Morgunblaðið - 12.06.2008, Blaðsíða 17

MORGUNBLAÐIÐ FIMMTUDAGUR 12. JÚNÍ 2008 17
ERLENT
Eftir Kristján Jónsson
kjon@mbl.is
ÞOTUHREYFLARNIR eru nú þvegnir dag
hvern með háþrýstidælum til að ekki sé verið að
fljúga með óþarfaskít sem aldrei borgar fyrir far-
ið. Minna vatn er á klósettinu, farþegasætin eru af
nýrri og léttari gerð, Delta íhugar hvort ekki sé
nóg að til sé eitt eintak af hverjum leiðbeininga-
bæklingi í flugstjórnarklefanum. Flugstjórinn og
aðstoðarflugstjórinn þurfi ekki hvor sinn en hver
bæklingur vegur hátt í kíló.
Bandarísku flugfélögin berjast nú í örvæntingu
við hækkandi eldsneytisverð. Að sögn The New
York Times fóru 15% af miðaverðinu í eldsneyt-
iskostnað fyrir átta árum en nú er hlutfallið komið
í um 40%. Tankarnir í Boeing-747 breiðþotu taka
alls um 227.000 lítra en það munar um allt; elds-
neytisverðið hefur hækkað um 84% síðan í fyrra.
Félögin hafa hækkað fargjöldin en einhvern
tíma kemur að því að farþegar segja nei og sitja
einfaldlega heima. Þess vegna er nú leitað í hverj-
um krók og kima að aðferð til að létta vélarnar.
Allir starfsmenn eru hvattir til að leggja sig fram í
þessari baráttu. Hjá Northwest segjast menn
spara um 440.000 dollara, 34 milljónir ísl. kr., á ári
ef hægt sé að létta venjulega farþegavél um 12
kíló. Þegar um er að ræða nokkur hundruð vélar
eins og hjá stærstu félögunum er samanlagður
sparnaður fljótur að verða há fjárhæð.
Nýjar vélar eyða mun minna
Flestar vélar lenda með eldsneytistanka sína
enn þá hálffulla, ef til vill er hægt að leggja upp
með eitthvað minna eldsneyti. En ákveðið öryggi
hlýtur samt að felast í því að hafa umtalsverðar
birgðir ef eitthvað kemur upp á og vélin þarf að
fara lengri leið en áætlað var.
American Airlines gerir ráð fyrir að spara um
330,7 milljónir dollara, liðlega 2.500 milljónir ísl.
kr., í eldsneytiskostnað á þessu ári eða um 3,5% af
heildarkostnaði vegna eldsneytis og aðferðirnar
eru margar. Eitt af því áhrifaríkasta er að kaupa
nýjar vélar sem eyða minna og það gera félögin.
Nýjar Airbus A330 vélar Northwest nota 38%
minna eldsneyti en gömlu DC-9 vélarnar. En So-
uthwest segist hafa sparað 1,6 milljónir dollara
síðan í apríl með því að fjarlægja reglulega óhrein-
indi sem juku loftmótstöðu. Loks má geta þess að
nú er flogið ívið hægar til að spara eldsneyti. Áætl-
aður flugtími með Delta-vél frá Los Angeles til
Atlanta var fyrir fimm árum fjórar stundir og 12
mínútur en er núna fjórar stundir og 18 mínútur.
Geta flugstjórarnir ekki
látið nægja einn bækling?
Reuters
Þyrstir hreyflar Boeing 737 farþegaþota, tank-
arnir taka alls um 26 þúsund lítra af eldsneyti.
Bandarísku flugfélögin
leita í örvæntingu að leið-
um til að spara eldsneyti
FORSETI Venesúela, Hugo Chá-
vez, glímir þessa dagana við ýmsa
drauga fortíðarinnar. Fyrrverandi
eiginkona hans, Marisabel Rodrígu-
ez, tilkynnti á dögunum framboð
sitt til borgarstjóra í Barquisimeto,
höfuðborgar Lara-ríkis.
Fyrrverandi forsetafrúin Ro-
dríguez er í framboði fyrir sósíal-
istaflokkinn Podemos. Hún var vin-
sæl meðal almennings og átti þátt í
því að mýkja ímynd eiginmanns
síns, sem er fyrrverandi hermaður.
Chavez og Rodríguez skildu árið
2004 og í kjölfarið deildu þau um
forræðið yfir ungri dóttur þeirra.
Rodríguez hefur síðan deilt á fyrr-
verandi eiginmann sinn í fjöl-
miðlum og sumum þykir hún hafa
reynt að ata hann auri. Framganga
hennar í venesúelskum stjórn-
málum dregur deilumál þeirra aft-
ur fram á sjónarsviðið og stjórn-
málaskýrendur segja hana öflugan
talsmann stjórnarandstöðunnar,
þótt hún sé ekki sérlega líkleg til
að ná kjöri.
Það vakti þá einnig athygli þegar
Chavez þvertók opinberlega fyrir
það á þriðjudag að Salomon Fern-
andez væri launsonur hans, þrátt
fyrir að hinn síðarnefndi haldi öðru
fram. Fernandez hugðist bjóða sig
fram til ríkisstjóra í Carabobo, og
þykir með eindæmum líkur Chavez.
sigrunhlin@mbl.is
Fyrrverandi forsetafrú í framboði
Forsetahjón Hugo Chávez og Marisabel Rodríguez meðan allt lék í lyndi.
Marisabel Rodríguez, fyrrverandi eiginkona forseta Venesúela, býður sig fram til borgarstjóra
Í HNOTSKURN
»Marisabel Rodríguez hyggurá framboð til borgarstjóra
Barquisimeto.
»Barquisimeto er fæðing-arstaður Rodríguez og höf-
uðborg Lara-ríkis. Hún liggur
um 260 kílómetra vestan við höf-
uðborgina Karakas.
»Rodríguez þykir áhrifaríkurfulltrúi fyrir stjórnarand-
stöðuna, enda ætti hún að þekkja
styrkleika Chavez og veikleika
út og inn.AP
SAMKVÆMT könnun þýska tíma-
ritsins Stern hefur þriðjungur
flokksbundinna jafnaðarmanna
(SPD) leitt hug-
ann að því að
ganga úr flokkn-
um. Könnunin
leiðir í ljós að
mikill fjöldi
flokksmanna deil-
ir ekki hugmynd-
um flokksforyst-
unnar.
Tæpur helm-
ingur 800 að-
spurðra er hlynntur vali á forseta-
frambjóðanda jafnaðarmanna,
Gesine Schwan. Jafnframt er aukin
samvinna flokksins með vinstri-
mönnum litin gagnrýnum augum af
tveimur þriðju aðspurðra.
Formaður flokksins, Kurt Beck,
hefur legið undir gagnrýni fyrir störf
sín undanfarna mánuði og fær hann
slæma útreið. Rúmlega helmingur
aðspurðra vill annan leiðtoga í hans
stað.
Samkvæmt nýrri Forsa-könnun
myndi aðeins fimmtungur Þjóðverja
kjósa jafnaðarmenn ef gengið væri
til kosninga nú, en jafnaðarmenn
mynda ríkisstjórn með kristilegum
demókrötum (CDU). jmv@mbl.is
SPD í
slæmum
málum
Kurt Beck
Fengi aðeins 20% í
kosningum nú
KERSTIN Fritzl, sem var haldið
fanginni ásamt móður sinni og tveim-
ur bræðrum í kjallaraholu í austur-
ríska smábænum Amstetten, er nú
vöknuð úr sjö vikna dái.
Móður Kerstin var haldið fanginni í
24 ár og eignaðist hún sjö börn með
föður sínum og kvalara, Josef Fritzl.
Kerstin hafði verið í dái vegna alvar-
legrar líffærabilunar, en veikindi
hennar komu upp um fangavist fjöl-
skyldunnar. Hún hitti fjölskyldu sína
á sunnudag og urðu með þeim fagn-
aðarfundir.
Að sögn lækna var fyrsta ósk
Kerstin að fara í siglingu og sjá Rob-
bie Williams á tónleikum en hún mun
hafa skrúfað græjurnar í botn á
sjúkrahúsinu langt fram á nótt.
Læknarnir segja að hún muni ná full-
um líkamlegum bata. Gæsluvarðhald
yfir Josef Fritzl hefur verið fram-
lengt um tvo mánuði á meðan unnið
er að rannsókn málsins. jmv@mbl.is
Kerstin vill
sigla og
sjá Robbie
ANDSTÆÐINGAR barnavinnu á Indlandi gerðu
nýlega skyndiáhlaup á verksmiðju í Nýju-Delhí
þar sem börn þræluðu við skrautútsaum á fatn-
að, hér sjást drengir úr hópi barnanna. Alþjóða-
vinnumálastofnunin, ILO, telur að í heiminum
öllum séu um 165 milljónir barna á aldrinum
fimm til 14 ára látnar stunda láglaunavinnu, oft
erfið og óþrifleg störf. Alþjóðlegur bar-
áttudagur gegn barnavinnu er í dag.
AP
Börnum þrælað út í Nýju-Delhí