Fálkinn - 30.01.1963, Blaðsíða 20
VERKEFNIÐ virðist geta orðið
skemmtilegt: Að fara í heimsókn í stutt-
bylgjustöðina í Gufunesi, „Gufunes ra-
díó“, og kynnast þar mönnum og verk-
færum. Og sú varð líka raunin. Þetta var
skemmtileg og lærdómsrík heimsókn.
Fyrir þá sem ekki vita nákvæmlega
hvar þessi stofnun er staðsett skal bent
á eftirfarandi: Bíðið þar til dimmir í
kvöld og ljósin í borginni hafa verið
kveikt. Farið þá á þann stað sem þið
sjáið til Gufuness og fer þá ekki hjá því
að þið sjáið mikið ljóshaf. Það er Áburð-
arverksmiðjan. En í holtinu þar uppaf
sjáið þið ljós eitt sér — nokkurs konar
Ijósrönd—. Það er Gufunes radíó sem
þarna hefur aðsetur sitt í einlyftu stein-
húsi.
VIÐ lögðum upp síðla kvölds og fyrir
þá sem hafa áhuga á, má geta þess að
veður var gott, en nokkuð þungbúið.
Vegurinn var blautur og holóttur eftir
því. Eftir nokkrar skynsamlegar athuga-
semdir um vegagerð og vegamál á fs-
landi komum við að hliðarvegi. Þar
hafði verið fest upp spjaldi með þessari
Myndirnar tvær t. h. eru af Bjarna
Gíslasyni, stöðvarstjóra, en hinar svip-
myndir af starfsfólki og tækjum.
áletrun: Óviðkomandi stranglega bann-
aður aðgangur. Við ókum þennan veg
og komum brátt að hliði og þar hafði
verið sett upp sams konar aðvörun eða
tilkynning, héldum ferðinni áfram og
komum brátt að uppljómuðu húsi, þar
lögðum við bílnum og stigum út.
Það vakti strax athygli okkar hvað
allt var þarna snyrtilegt. Malbikað
svæði fyrir framan húsið og þar gert ráð
fyrir hringakstri, grasbalar og stallar,
snoturleg girðing og hellulagðir gang-
stígar. Og eftir að hafa gengið um húsið
vissum við að sama snyrtimennskan er
þar ráðandi líka. Það væri óskandi að
fleiri fyrirtæki og stofnanir hugsuðu
um að hafa hreinlegt í kringum sig.
Þeir sem við hittum þarna fyrst að
máli vísuðu okkur til stöðvarstjórans.
Hann heitir Bjarni Gíslason og býr í
hliðarálmu áfastri sjálfu húsinu. Hann
tók okkur vel og fór með okkur til skrif-
stofu sinnar.
— Ykkur langar til að sjá þetta, hjá
okkur, sagði hann og brosti. — Það er
ykkur líka velkomið, en það verður dá-
lítið erfitt að útskýra þetta fyrir ykkur
á einum eða tveim klukkutímum. Svo
komið þið líka á dálítið óheppilegum
tíma því hér standa yfir breytingar og
vegna þeirra er dálítið ruslaralegt hjá
okkur núna.. Það á að flytja starfsemi
Loftskeytastöðvarinnar á Melunum
hingað uppeftir.
— Hér er unnið allan ársins hring?
— Já, hér er unnið allt árið á vökt-
um. Aðalstarfið er öryggisþjónusta
vegna flugsins yfir Norður-Atlantshaf.
Þá er hér þjónusta við skipin á stutt-
bylgjum, en þegar Melastöðin hefur
verið flutt, verður hér öll þjónustan
við þau. Þá er hér talstöðvarsambandið
við bílana og fleira. Hér vinna í allt
um sextíu manns. Skeytafjöldi á dag
vegna flugsins er um 2500.
k
FALKINN