Morgunblaðið - 12.06.2008, Blaðsíða 11
MORGUNBLAÐIÐ FIMMTUDAGUR 12. JÚNÍ 2008 11
FRÉTTIR
UM 25 athugasemdir hafa borist
skipulagsstjóra Reykjavíkur vegna
breytingar á deiliskipulagi Kvosar-
innar við Ingólfstorg en frestur til að
skila inn athugasemdum rann út í
gær. Vel er mögulegt að fleiri at-
hugasemdir eigi eftir að berast, því
teknar eru til skoðunar þær athuga-
semdir sem póstlagðar voru í gær.
Farið verður yfir athugasemdir og
þær lagðar fyrir skipulagsráð og
þaðan verður málið sent borgarráði.
Til grundvallar deiliskipulaginu er
tillaga Björns Ólafs arkitekts sem
skipulagsráð hefur lýst sig ánægt
með. Í inngangsorðum tillögunnar
kemur fram að sunnan við Ingólfs-
torg og meðfram Vallarstræti sé
einn viðkvæmasti hlekkurinn í sögu-
legum minjum elsta hluta Reykja-
víkur. Þar standi þrjú gömul timbur-
hús sem æskilegt sé að varðveita á
staðnum. Þau eru gamli Kvennaskól-
inn við Austurvöll, gamla Hótel Vík
við Vallarstræti og Brynjólfsbúðin,
Aðalstræti 7. Lagt er til að Kvenna-
skólinn verði á sínum stað en hin tvö
húsin færð framar á Ingólfstorg og
nær hvort öðru. Þessi hús verði gerð
upp að utan sem innan og tengd ann-
arri starfsemi við torgið.
Tillagan nær til suðurhluta Ing-
ólfstorgs, Vallarstrætis og lóðanna
Thorvaldsensstrætis 2, Vallarstrætis
4 og Aðalstrætis 7. Lagt er til að lóð-
irnar þrjár verði sameinaðar og hluti
Ingólfstorgs, þar sem áður var Hótel
Ísland, verði sameinaður fyrrnefnd-
um lóðum ásamt gangstíg milli Aðal-
strætis 7 og Vallarstrætis 4.
Lagt er til að Vallarstræti verði ný
verslunargata og vesturhluti þess
verði yfirbyggður og verði hluti hót-
els. Innigatan á að tengja rými hót-
els sem komið verði fyrir á neðri
hæðum gömlu húsanna og í fram-
haldi þeirra í nýbyggingu. Leyft
verði að byggja fimm hæða hús með-
fram brunagöflum Aðalstrætis 9 og
Landssímahússins.
Helgi Þorláksson prófessor er
mjög gagnrýninn á fyrirætlanir á
Ingólfstorgi og telur að þær muni
skerða torgið um 30% í grein sinni í
Morgunblaðinu 3. júní sl.
Þörf á uppbyggingunni?
Segir hann villandi þann rök-
stuðning að með því að færa Hótel
Vík í Vallarstræti 4 og Aðalstræti 7
yfir á Ingólfstorg, takist að bjarga
húsunum frá niðurrifi. Engar líkur
séu á því að niðurrif þeirra verði
leyft, segir hann. „Á nýja staðnum
mun Hótel Vík þrengja illa að Veltu-
sundi 3 (þar sem úrsmiðurinn er),“
segir hann
„Spurningin er hvort einhver þörf
sé á mikilli uppbyggingu og stórhýsi
við Vallarstræti. Þau rök koma fram
í greinargerð með tillögunni að hin
mikla nýbygging sé nauðsyn til að
fela ljóta gafla en þá mætti auðvitað
laga.
Önnur röksemd er sú að Sjálf-
stæðishúsið (Nasa) sé svo ljótt, séð
frá Vallarstræti, að það þurfi að rífa.
En það mætti líka laga og prýða á
einfaldan hátt.
Mér sýnist að hér séu „búin til“
vandamál og síðan er lausnin um-
turnun hins gamla og stórkostleg
„uppbygging“. Hvað kallar á þessar
breytingar? Ekkert, nema þarfir at-
hafnamanna sem vilja fá góða lóð.“
Tugir athugasemda
Torgið umdeilda Fremst eru hús, sem á að færa, framan við nýbyggingu.
Borgin vill breyta Ingólfstorgi og færa gömul hús yfir
á torgið en áformin hafa þegar sætt mikilli gagnrýni
Í HNOTSKURN
»Við Vallarstræti, milliKvennaskólans gamla við
Austurvöll og Aðalstrætis, er
gert ráð fyrir að fimm hæða
hús rísi. Salur Nasa verði rif-
inn en gömlu húsin Hótel Vík
og Aðalstræti 7 færð yfir á
Ingólfstorg.
»Lagt er til að Vallarstrætiverði ný verslunargata og
vesturhluti þess verði yf-
irbyggður og verði hluti hót-
els.
Eftir Örlyg Stein Sigurjónsson
orsi@mbl.is
HÉRAÐSDÓMUR Reykjavíkur
hefur dæmt ritstjóra tveggja
tímarita til sektargreiðslu fyrir að
hafa birt áfengisauglýsingar.
Í fyrra málinu var ritstjóri
Mannlífs dæmdur í 500 þús. króna
sekt fyrir að hafa birt almennar
umfjallanir um tilteknar áfengis-
tegundir, þar sem m.a. var fjallað
um uppruna og gæði. Ákærði
sagði að ekki væri um að ræða
auglýsingar, heldur almenna um-
fjöllun auk þess sem lögin væru
það óskýr að ekki væri hægt að
átta sig á því hvenær umfjöllun
væri orðin að auglýsingu. Þessu
hafnaði dómurinn og sagði umfjöll-
unina svo almenns eðlis að telja
yrði umfjöllunina lið í markaðs-
setningu.
Í seinna málinu var ritstjóri
Fótboltasumarsins 2006 dæmdur í
400 þús. króna sekt fyrir að birta
bjórauglýsingar sem höfðu að
geyma táknið 0,0%, en óáfengar
tegundir þessara bjóra voru ófáan-
legar. Símon Sigvaldason kvað upp
báða dómana. andresth@mbl.is
Ritstjórar dæmdir fyrir
áfengisauglýsingar
Kringlunni • Simi 568 1822
www.polarnopyret.is
M
bl
1
01
01
34
20%
ÞJÓÐHÁTÍÐAR-
AFSLÁTTUR
TIL 17. JÚNÍ
Laugavegi 63 • S: 551 4422
SUMARSALA
30% AFSLÁTTUR
Í NOKKRA DAGA Á NYJUM VORVÖRUM FRÁ
GERRY-WEBER OG TAIIFUN EINNIG YFRIRHÖFNUM
Opnunartími mánud. - föstud. kl. 10.00-18.00
Bonito ehf. Friendtex, Faxafen 10, 108 Reykjavík
sími 568 2870
Útsala!
www.friendtex.is
Mikið úrval af
fallegum fatnaði