Náttúrufræðingurinn - 1980, Page 68
gengur við Bermúda á 90—1800 m
dýpi. Undan Asóreyjum og Bahama allt
niður á 5500 m dýpi. Skyldar tegundir
finnast í Kyrrahafi og Indlandshafi. Hér
varð trjónuáls fyrst vart í april 1979 í
leiðangri á r.s. Bjarna Sæmundssyni
djúpt undan SV-landi (62°43’N —
24°24’V).
Lífshættir: Miðsvæðis- og djúpfiskur
á 90—5800 m dýpi. Fæða er einkum
rækja, ljósáta, litlir djúpfiskar t.d. lax-
síldir, fisklirfur o.fl.
Fjölbroddabakur
Polyacanthonotus (Polyacanthonotus)
rissoanus (de Filippi & Vérany,
1859)
Fjölbroddabakur er frekar lítill fiskur
— sá stærsti sem veiðst hefur var 41 sm.
Hann er langvaxinn og mjög þunnvax-
inn mesta hæð er við upphaf raufarugga
og smámjókkar fiskurinn þaðan til
beggja enda og endar sporðurinn í oddi.
Höfuð er allstórt, frammjótt og boga-
dregið að ofan en slétt að neðan.
Munnur er neðan á höfðinu og mjög
lítill og ná skoltar ekki að augum. Á
skoltum og gómbeinum er röð af ör-
smáum tönnum. Augu eru stór. Mest
áberandi er bakugginn sem er 27 — 34
stakir broddgeislar með engri himnu á
milli. Fyrstu geislarnir eru á milli
tálknaloks og eyrugga. Fyrstu 5 bak-
uggageislarnir eru styttri en hinir sem á
eftir fara en þeir eru um hálft þvermál
augna á lengd. Bilið á milli geislanna er
jafnlangt. Bakuggageislarnir ná vel
aftur fyrir miðjan fisk. Raufaruggi er
langur, nær frá rauf og aftur á stirtlu-
enda en sporðblaðka er engin. Raufar-
uggageislarnir eru þéttstæðir brodd-
geislar að framan samtengdir himnu og
liðgeislar aftast. Kviðuggar eru rétt
framan við raufina og í meðallagi stórir
og eyruggarnir eru hliðstæðir, frekar
langir og liggja vel aftan við tálknalok.
Hreistur er smátt og nær fram á höfuð
og um allan kropp. Rák er greinileg frá
tálknaopi og aftur fyrir broddgeisla
raufarugga.
Litur er gráblár að ofan en dökkblár
að neðan. Mjög dökkblár í kringum
munninn og á tálknalokum.
Heimkynni: Fjölbroddabakur hefur
fundist í vestanverðu Miðjarðarhafi,
NA-Atlantshafi við Asóreyjar, SV-lr-
land og hér við SV-ísland. I
NV-Atlantshafi í Davíðssundi við V-
Grænland, við Nýfundnaland og viðar.
Hér fannst fjölbroddabakur fyrst í
leiðangri Hafrannsóknastofnunarinnar
á r.s. Bjarna Sæmundssyni í apríl 1980
djúpt undan SV-landi (62°26’N
25°06’W). Var hann 176 mm langur.
Lífshættir: Fjölbroddabakur er djúp-
fiskur og botnfiskur sem fundist hefur á
420—2000 m dýpi. Um hrygningu er
ekkert vitað en fæða samstendur mest af
smákrabbadýrum, sæfíflum og bursta-
ormum.
Fjölbroddabakur Polyacanthonotus (Polyacanthonotus) rissoanus (de Filippi & Vérany, 1859) (úr
Goode & Bean, 1895).
62