Fálkinn - 30.01.1963, Blaðsíða 26

SH4
Áíldanéttif
Síld er ein næringarríkasta fæðuteg-
undin, sem við eigum völ á.
Síld er auðug af A- og d-fjörefni, sem
er lífsnauðsynlegt fjörefni fyrir okkur
öll, en þó einkum og sér í lagi börn og
unglinga. A-fjörefni eykur viðnám okk-
ar gegn sjúkdómum og bæitr sjónina.
D-fjörefni er nauðsynlegt fyrir beina-
myndun og tennurnar.
Síld er jafnauðug af eggjahvítu sem
kjöt.
Síld inniheldur kalk, fosfór, járn, joð
og lecitin (nauðsynlegt fyrir taugavefi).
Síld eigum við að borða allan ársins
hring.
Síld er hægt að bera fram heita eða
kalda, sem aðalrétt eða álegg.
Ný síld
á að vera gljáandi og stinn. Af henni
á að vera fersk fisklykt og rauð tálkn.
Síldina þarf að hreinsa strax, þegar
komið er með hana heim og matbúa
samdægurs.
Síldin hreinsuð.
Hreistrið síldina undir rennandi köldu
vatni. Skerið hausinn af, klippið á að
gotrauf kviðinn og hreinsið innyflin út.
Skafið svörtu himnurnar af þunnild
unum, skolið og burstið síldina vel að
innan.
Nú þarf að taka beinin úr síldinni,
en það eru einmitt beinin, sem svo
mörgum er illa við, þegar síld er borin
á borð. Ristið kviðmegin niður að sporði
á síldinni, leggið hana síðan á bretti,
snúið hryggnum upp, og berjið léttilega
á hana með flötum hnífi. Grípið nú með
þumalfingri og vísifingri um hrygginn
við hnakkann og rennið þeim niðureftir
hryggnum. Tínið öll smábein, sem eftir
kunna að vera, burt með litlum hníf.
Ef síldin er soðin er hún vafin upp frá
sporði og fest með trépinnum.
Soðin síld.
1 kg. síld.
1 1. vatn.
2 lárberjalauf.
Piparkorn.
1 msk. salt.
Síldin hreinsuð og útbeinuð ef vill
og þá vafin upp frá sporði. Raðað þétt
í pott, vatninu hellt köldu yfir síldina,
kryddið sett út í pottinn. Hitið hægt að
suðu. Þegar sýður er slökkt undir pott-
inum og látið bíða með hlemm í 8—10
mínútur.
Síldin borin fram með soðnum kart-
öflum og góðri sósu t. d. sítrónu-, kap-
ers-, steinselju- eða karry-sósu.
Síldarvefjur í sósu.
1 kg. síld.
2 tsk. salt.
3 msk. söxuð steinselja.
2 msk. smjörlíki.
3 msk. hveiti.
3 dl. mjólk.
(% msk. sítrónusafi).
Síldin hreinsuð og beinin tekin úr.
Salti stráð á flökin og þau vafin saman
utan um steinselju ef til er. Venjuleg
Framh. á bls. 32.
26
FALKINN