Kirkjuritið - 01.01.1961, Blaðsíða 54

48
KIRKJURITIÐ
Finnur TuUnius, hinn einlægi Islands-vinur, hefur skrifað langa
ritfregn um hirðisbréf biskups í Præsteforeningens blad.
Dýrt er Drottins orðið. Eitt blað úr Gutenbergsbiblíunni frá 1450
—1455 var nýlega selt á uppboði í Englandi fyrir 180 sterlingspund
(17—18 þúsund krónur).
1 Varsjá er búð, sem stofnuð var 1806 og selur eingöngu biblíur
enn þann dag í dag. Kvað hafa selt 800.000 eintök síðustu 4 árin á
mörgum málum.
Tómasarkirkjan i Indlandi hefur hafið trúboð í Iran og Irak. Hún
telur sig dótturkirkju nestoríönsku kirkjunnar í Irak og sendi þang-
að biskupa sína til vigslu fram um 1000 e. Kr. En kristnir menn hafa
sætt ofsóknum og þrengingum i Irak upp á síðkastið og þvi hjálpar-
þurfi.
Dr. Carl E. Lund-Quist, aðalframkvæmdastjóri lúterska heimssam-
bandsins hefur fengið lausn sakir heilsubrests. Dr. Kurt Schmidt-
Clausen tekur við starfinu til bráðabirgða.
Látinn er Torsten Ysander, fyrrv. biskup í Linköping í Svíþjóð.
Hafði verið virtur lærdómsmaður og rithöfundur. Formaður sænska
prestafélagsins á sínum tíma. Einn þeirra þriggja sænsku biskupa,
sem voru tengdasynir Söderbloms erkibiskups.
Alkirkjuráðið oð Lúterska heimssambandið veita marga náms-
styrki árlega — einkum guðfræðikandídötum og ungum prestum.
Dr. G. F. Fisher erkibiskup í Kantaraborg fór í hálfsmánaðar ferða-
lag nýlega til Palestínu, Miklagarðs og Rómar. Var að leitast við að
stofna til meiri kynningar og einingar milli aglíkönsku kirkjunnar
og hinna aðalkirkjudeildanna. Virðist hafa verið hvarvetna vel tekið.
Hann hefur nú sagt af sér frá 1. maí n. k. að telja.
r
\
KIIIKJUBITII)
Tímarit gefið út af Prestafélagi Islands, kemur út 10 sinnum á ári.
Ritstjóri: Gunnar Árnason.
Árgangurinn kostar 70 krónur.
Afgreiðslu annast Ingólfur Þorvaldsson.
Sími 36894.
V
J
Prentsmiðjan Leiftur