Morgunblaðið - 12.06.2008, Blaðsíða 39

Eftir Helga Snæ Sigurðsson
helgisnaer@mbl.is
REIÐIN getur breytt mönnum í
skrímsli. Það ætti vísindamaðurinn
Bruce Banner að vita manna best.
Hann breytist nefnilega í risavaxinn,
grænan og kolvitlausan risa þegar
hann reiðist. Banner, þ.e. Hulk, er
hugverk teiknimyndahöfundanna
Stan Lee og Jack Kirby.
Hulk birtist fyrsta sinni árið 1962 í
tölublaði Marvel Comics sem bar
heitið The Incredible Hulk. Líkt og
með svo margar ofurhetjur úr Mar-
vel-fjölskyldunni fær Hulk ofur-
mannlega krafta sína fyrir slysni og
einhvers konar geislavirkni.
Í upphafi grár
Eðlisfræðingurinn Robert Bruce
Banner býr til sprengju sem spring-
ur óvart þannig að hann verður fyrir
gammageislun (rafsegulgeislar sem
eiga upptök í atómkjörnum sumra
geislavirkra efna). Við það breytist
Banner í risavaxið, grænt skrímsli í
mannsmynd. Reyndar var Hulk ekki
grænn í upphafi heldur grár og mun
ástæðan hafa verið sú að Lee vildi
ekki tengja húðlitinn ákveðnum kyn-
þætti, sjálfsagt af ótta um að styggja
einhvern.
Hætt var við að gefa út sögur af
hinum gráa beljaka eftir sex tölublöð
en árið 1964 birtist hann aftur og þá
fagurgrænn, á forsíðu teiknimynda-
blaðsins Tales to Astonish. Útlit
Hulk og Banner hefur breyst mikið
frá því þetta var, fram á 21. öldina,
eins og sjá má af meðfylgjandi mynd-
um.
Árið 1977 framleiddi sjónvarps-
stöðin CBS tvær sjónvarpsmyndir
um græna risann og fór leikarinn Bill
Bixby með hlutverk Banner og vaxt-
arræktartröllið Lou Ferrigno með
hlutverk Hulk. Sjónvarpsþættir
fylgdu í kjölfarið og voru sýndir frá
árinu 1978 til 1982. Tæknibrellur
voru skammt á veg komnar þá og
virkilega gaman að skoða þættina í
dag í því ljósi (sjá YouTube, leitarorð
„Ferrigno“ og „Hulk“).
Ang Lee tekur hlunkinn að sér
Fyrsta Hollywood-kvikmyndin um
Hulk var gerð fyrir fimm árum og
þótti heldur skrítið að leikstjórinn
Ang Lee skyldi taka að sér verkið.
Lee átti þá að baki myndir á borð við
Crouching Tiger, Hidden Dragon;
Sense and Sensibility og Eat Drink
Man Woman. Eric Bana lék Banner
og risinn var að sjálfsögðu tölvu-
teiknaður. Myndin fékk heldur mis-
jafna dóma og sem dæmi um það fær
hún meðaltalseinkunnina 54 á Me-
tacritic.
Hollywood virðist þó ekki hafa gef-
ist upp á risanum, þrátt fyrir mis-
jafna dóma, því ný mynd verður
heimsfrumsýnd í dag um hlunkinn og
ber hún heiti teiknimyndaseríunnar,
þ.e. The Incredible Hulk eða Hinn
ótrúlegi Beljaki. Leikstjórinn að
þessu sinni er Louis Leterrier og
enginn aukvisi sem bregður sér í
hlutverk Banner, Edward nokkur
Norton. Norton ku vera mikill aðdá-
andi þess græna og mun hafa skipt
sér heilmikið af kvikmyndagerðinni,
eins og hans er von og vísa. Leterrier
á þrjár misjafnar slagsmálamyndir
að baki, Transporter I og II og Un-
leashed. Spennandi verður að sjá
hvort Leterrier tekst betur upp en
Lee en hann er í það minnsta með
æfinguna í því að gera hasarmyndir.
Viðurstyggðin Tim Roth
Hulk er tölvuteiknaður sem fyrr
og dæmi hver fyrir sig hvort sá græni
líkist Edward Norton eða ekki. Liv
Tyler leikur konuna sem Banner
elskar, Betty Ross, dóttur hershöfð-
ingjans Thaddeus Ross sem William
Hurt leikur. Afbragðsleikarinn Tim
Roth leikur erkifjanda græna risans,
Emil Blonsky, sem umbreytist í
skrímslið Abomination. Nafnið út-
leggst sem Viðurstyggð á íslensku.
Myndin segir af tilraunum Ban-
ners til að losa sig við græna risann,
finna lyf við fjáranum en tíminn reyn-
ist naumur því hershöfðinginn Ross
er á hælunum á honum. Hermað-
urinn Blonsky býður sig fram sem til-
raunadýr, lætur dæla í sig geisla-
virku efni sem umbreytir honum með
svipuðum hætti og Banner nema
hvað að skammturinn er stærri og
Viðurstyggð því enn meiri um sig en
Beljakinn. Uppgjörið ætti fyrir vikið
að verða ansi magnað og tölvuteikn-
arar setið baki brotnu yfir mánuðum
saman.
The Incredible Hulk verður frum-
sýnd hér á landi í dag.
Sá græni snýr aftur
 Það er til undantekning frá reglunni um að allt sé vænt
sem vel er grænt  Beljakinn er snúinn aftur í bíótjaldið
Gamli Hulk Lou Ferrigno í gervi Beljakans og Hulk í upphaflegum lit.
Tim Roth
Fyrir stökk-
breytingu.
Eftir breytingu
Viðurstyggðin.
MORGUNBLAÐIÐ FIMMTUDAGUR 12. JÚNÍ 2008 39
- kemur þér við
Öryggisverðir gæta
sjúklinga á Landspítala
98 ára gömul kona
hringdi í vin og fékk
Borgin málaði óbeðin
yfir veggjalist
Svarthöfðinn meðal
presta er íVantrú
Nanna segir lítið mál
að grilla brauð
Áki spilaði landsleik
eftir eitlakrabbamein
Hvað ætlar þú
að lesa í dag?