vísitölunni.
Af þeim raforkusölum sem Morg-
unblaðið náði tali af virðist sem ein-
göngu Hitaveita Suðurnesja hafi
ákveðið að hækka sitt söluverð. Að
sögn Júlíusar Jónssonar forstjóra
stefnir í að rafmagnsreikningurinn
verði hækkaður um 6%. Hjá Orku-
sölunni fengust þau svör að líklegast
yrði verðið hækkað þó að ákvörðun
lægi ekki fyrir. Forsvarsmenn
Orkuveitu Reykjavíkur, Orkuveitu
Húsavíkur og Fallorku, dótturfélags
Norðurorku, sögðu gjaldskrármálin
vera til skoðunar.
Hlutur vinnslunnar um 34%
Raforkureikningar heimilanna
skiptast upp eftir heildsölu, þ.e.
vinnsluaðila eins og Landsvirkjunar,
flutningskostnaði, dreifingarkostn-
aði og smásöluálagningu. Miðað við
raforkureikning á almennum taxta,
án virðisaukaskatts, og heimilis-
notkun upp á 4.500 kílóvattstundir á
ári er hlutur vinnslunnar í slíkum
reikningi 34%, flutningur er 18%,
dreifing 43% og hlutur smásala 5%.
Fast gjald er tekið fyrir flutning
og dreifingu raforkunnar og sam-
kvæmt upplýsingum frá Landsneti
og Orkustofnun hafa engar ákvarð-
anir verið teknar um breytta gjald-
skrá á þeim liðum. Hún hefur yf-
irleitt breyst að hausti til og miðað
við þróun verðlags að undanförnu
má alveg eins búast við 5-10%
hækkun síðar í sumar eða haust á
þessum liðum.
Meiri áhrif á rafhitun
Fari svo að Hitaveita Suðurnesja
hækki smásöluverðið um 6% líkt og
heildsöluverðið frá Landsvirkjun þá
gæti söluhlutinn í raforkureikningi
blokkaríbúðar í Reykjanesbæ
hækkað um 1.200 krónur á ári, mið-
að við 4.600 kWst notkun heimilisins
yfir árið. Farið úr rúmum 20 þúsund
krónum í 21.200 kr.
Fyrir þá sem kynda húsin sín
með rafmagni, sem eru um 10%
allra heimila í landinu, gæti hækkun
upp á 4% haft nokkur áhrif á heim-
ilisbókhaldið. Þannig gæti söluhlut-
inn fyrir 180 fm einbýlishús í Húna-
vatnssýslu hækkað um sex þúsund
krónur yfir árið.
Rafmagnsreikningurinn hækkar
Landsvirkjun hækkar heildsöluverðið um 6% 1. júlí Hitaveita Suðurnesja hyggst hækka um sama
hlutfall Aðrir raforkusalar að hugsa sinn gang Líkur á hækkun flutnings- og dreifingarkostnaðar
!"
# $%
&
$
#$$#
&$' ()
Í HNOTSKURN
»Landsvirkjun hækkarheildsöluverð á raforku
um 6% frá 1. júlí. Segist hafa
getað hækkað um 12%.
»Líklegt er að smásalar raf-orku fylgi á eftir með
hækkaðri gjaldskrá.
»Flestir smásalar segjastvera að skoða málin en
Hitaveita Suðurnesja ætlar að
hækka um 6%.
»Búist er við hækkun fyrirflutning og dreifingu raf-
orku síðar í sumar.
»Rafmagnsreikningurblokkaríbúðar í Reykja-
nesbæ gæti hækkað um 1.200
krónur á ári. Fyrir einbýlishús
í rafhitun gæti hækkunin orð-
ið sex þúsund krónur.
MORGUNBLAÐIÐ FIMMTUDAGUR 12. JÚNÍ 2008 13
FRÉTTIR
Reykjanesbær | Ástþór Sindri Páls-
son hélt upp á sex ára afmælið sitt
með félögunum sem útskrifast með
honum úr leikskólanum Gimli í
Njarðvík. Nutu börnin góðviðrisins.
Bæjarfélag Ástþórs og félaga,
Reykjanesbær, varð fjórtán ára í
gær og svo skemmtilega vildi til að
þann dag voru íbúarnir orðnir 14
þúsund talsins. Hefur verið stöðug
fjölgun í bænum síðustu árin. Íbú-
arnir voru tæplega 11 þúsund í lok
árs 2002 og hefur fjölgað um rúm 3
þúsund síðan þá og nemur fjölgunin
28%.
Reykjanesbær varð til árið 1994
við sameiningu þriggja sveitarfé-
laga, Keflavíkur, Njarðvíkur og
Hafna.
Í tilefni bæjarafmælisins voru
hvatningarverðlaun Fræðsluráðs
Reykjanesbæjar afhent í fyrsta
sinn.
Útskriftarhópurinn úr Gimli fór í
hellisskúta við smábátahöfnina í
Keflavík en þangað mun í haust
flytja skessan hennar Siggu í fjall-
inu, sögupersóna Herdísar Egils-
dóttur. Grillað var úti og afmæli
Ástþórs fagnað. helgi@mbl.is
Ljósmynd/Dagný Gísladóttir
Afmæli Útskriftarhópurinn úr leikskólanum Gimli hélt upp á sex ára af-
mæli Ástþórs Sindra Pálssonar við Skessuhellinn í Keflavíkurbergi.
Margfalt tilefni til
að fagna í blíðunni
STJÓRNVÖLD þurfa að grípa þeg-
ar í stað til aðgerða ef sporna á gegn
vaxandi atvinnuleysi og fjöldagjald-
þrotum, samkvæmt ályktun mið-
stjórnar ASÍ um efnahagsmál.
Í fréttatilkynningu segir að ASÍ
lýsi yfir þungum áhyggjum yfir
stöðu efnahagsmála í landinu, þ.e.
verðbólgu, háum vöxtum, rýrnandi
kaupmætti og auknu atvinnuleysi.
Þetta sé alvarlegasta staða sem Ís-
lendingar hafi staðið frammi fyrir í
langan tíma og gagnvart henni virð-
ist stjórnvöld standa úrræðalaus. Þá
segir í fréttatilkynningunni að hætt
sé við því að ungt fólk lendi í
greiðsluvandræðum vegna sinna
fyrstu húsnæðiskaupa, auk þess sem
búast megi við því að fjöldi heimila
lendi í vandræðum eftir því sem hjól
atvinnulífsins hætti að snúast og at-
vinnuleysi aukist.
Því segir miðstjórnin það mikil-
vægt að opinberir aðilar bregðist við
og auki mannaflsfrekar fram-
kvæmdir og reyni að afstýra inn-
lendri lánsfjárkreppu. Ennfremur
að nýta þurfi Íbúðalánasjóð til að að-
stoða skuldsett heimili með greiðslu-
erfiðleikalánum. una@mbl.is
ASÍ vill aðgerðir
stjórnvalda strax
vi
lb
or
ga
@
ce
nt
ru
m
.is
GE kæliskáparnir eru öflugir, endingargóðir og glæsilega innréttaðir
-hágæðaheimilistæki
Baldursnes 6, Akureyri | Suðurlandsbraut 20, Reykjavík Sími 588 0200 | www.eirvik.is
Amerískir GE kæliskápar
*Tilboðið gildir meðan birgðir endast.
GCE21LGWFS – Stærð: h 176 x b 90,9 x d 60,7 sm – Með ryðfríum stálhurðum
381 ltr. kælir og 173 ltr. frystir – Orkunotkun: A
TILBOÐ kr.: 219.900*