Morgunblaðið - 12.06.2008, Qupperneq 26

26 FIMMTUDAGUR 12. JÚNÍ 2008 MORGUNBLAÐIÐ
UMRÆÐAN
Hafnarfjarðarbær á
100 ára afmæli. Oft
hefur verið ritað og
rætt um fjármál bæj-
arins og er því ekki úr
vegi að gera það enn
frekar á þessum tíma-
mótum. Nýlega voru
samþykktir í bæj-
arstjórn Hafnarfjarðar ársreikn-
ingar vegna ársins 2007. Nið-
urstöður þeirra sýna með skýrum
hætti að fjármál og rekstur sveitar-
félagsins hefur eflst og styrkst
verulega. Afkomutölur eru afar já-
kvæðar um leið og framkvæmdir
eru meiri en áður þekkist og íbúa-
fjölgun ein sú mesta á öllu landinu.
Með markvissum og skipulegum
hætti hefur verið haldið utan um
rekstrar- og framkvæmdamál bæj-
arins og árangurinn liggur fyrir.
Rekstrarafkoma Hafnarfjarð-
arbæjar var jákvæð um 1.100 millj-
ónir kr. á sl. ári sem er verulega
betri árangur en áætl-
anir gerðu ráð fyrir.
Frávik rekstrargjalda
frá áætlun var rétt lið-
lega 1%, sem er
óverulegt í jafn um-
fangsmiklum rekstri,
en velta samstæð-
unnar var um 12 millj-
arðar á sl. ári.
Eigið fé styrkist –
Miklar
fjárfestingar
Eigið fé jókst á
árinu og er nú 24% og nemur það
6.764 milljónum króna. Veltufé frá
rekstri er um 2000 milljónir króna,
en það er það fé sem sveitarfélagið
leggur til á hverju ári í bókhalds-
legu tilliti til afborgunar lána og
fjárfestinga. Niðurstöður samstæðu
sveitarfélagsins hafa undanfarin ár
verið afar góðar og skuldir sveita-
sjóðs pr. íbúa hafa á undanförnum
árum farið lækkandi þrátt fyrir að
ekki sé á nokkurn hátt tekið tillit til
gatnagerðartekna.
Fjárfestingar á árinu voru 3,5
milljarðar króna sem er með því
mesta sem bæjarfélagið hefur farið
í á einu ári. Unnið var m.a. að fjór-
um leikskólum, stórbyggingunni
Hraunvallaskóla, íþróttamann-
virkjum í Kaplakrika, nýrri sund-
miðstöð á Ásvöllum, nýrri þjónustu-
og framkvæmdamiðstöð á Völlum,
breytingu á golfaðstöðu Keilis, end-
urgerð Vesturgötu 32 (Bookless
Bungalow), endurgerð Reykdals-
virkjunnar, nýrri aðstöðu fyrir tón-
listarungmenni og Hnefaleikafélag
Hafnarfjarðar, spark- og körfu-
knattleiksvöllum, Flensborgarskóla,
auk umfangsmikilla verkefna í
gatna- og stígagerð og á opnum
svæðum.
Stöðug uppbygging í 100 ár
Niðurstöðurnar sýna enn og aft-
ur jákvæða þróun í rekstri bæj-
arfélagsins. Árið 2007 var gott
rekstrarár í Hafnarfirði. Markviss
skuldastýring á árinu og vöktun
hefur haft mikið að segja. Skipu-
lags- og stjórnsýslubreytingar þær
sem ráðist var í á árinu 2003 sem
miðuðu að því að styrkja innviði í
rekstri bæjarfélagsins og auka
þjónustu ásamt endurmati rekstr-
arþátta hafa einnig m.t.t. samlegðar
og hagræðingar endurspeglað þessa
jákvæðu niðurstöðu.
Meðvitaðar ákvarðanir, und-
anfarin ár, um fjárhagslegt skipu-
lag til að treysta og efla bæj-
arfélagið til enn frekari framfara
hafa borið þann árangur sem nú er
ljós. Veltufé frá rekstri, ein af lyk-
ilstærðum í samanburðarviðmiði,
eykst ár frá ári og sannar að Hafn-
arfjörður er á fljúgandi ferð á réttri
leið.
Þessa niðurstöðu höfum við feng-
ið með sameiginlegu átaki fjöl-
margra starfsmanna Hafnarfjarð-
arbæjar, þekkingar okkar og
reynslu. Kostnaðareftirlit og rekstr-
arþekking stjórnendateyma, hvort
sem er í stjórnsýslu eða leik- og
grunnskólum hefur aukist til muna.
Hafnarfjörður er eitt öflugasta og
framsæknasta sveitarfélag landsins.
Hafnarfjörður er nú í stöðugri upp-
byggingu, byggingarreitir fyrir
íbúðar- og atvinnuhúsnæði eru til
staðar og hluti af þessum íbúðarein-
ingum eru innan þéttingar byggðar
sem ekki kalla á miklar fjárfest-
ingar í grunnskólum og leikskólum
– stefnumörkun um sjálfbæra þró-
un og ígildi Staðardagskrár 21 eru
nýtt í hvívetna. Bæjarfélagið er vel
í stakk búið að taka á móti auknum
íbúafjölda án þess að þurfa að ráð-
ast í miklar fjárfestingar.
Okkur Hafnfirðingum finnst mik-
ilsvert að haldið sé áfram á sömu
braut. Að styrkja og efla áfram
fjárhagsstöðu Hafnarfjarðar með
því að sinna þeirri kröftugu upp-
byggingu sem verið hefur í bæj-
arfélaginu. Sú mikla gróska og upp-
bygging sem á sér nú stað í
Hafnarfirði er skýr vísbending um
traust og trú á Hafnarfirði og þeim
verkum sem bæjarstjórn og starfs-
menn Hafnarfjarðarbæjar eru að
vinna að á öllum sviðum. Til ham-
ingju með 100 ára afmælið, Hafn-
firðingar.
Fjármál Hafnarfjarðarbæjar í 100 ár
Fjármál og rekstur
sveitarfélagsins
hafa eflst og
styrkst, segir
Gunnar Svavarsson
Gunnar Svavarsson
» Afkomutölur árs-
reikninga Hafn-
arfjarðarbæjar eru afar
jákvæðar um leið og
framkvæmdir eru meiri
en áður þekkist og íbúa-
fjölgun ein sú mesta á
landinu.
Höfundur er alþingismaður og
bæjarfulltrúi
í Hafnarfirði.
ÍBÚAR Skútu-
staðahrepps við Mý-
vatn binda miklar von-
ir við að bygging
álvers á Bakka við
Húsavík og grænna
orkuvera í sveitarfé-
laginu muni treysta
skilyrðin til búsetu og
áframhaldandi upp-
byggingar atvinnulífs í
sveitarfélaginu til
framtíðar. Hér vill fólk
búa, enda gott mann-
líf, rómuð náttúrufeg-
urð og góð þjónustu á
flestum sviðum.
Fjölbreytt atvinnu-
starfsemi hefur
löngum einkennt sam-
félagið og má þar
nefna kísilgúrnám,
orkuvinnslu, verktaka-
starfsemi, flutnings-
þjónustu, landbúnað,
ferðaþjónustu og ýmsa
aðra þjónustu. Á síð-
ustu árum hefur sam-
félagið þó staðið í varnarbaráttu og
margumtalaðrar þenslu á Íslandi hef-
ur ekki orðið vart hér. Kísilgúrverk-
smiðjan lokaði árið 2004. Þó lokun
hennar hafi ekki haft jafnafdrifaríkar
afleiðingar fyrir atvinnulífið og marg-
ir óttuðust, hvarf við það ákveðin
kjölfesta sem ekki hefur verið fyllt,
enda störfuðu þar um 45 manns. Erf-
iðleikar í landbúnaði, lokun verktaka-
fyrirtækis og fleira hefur veikt stöð-
una enn frekar undanfarið. Þrátt
fyrir þetta hefur ekki orðið umtals-
verð fólksfækkun í sveitinni. Að hluta
til skýrist það af stóriðju- og virkj-
anaframkvæmdum á Austurlandi.
Margir íbúar sveitarfélagins hafa
sótt vinnu þangað tímabundið en
haldið heimili sínu hér í sveitinni. Það
undirstrikar að hér vill fólk búa ef
það mögulega á þess kost. Nú er
framkvæmdum hins vegar að mestu
lokið fyrir austan og óvíst hvað þá
tekur við.
Bygging álvers á Bakka við Húsa-
vík hefði mikla þýðingu fyrir Skútu-
staðahrepp. Umhverfisvæn orka er
ein helsta auðlind okkar Þingeyinga
og það er sjálfsagt að
nýta hana til uppbygg-
ingar á svæðinu. Málið
snýst um að fá í lands-
fjórðunginn traust og
öflugt fyrirtæki til að
nýta orkuauðlindir
svæðisins og efla hér
hagvöxt. Ég trúi því að
sátt geti orðið í íslensku
samfélagi um það. Ef um
væri að ræða olíu-
auðlindir tel ég að flestir
væru sammála um að
þær bæri að nýta. Sama
ætti að gilda um jarð-
varmaauðlindir okkar
Þingeyinga, enda er
samanburðurinn við olíu-
lindir jarðvarmanum
hagstæður í því að hann
er endurnýjanleg orka
og virkjun hans er aft-
urkræf.
Álver á Bakka yrði
mikilvæg kjölfesta fyrir
atvinnulíf í öllum fjórð-
ungnum sem hægt væri
að treysta á til framtíðar.
Með slíkri kjölfestu
þrífst ýmiss konar önnur
atvinnustarfsemi, smá-
iðnaður og þjónusta eins
og best sést á því hvern-
ig samfélagið á Austurlandi hefur
gengið í endurnýjun lífdaga með
starfsemi Fjarðaáls í Reyðarfirði.
Hér í hreppnum myndi bygging ál-
vers meðal annars flýta fyrir virkj-
unum í Bjarnaflagi og stækkun
Kröfluvirkjunar með tilheyrandi um-
svifum í sveitarfélaginu. Það hefur
einnig sýnt sig, til dæmis við gesta-
stofu Landsvirkjunar við Kröflu, að
virkjun grænnar orku dregur að
ferðamenn, bæði íslenska og erlenda.
Ég lít á væntanlega byggingu Al-
coa á álveri á Bakka við Húsavík sem
enn eina stoðina undir sterkt sam-
félag í Skútustaðahreppi og á öllu
Norðausturlandi. Álver er auðvitað
ekki eina leiðin og við þurfum stöðugt
að leita fjölbreyttra leiða til að bæta
og styrkja undirstöður mannlífsins
hér sem annars staðar. Það væri hins
vegar, pólitískt, óábyrgt að hafna fyr-
irtæki sem býður hundraðir starfa á
landssvæði sem er í varnarbaráttu
um að halda íbúunum á svæðinu.
Álver á Bakka –
kjölfesta fyrir
Norðausturland
Guðrún María
Valgeirsdóttir
skrifar um at-
vinnuuppbyggingu
á Norðausturlandi
Guðrún María
Valgeirsdóttir
» Það hefði
mikla þýð-
ingu fyrir
Skútustaða-
hrepp að fá í
landsfjórðung-
inn traust og
öflugt fyrirtæki
til að nýta orku-
auðlindir svæð-
isins og efla
hagvöxt
Höfundur er sveitarstjóri
Skútustaðahrepps.
BJÖRN Bjarnason dóms-
málaráðherra heldur því fram í
Mbl. 7. júní að símahleranir
stjórnvalda á tímum kalda stríðs-
ins á Íslandi og í Noregi séu ekki
sambærilegar. Ég get ekki orða
bundist af þessu tilefni, enda er
mér og fjölskyldu minni málið
skylt.
Björn staðhæfir að hleranirnar
á Íslandi séu löglegar vegna þess
að lögregla hafi borið þær undir
dómara. Hið rétta er að dóms-
úrskurðir voru alltaf pantaðir
beint úr ráðuneyti dómsmála, á
ábyrgð pólitísks ráðherra vel að
merkja eins og Björn veit manna
best, en aðeins í einni lotunni eftir
ábendingar til ráðuneytisins frá
lögreglu.
Enn fremur segir Björn að
hleranirnar hafi verið á vegum
pólitískrar leyniþjónustu í Noregi
og gefur þannig í skyn að þær
hafi verið án dómsúrskurðar og
þá ólöglegar. Hið rétta er að þær
voru alltaf bornar undir dómara
frá 1960, reyndar að frumkvæði
leynilögreglu, en ekki ráðuneytis
eins og gerðist hér á landi. Það
hreinsar þó ekki norsk yfirvöld af
pólitísku eðli hlerananna, sam-
kvæmt niðurstöðum norsku rann-
sóknarnefndarinnar í svonefndri
Lund-skýrslu.
Af þessu er ljóst að sam-
anburður á hlerunum í Noregi og
á Íslandi er ekki marklaus eins
og Björn heldur fram. Þvert á
móti er hann raunhæfur og eðli-
legur. En þótt í báðum tilfellum
væru hleranirnar af pólitískum
rótum runnar var beinn þáttur
hins pólitíska ráðherra og ráðu-
neytis hans augljósari hér á landi.
Á Íslandi er því síst minni ástæða
fyrir viðeigandi stjórnvöld að
biðjast afsökunar á óréttmætum
pólitískum fjölskylduhlerunum
sem ekki hafa verið réttlættar
með einni einustu ákæru, hvað þá
dómi. Því hnekkir síst af öllu
rangur vitnisburður sem Björn
Bjarnason leyfir sér að viðhafa.
Þó að ekki komi til aðrar vanhæf-
isástæður ætti því að taka málið
úr höndum hans í ríkisstjórn ef
hún vill gæta sóma síns.
Páll Bergþórsson
Ranghermi Björns Bjarnasonar
Höfundur er fv. Veðurstofustjóri.
KÆRU Íslendingar.
Hinn 6. janúar 2007
sat ég fund með 40
bestu leikmönnum Ís-
lands í kvennaknatt-
spyrnu. Á þeim fundi
ákváðum við sem hópur
að gera það sem engum
hefur áður tekist í sögu
íslenskrar knattspyrnu.
Við ákváðum að við ætlum að verða
fyrsta A-landslið Íslands sem kemst í
úrslitakeppni stórmóts.
Það krefst mikillar vinnu að gera
atlögu að markmiði sem bestu leik-
menn Íslands í gegnum tíðina hafa
aldrei náð. Við ákváðum því í samein-
ingu að leggja á okkur meiri vinnu en
nokkru sinni fyrr. Það átti bæði við
um leikmenn, þjálfara og aðra þá
sem koma að liðinu. Nú er svo komið
að allir leikmenn kvennalandsliðsins
hafa verið að æfa aukalega til að ná
þessu markmiði, hver á sinn hátt.
Að þjálfa liðið er eitt það skemmti-
legasta sem ég hef gert í lífinu. Það
eru mikil forréttindi að fá að þjálfa
„stelpurnar okkar“ og þetta er frá-
bær hópur. Stuðningsteymið í kring-
um liðið er líka einstakt. Í upphafi
var ekki búist við miklu, enda þjálf-
arinn reynslulaus, aðstoðarþjálfarinn
„100 ára gamall“ og lykilmenn hafa
bæði hætt og meiðst. En sem betur
fer hefur það ekki komið að sök því
stelpurnar hafa staðið
sig framúrskarandi vel,
unnið glæsta sigra og
íslenska þjóðin hefur
hrifist með. Það er
áhugaverð staðreynd
að A-landslið kvenna
væri nú í 3. sæti á
heimslista FIFA ef list-
inn hefði verið núll-
stilltur þegar hópurinn
setti sér markmiðið í
janúar 2007. Það sýnir
ágætlega hugarfar liðs-
ins að það stefnir ennþá
hærra á listanum.
Kvennalandsliðið leikur tvo heima-
leiki á Laugardalsvelli í sumar í Evr-
ópukeppni landsliða, gegn Slóveníu
21. júní kl. 14.00 og gegn Grikklandi
26. júní kl. 16.30. Heimaleikirnir báð-
ir eru úrslitaleikir og mikil áskorun
fyrir okkur. Á síðasta heimaleik
komu 6.000 stuðningsmenn að styðja
við bakið á okkur á ógleymanlegan
hátt. Áhorfendametið var bætt um
helming á þeim leik. Það var frábær
upplifun að fá að taka þátt í þeim leik
og upplifa þá baráttu, leikgleði, sam-
heldni og þjóðarstolt sem skein af lið-
inu í þeim leik. Katrín Jónsdóttir,
fyrirliði landsliðsins, sagði þá inni í
klefa í hálfleik: „Mér finnst við vera
tveimur fleiri á vellinum því það er
svo frábær stuðningur frá fólkinu.“
Við gerðum það sem ekki hafði áður
tekist. Það mun hjálpa okkur mikið
ef við leikum aftur 13 á móti 11 í
heimaleikjunum á móti Slóveníu og
Grikklandi. Með því að vinna þessa
tvo leiki dugar okkur jafntefli í síð-
asta leik riðilsins gegn Frakklandi í
haust til að ná markmiðinu okkar að
komast í úrslitakeppni Evrópumóts-
ins. Með öðrum orðum hafa mögu-
leikar liðsins sennilega aldrei verið
betri en núna.
Það eru 9800 sæti á Laugardals-
velli. Ég sagði við stelpurnar fyrir
mörgum mánuðum að það yrði upp-
selt á kvennalandsleik á þessu ári og
þær ráku upp stór augu. Ég stend við
það sem ég sagði. „Stelpurnar okk-
ar“ eiga skilið að það sé stuðnings-
maður í hverju einasta sæti á heima-
leikjum liðsins. Til að ná háleitara
markmiði en áður hefur náðst þarf
meiri stuðning en nokkru sinni fyrr.
Væri ekki magnað ef það yrði „upp-
selt“ á leik kvennalandsliðsins og
okkur tækist að gera það sem engum
hefur áður tekist.
Hjálpaðu okkur að láta drauminn
rætast.
Sjáumst á Laugardalsvelli.
Áfram Ísland!
„Það sem engum hefur tekist“
Sigurður Ragnar
Eyjólfsson skrifar
opið bréf til íslensku
þjóðarinnar
Sigurður R. Eyjólfsson
» Væri ekki magnað ef
það yrði „uppselt“ á
leik kvennalandsliðsins
21. júní og okkur tækist
að gera það sem engum
hefur áður tekist.
Höfundur er A-landsliðsþjálfari
kvenna í knattspyrnu.