Kirkjuritið - 01.11.1958, Blaðsíða 46
428
KIRKJURITIÐ
IlrœAralag, kristilegt félag stúdenta, gefur ekki út Jólakveðju að
þessu sinni, en undirbýr útgáfu jólabókar næsta ár.
I’resl svígsla. Sunnudaginn 19. október vigði biskup prestsvígslu Jón
Bjarman guðfræðikandídat til Lundarsafnaðar í Manitoba, en söfnuður-
inn þar hafði nokkru áður sént honum köllunarbréf. Fáum dögurn siðar
fluttist séra Jón vestur með fjölskyldu sína.
Islonzk (únlisl orlendis. Gunnar Thyrestam organisti og tónskáld
lék íslenzka tónlist í Kirkju Heilagrar Þrenningar i Gávle, Sviþjóð, hinn
19. sept. s. 1. Eftirtalin verk voru flutt: Halldór Jónsson: Orgellag. Skarp-
héðinn Þorkelsson: Andante. Hallgrimur Helgason: Nr. 21 og 24 úr Far-
sælda frón — Organum II. Steingrímur Sigfússon: Partita (um ísl. sálma-
lag úr Grallaranum), Prelúdia í e-moll, og Pastorale. — Gunnar Thyre-
stam er mikill íslandsvinur. Hann er formaður sænska tónskáldafélagsins
og hefir þrisvar sinnum fengið verðlaun frá sænska rikinu fyrir tón-
smíðar sinar.
S<‘x(u|isafma‘li átti séra Sigurður
Einarsson í Holti 9. f. m. Fáum dögum
síðar fór fram í Reykjavík bókmennta-
kynning á verkum hans.
Nírædisafinicli. Frú Álfheiður Briem, dóttir Helga lektors Hálf-
danarsonar og ekkja Páls Briems amtmanns, átti níræðisafmæli ll.nóv-
ember. Hún heldur vel andlegri atgervi sinni, sem er frábær. Ung ritaði
hún undir prentun sálma föður síns. Engin kona á Islandi er nátengd-
ari Prestaskólanum en hún. Jón biskup, bróðir hennar, var lektor Presta-
skólans, eins og faðir þeirra, og mágar hennar tveir, þeir séra Eiríkur
Briem og séra Sigurður P. Sívertsen prófessor. Kirkjuritið óskar þessari
öldruðu ágætiskonu allrar blessunar.