Kirkjuritið - 01.11.1958, Síða 4

386
KIRKJURITIÐ
Kirkjuþingið verði haldið í Reykjavík 3. hvert ár, skipað 24
mönnum, biskupi, einum lögfræðingi tilnefndum af ráðherra
Islands, einum guðfræðingi tilnefndum af biskupi, og 21 full-
trúa, kosnum úr prófastsdæmunum. Það skal standa yfir í
8 daga og verkefni þess sé að „vinna að uppbyggingu hinnar
íslenzku þjóðkirkju á grundvelli kristilegrar trúar og evan-
gelisk-lúterskrar játningar, með því að íhuga og gera álykt-
anir um þau mál, bæði ytri og innri, sem varða þjóðkirkj-
una í heild sinni og einstaka söfnuði hennar“. „Kirkjuþingið
skal hafa:
1. Ráðgjafaratkvæði og tillögurétt um öll kirkjuleg löggjaf-
armál, þ. e. þau mál, sem liggja undir verksvið löggjaf-
arvaldsins.
2. Samþykktaratkvæði um öll innri kirkjuleg mál, er hafa
almenna þýðingu, svo og þau mál, sem hið almenna lög-
gjafarvald fær kirkjuþinginu til meðferðar.
3. Ráðstöfunarvald yfir fé þvi, sem lagt kann að verða til
kirkjulegra þarfa eftir þeim nánari ákvörðunum, sem
fjárveitingarvaldið kann að setja.“
Þetta merka frumvarp var þó ekki borið fram á Alþingi,
og olli það mikilli óánægju og sárum vonbrigðum. Lét einn
nefndarmanna svo um mælt, að „tjónið hefði verið minna,
þótt öll hin frumvörpin hefðu verið söltuð en þetta eitt næði
fram að ganga, þar sem hér er að ræða um eitt af frumskil-
yrðunum fyrir því, að þjóðkirkjan geti náð ákvörðun sinni
sem þjóðkirkja. Á hinu öllu er þörf, en á þessu var nauðsyn.“
Síðan líða mörg ár — áratugir svo, að kirkjuþingsmálinu
er ekki hreyft, en hugur vakir þó á því með ýmsum beztu
mönnum kirkjunnar. Þykir mér líklegt, að hann hafi glæðzt
við hina almennu kirkjufundi, sem hófust 1934 að frum-
kvæði Gísla Sveinssonar sýslumanns.
Loks var hafin sókn á aðalfundi Prestafélags Islands 1938.
Þar flutti Magnús Jónsson prófessor erindi um sjálfstæði
kirkjunnar og lagði höfuðáherzlu á, að hún fengi sitt kirkju-
þing. Nefnd var kosin í málinu og samdi hún frumvarp til
laga um kirkjuþing, sem borið var fram á aðalfundi næsta