Kirkjuritið - 01.11.1958, Blaðsíða 11
Kirkjuþingið
sat dagana 18.—31. október, eða í hálfan mánuð, eins og það
má lengst. Storfuðu þar allir aðalfulltrúar þess og áttu sæti
á því 17 þingmenn, sem hér segir: Ásmundur Guðmundsson
biskup, séra Friðrik A. Friðriksson, Gísli Sveinsson, Hermann
Jónasson kirkjumálaráðherra, séra Jón Auðuns, Jón Jónsson,
séra Jón Ólafsson, Jónas Tómasson, séra Magnús Már Lár-
usson, Sigurður Gunnarsson, séra Sigurður Pálsson, Stein-
grímur Benediktsson, séra Þorgeir Jónsson, Þorgrímur V.
Sigurðsson, séra Þorsteinn B. Gíslason, Þórarinn Þórarinsson
og Þórður Tómasson.
Mynd sú, er hér fylgir, er af þeim og konum þeirra og
fáeinum öðrum, tekin á heimili biskups.
Kirkjuþingið kaus kirkjuráð, og skipa það nú þessir aðal-
menn auk biskups, sem er sjálfkjörinn forseti þess:
Gísli Sveinsson fv. sendiherra, varaforseti.
Séra Jón Þorvarðsson.
Séra Þorgrímur Sigurðsson.
Þórarinn Þórarinsson skólastjóri.
ICirkjuþingið tók fyrir ýms mál, og hlutu flest þeirra fulln-
aðarafgreiðslu. Nánari skýrsla verður að bíða næsta heftis
Kirkjuritsins.