Fálkinn - 30.01.1963, Blaðsíða 34
PANDA DG SAFNARINN MIKLI
Panda var ekki lengi að leysa félaga sinn. „Komdu,"
sagði safnvörðurinn, „við skulum taka í lurginn á
þessum þjófum.“ „En safnararnir vita ekki að þeir
eru að taka hluti úr safni,“ muldraði Panda í móinn.
„Goggi sagði þeim að þetta væri sitt hús. Þeir eru
saklausir.“ „Að minnsta kosti ætla ég að vara herra
Stálhjarta við,“ sagði safnvörðurinn. „Allt í lagi,"
anzaði Panda, „blandaðu bara lögreglunni ekki í
málið. En segðu mér eitt hvers konar maður er herra
Stálhjarta.“ „Herra Stálhjarta er mjög mikill veiði-
maður og ákaflega bráðlyndur.“
Þegar þeir komu heim til herra Stálhjarta var hann
farinn að heiman. „Viljið þið kannski að ég skili
einhverju til hans,“ spurði þjónninn. „Segðu honum
að koma strax til safnsins síns og koma með vopnin
sín með sér,“ anzaði safnvörðurinn. „Það er þjófa-
flokkur að ræna það.“ „Þeir eru ekki þjófar," greip
Panda inn í, „þeir eru safnarar.“ „Þögn“, hrópaði
safnvörðurinn, „láttu okkur fást við þetta.“ En Panda
var alls ekki sama. Hann óttaðist að herra Stálhjarta
mundi ekki ráða við bráðlyndi sitt og hringja þegar
í stað á lögregluna. Það fór lika svo. „En þeir eru
ekki þjófar,“ hrópaði Panda í örvæntingu. „Þeir
eru ..„Þögn,“ hrópaði lögreglumaður nokkur. „Við
skulum láta lögin fjalla um þetta.“
Goggi og safnararnir voru enn önnum kafnir við að
safna, þegar flokkur lögreglumanna þusti inn. „Safn-
ræningjar“, æpti foringi þeirra. „Þið eruð hér með
handteknir.“ En Eggert safnari lét þessa óvæntu
truflun ekki á sig fá. Hann gekk til foringjans og
sagði. „Þetta eru fallegar skammbyssur, sem þér
hafið þarna,“ sagði hann hrifinn. „Það er einmitt
það, sem vantar í safnið mitt.“ Með snörum hand-
tökum kippti hann skammbyssunum úr beltinu og
hinn forviða lögregluforingi fann í staðinn tvo seðla-
bunka.
34 f’Xlkinn