Kirkjuritið - 01.11.1958, Blaðsíða 32
Frá Kirkjufundinum,
Á Hinum almenna kirkjufundi, sem haldinn var dagana 11.—13. októ-
ber, voru þessar ályktanir gerðar:
1. Hinn almenni kirkjufundur 1958 telur æskilegt, að hið fyrsta verði
stofnaður almennur kirkjulegur lýðskóli í Skálholti, með líku sniði
og víða er á Norðurlöndum. Auk hins almenna lýðskóla verði þar
haldin námskeið, þar sem prestar, söngstjórar og organleikarar, æsku-
lýðsleiðtogar og aðrir starfsmenn kirkjunnar fái leiðbeiningar og
þjálfun til undirbúnings félagslegu starfi á vegum kirkjunnar. Enn-
fremur fari þar fram almenn námskeið og sumarbúðastarf eftir þvi
sem auðið reynist.
2. Hinn almenni kirkjufundur 1958 telur æskilegt, að fulltrúum úr
hópi leikmanna verði bætt við í æskulýðsnefnd þjóðkirkjunnar. Einn-
ig, að sérstakur fulltrúi verði ráðinn til að samræma og liafa um-
sjón með æskulýðsstarfi kirkjunnar.
3. Fundurinn ítrekar tilmæli, sem áður hefir verið beint til presta og
safnaðarnefnda í landinu, um að einn messudagur ársins, t. d. pálma-
sunnudagur, verði sérstaklega helgaður kristniboðsmálinu, og verði
þá tekið við gjöfurn þvi til stuðnings. Sé biskupi falin meðferð málsins.
4. Fundurinn felur formanni undirbúnings- og stjórnarnefndar að koma
á framfæri við gjaldeyrisyfirvöldin eindreginni ósk um, að Samband
íslenzkra kristniboðsfélaga fái hindrunarlaust að yfirfæra í gjaldeyri
þær gjafir, sem berast til kristniboðsstöðvarinnar í Konsó.
5. Kirkjufundurinn heitir á allan landslýð að gera allt, sem fært er, til
þess að standa gegn illu valdi áfengisins, sem nú herjar geigvæn-
lega meðal æsku landsins.
6. Kirkjufundurinn felur stjórnamefndinni að ákvarða á sínum tima,
hvenær næsti almennur kirkjufundur skuli haldinn, annaðhvort 1959
eða 1961, er Kirkjuþing kemur ekki saman.
Kosið var á kirkjufundinum í stjórnarnefnd að hluta, og skipa hana
nú eftirgreindir menn. Aðalstjómarnefnd: Gísli Sveinsson fyrrv. sendi-