Sjómannablaðið Víkingur - 01.09.1996, Qupperneq 71
Sérútbúinn pressu-sorpgámur í Venusi:
Engin lykt, leki eða
óþrif af sorpinu
- skilningur á þörf mengunarvarna og umhverfisvernd
kominn lengra á sjó en í landi
Það hefur orðið bylting í
meðferð sorps og alls úrgangs
hér á landi á undanförnum
árum og þá ekki síður á sjó en í
landi. Ein merki þess eru þau
að þegar frystitogarinn Venus
frá Hafnarfirði sigldi úr höfn eft-
ir miklar viðgerðir og endur-
bætur fyrri hluta þessa árs var
þar kominn sérútbúinn sorp-
gámur um borð, sá fyrsti sinnar
tegundar um borð í íslensku
skipi. Það er fyrirtækið Sorp-
tækni sem er umbjóðandi
þessarar nýjungar, sem í raun
er sérútbúin fyrir hvert skip.
Um borð í Venus var settur níu
rúmmetra pressugámur.
í samtali við Guðmund Jóns-
son, skipstjóra á Venusi, og
Grétar Guðnason yfirvélstjóra
kom fram að reynslan af nýt-
ingu og notkun gámsins er
góð. í gáminn fer allt venjulegt
sorp, nema það lífræna, sem
sett er í hafið. Netaafgangar,
olía og önnur spilliefni er varð-
veitt sérstaklega.
Að sögn Grétars yfirvélstjóra
kemur geymsla sorpsins í sér-
útbúnum gámnum í veg fyrir
alla lykt, leka og óþrif af sorpi
um borð. Auk þess þarf mun
minna geymslurými vegna
þess, þar sem það er pressað
saman í gáminum. Þegar að
landi er komið er gámurinn
hífður í land og sorpinu komið
til síns heima.
Þeir einu sem bjóða kæli-
EÐA HITAKERFI í SORPGÁMA
Jón Ólafur Magnússon,
sölustjóri hjá fyrirtækinu Sorp-
tækni, sem annast sölu og
þjónustu við gáma af þessu
tagi til notkunar bæði á sjó og
landi, sagði að gámurinn um
borð I Venusi væri sérhannaður
til nota þar um borð. Á þann
hátt væri best hægt að nýta
rýmið eftir aðstæðum um borð
í hverju skipi. Þetta ætti bæði
við um staðsetningu gámanna
um borð, stærð þeirra, hvort
sérstakrar kælingar væri þörf
og hvers konar sorp legðist til
á hverjum stað. Sorptækni er
umbjóðandi Europak, finnsks
fyrirtækis sem er framarlega í
sorpgámaframleiðslu í Evrópu.
Er fyrirtækið til dæmis eitt um
að bjóða upp á sorpgáma með
kæli- og eða hitakerfi. Sorp-
tækni býður upp á lausnir í
sorpmálum fyrir allar stærðir
fyrirtækja og sveitarfélaga.
Mikill skilningur á þörf
UMHVERFIS- OG MENGUNAR-
VARNA UM BORÐ I VENUSI
Jón Ólafur Magnússon sagði
ánægjulegt að hafa átt þátt í að
setja fyrsta sérhannaða
pressugáminn fyrir sorp um
borð í Venus. Guðmundur
Jónsson og áhöfn hans væru
mjög meðvitaðir um nauðsyn
umhverfisverndar af öllu tagi.
Þeir hefðu til dæmis verið
brautryðjendur um böggun
sorps um borð fyrir rúmum sex
árum. Jón Ólafur benti auk
þess á að um borð í Venusi,
eins og reyndar ýmsum öðrum
fiskiskipum, væri aðeins notuð
lífræn sápa.
Grétar Guðnason yfirvélstjóri
fræddi okkur á því að öll olíu-
hreinsiefni sem notuð eru um
borð væru skiljanleg og yllu því
ekki neinni mengun. Áberandi
væri reyndar hvað sölumenn
fyrirtækja á hreinlætismarkaði
væru meðvitaðri um innihald
vöru sinnar nú en fyrr á árum.
Yfirvélstjórinn og Guðmundur
skipstjóri voru sammála um að
mengunarvarnir og skilningur á
umhverfisvernd væri að mörgu
leyti kominn mun lengra í sjáv-
arútvegi en í öðrum atvinnu-
greinum. ■
Sérútbúinn pressu-sorpgámur í Venusi.
Guðmundur Jónsson, skipstjóri á Venusi, t.h. og Jón Ólafur
Magnússon, sölustjóri Sorptækni, við hinn nýja sérhannaða
sorpgám um borð ÍVenusi. Mynd/Kristján Maack.
Sjómannablaðið Víkinguh
71