Morgunblaðið - 06.12.2008, Blaðsíða 20

20 FréttirALÞINGI
MORGUNBLAÐIÐ LAUGARDAGUR 6. DESEMBER 2008
Klapparstíg 44, sími 562 3614
Ómissandi með jólamatnum
Piparrótarsósa
Góð með Roast Beef og reyktum laxi
Cranberry sósa
góð með Kalkún, Villibráð og Paté
Myntuhlaup
Gott með lambakjöti
Jarðaberjasulta
Góð í jólabaksturinn
Enskt Seville marmelaði
Fyrir jólamorgunmatinn
Sítrónu-Lime marmelaði
Gott á ristað brauð og kex
Mincemeat tarts
Walkers jólakaka
Árið 1981 fæddist ég. Ári síð-ar varð Davíð nokkurOddsson borgarstjóri íReykjavík. Ég bjó að vísu
ekki í Reykjavík en var samt varla
búin að læra nöfn foreldra minna
þegar ég lærði nafn Davíðs. Hann
var í fréttunum. Klippti á borða, hélt
áhrifamiklar ræður, æsti fólk, róaði
fólk. Hann var vinsæll og óvinsæll.
Fólk elskaði að hata hann og hataði
að elska hann. Davíð var í áramóta-
skaupinu – aftur og aftur og aftur.
Og við börnin þekktum ekki endi-
lega muninn á honum og Erni Árna-
syni.
Þegar ég útvíkkaði skilning minn
á deilingu með tveggja stafa tölum
varð Davíð Oddsson forsætisráð-
herra. Þegar ég var í samræmdu
prófunum var hann forsætisráð-
herra og þegar ég útskrifaðist úr
menntaskóla var hann forsætisráð-
herra. Svo lauk ég kennaranámi og
enn var Davíð forsætisráðherra.
Mín kynslóð þekkir ekkert annað
en að Davíð Oddsson sé þunga-
miðjan í allri stjórnmálaumræðu
landsins.
Davíð, Davíð, Davíð
Ég byrjaði að vinna á Morg-
unblaðinu eftir kennaranámið og
ekki svo löngu síðar gerðist Davíð
seðlabankastjóri. Hann var því hætt-
ur í stjórnmálum, að nafninu til
a.m.k., þegar ég varð þingfréttarit-
ari. Einhvern veginn hefur Davíð
samt alltaf verið nálægur í þinginu.
Aðrir stjórnmálaleiðtogar eru bornir
saman við hann og sumir reyna að
herma eftir honum, við litla hrifn-
ingu fjölmiðlafólks, sem var lang-
þreytt á mislyndi gamla landsföð-
urins.
Í fyrradag voru þrjár fyrstu frétt-
ir sjónvarpsins um Davíð Oddsson.
Davíð sagði þetta, Davíð vill þetta,
Davíð lét svona.
Davíð, Davíð, Davíð.
Og okkur blaðamönnunum sárnar
að hann hafi talað við fjónskt héraðs-
blað frekar en okkur, sem vikum,
mánuðum, árum og áratugum saman
höfum reynt að fá Davíð til að tala.
Þó að Davíð segi að orð hans hafi
verið tekin úr samhengi er alveg
ljóst að hann ætlar sér ekki að setj-
ast í helgan stein. Þess vegna hljóm-
ar það eins og hótun í eyrum
margra, í samblandi við undarlegt
píslarvætti, að hann ætli að demba
sér í stjórnmálin ef hann verður
hrakinn úr stóli seðlabankastjóra.
Fyrir vikið varð varla það hvers-
dagslega samtal í þinghúsinu í vik-
unni að Davíð væri ekki nefndur á
nafn. Nefndarmenn viðskipta-
nefndar voru hálfsjokkeraðir eftir
fund með seðlabankastjóranum að
morgni fimmtudags þar sem hann er
sagður hafa kastað hnífum í allar
áttir. En upplýsingarnar sem kallað
var eftir komu að sjálfsögðu ekki
fram.
Mörgum þykir Davíð leggja
lykkju á leið sína til að koma höggi á
formenn beggja stjórnarflokkanna.
Hann þrengir að eftirmanni sínum,
Geir H. Haarde, sem er nú milli
tveggja elda.
Fundað fram á Þorlák?
Þó að Davíð sé ræddur í kaffipás-
um fer lítið fyrir nærveru hans í
þingsal. Þar voru m.a. afgreiddar
þingsályktunartillögur í vikunni þar
sem ríkisstjórninni er veitt umboð til
að leiða Icesave-deiluna og sam-
komulag við Alþjóðagjaldeyrissjóð-
inn til lykta.
Mesta þingstarfið fer þó fram á
vettvangi nefnda þessa dagana og þá
helst fjárlaganefndar. Afgreiðsla
fjárlagafrumvarpsins mun hafa úr-
slitaáhrif á hvenær þingmenn kom-
ast í jólafrí. Þorláksmessufundur,
segja sumir en upphaflega stóð til að
þingið fundaði aðeins út næstu viku.
Enginn hefur trú á því. En vonandi
verða fjárlög samþykkt fyrir jól.
Davíð Oddsson ná-
lægur í fjarveru sinni
ÞINGBRÉF
Halla Gunnarsdóttir
MIKIÐ mæddi á Bjarna Benediktssyni, formanni utanríkismálanefndar, á
Alþingi í gær þegar þingsályktunartillögur um Alþjóðagjaldeyrissjóðinn
og Icesave voru ræddar. Hann gaf sér þó tíma til að spjalla við Framsókn-
armanninn Magnús Stefánsson. Magnús var alls ekki sáttur við niðurstöðu
meirihluta nefndarinnar en líklega var það ekki sú afstaða sem fékk
Bjarna til að brosa. halla@mbl.is
Morgunblaðið/Kristinn
Eitt glaðlegt bros
til andstæðingsins
Mega leigja húsið sitt
af Íbúðalánasjóði
Tvenn ný lög voru samþykkt á Alþingi
í gær, annars vegar um að úrskurð-
arnefnd á sviði siglingamála verði
lögð niður og hins vegar um húsnæð-
ismál. Samkvæmt þeim síðarnefndu
má lengja lánstíma skuldbreytingar-
lána, sem Íbúðalánasjóður má veita
fólki í greiðsluerfiðleikum, úr 15 ár-
um í 30. Þá mun fólk sem missir
húsnæði sitt vegna vangoldinna
skulda geta átt þess kost að leigja
það áfram af Íbúðalánasjóði.
„Nei“
„Nei,“ er stutt og
laggott svar sem
Siv Friðleifs-
dóttir, Framsókn,
hefur fengið við
skriflegri fyr-
irspurn sinni til
Árna M. Mathie-
sen, fjár-
málaráðherra, um
hvort honum hafi
verið kunnugt um að fyrir bankahrun-
ið hefði breska fjármálaeftirlitið ver-
ið tilbúið til að færa reikninga Ice-
save í breska lögsögu gegn 200
milljóna punda fyrirgreiðslu. Siv
spurði einnig út í til hvers var vísað í
samtali Árna og fjármálaráðherra
Breta þar sem sá síðarnefndi talaði
um loforð Landsbankans um 200
milljóna punda í reiðufé. Segist Árni í
svarinu hafa talið að þar væri vísað
til fyrirgreiðslu sem Landsbankinn
hefði farið fram á frá Seðlabanka Ís-
lands en ekki fengið.
Siv Friðleifsdóttir
Eftir Höllu Gunnarsdóttur
halla@mbl.is
ALÞINGI samþykkti í gær tvær
þingsályktunartillögur sem veita
ríkisstjórninni umboð til að leiða til
lykta annars vegar samkomulag við
Alþjóðagjaldeyrissjóðinn og hins
vegar Icesave-deiluna.
Fyrri tillagan var samþykkt með
32 atkvæðum en 6 þingmenn Vinstri
grænna greiddu atkvæði á móti.
Seinni tillagan var samþykkt með 29
atkvæðum en 7 þingmenn sögðu nei,
6 þingmenn Vinstri grænna og Pétur
H. Blöndal, þingmaður Sjálfstæðis-
flokks og formaður efnahags- og við-
skiptanefndar. Hann greiddi at-
kvæði gegn tillögunni um
Icesave-deiluna á þeirri forsendu að
hún væri of opin.
Vilja ítarlega efnahagsáætlun
Utanríkismálanefnd hafði bæði
málin til umfjöllunar og meirihlutinn
lagði ekki til neinar breytingar á til-
lögunum. Bjarni Benediktsson, for-
maður nefndarinnar, sagði að með
Icesave-tillögunni væri ríkisstjórn-
inni gefinn pólitískur stuðningur við
stefnumörkun í yfirstandandi samn-
ingum og að miklir hagsmunir væru í
húfi.
Meirihlutinn taldi einnig mikil-
vægt að gengið væri til samninga við
Alþjóðagjaldeyrissjóðinn en lagði
áherslu á að ríkisstjórnin og Seðla-
bankinn settu fram ítarlega áætlun
um fyrirkomulag efnahagsstjórnar
næstu mánuði. Stjórnarandstöðu-
þingmenn gerðu hins vegar mikla
fyrirvara við báðar tillögurnar.
Flokkarnir þrír lögðu hver fram sitt
álit í utanríkismálanefnd en voru all-
ir sammála um að of lítið samráð
hefði verið haft við Alþingi. Sam-
þykkis þess væri leitað eftir á og
þingsályktunartillögurnar því aðeins
settar fram til málamynda.
Að sama skapi þótti þingmönnum
stjórnarandstöðunnar sem aðrir
möguleikar út úr þrengingunum
hefðu ekki verið reyndir. Ísland
hefði gengist of auðveldlega inn á
skilmála Alþjóðagjaldeyrissjóðsins
og samið sig út í horn í Icesave-deil-
unni. Framsóknarmenn lögðu
áherslu á að ríkisstjórnin bæri fulla
ábyrgð á þessum málum. Heildarsýn
skorti sárlega og Alþingi væri því í
þeirri stöðu að eiga mjög erfitt með
að átta sig á efnisþáttum og afleið-
ingum samkomulagsins við Alþjóða-
gjaldeyrissjóðinn.
Tvær tillögur um frávísun
Vinstri græn gagnrýndu vinnu-
brögð stjórnvalda harðlega og lagði
Steingrímur J. Sigfússon til að Al-
þjóðagjaldeyrissjóðs-tillögunni yrði
vísað aftur til ríkisstjórnarinnar.
Lagði Steingrímur jafnframt til að
Icesave-tillögunni yrði vísað frá með
svonefndri rökstuddri dagskrá en að
yrði það ekki samþykkt ætti ekki að
ganga til viðræðna fyrr en Bretar
hefðu aflétt hryðjuverkalögum á ís-
lensk fyrirtæki.
Jón Magnússon, þingmaður
Frjálslyndra, lagði fram sambæri-
lega tillögu og óskaði eftir því að Al-
þingi myndi ekkert aðhafast í Ice-
save-málinu fyrr en Bretar hefðu
samþykkt að bæta skaðann sem beit-
ing hryðjuverkalaga hafði í för með
sér.
Vildi hann að þær bætur yrðu
nýttar til að greiða ábyrgðir af Ice-
save-reikningnum.
Með umboð Alþingis
Tvær þingsályktunartillögur voru samþykktar í gær um lán
frá Alþjóðagjaldeyrissjóðnum og um Icesave-deiluna
Össur Skarphéðinsson, iðn-
aðarráðherra, sagði á þingi í
gær að væri Davíð Oddsson
undirmaður sinn myndu upp-
lýsingar hans um hvað varð til
þess að Bretar beittu Ísland
hryðjuverkalögum liggja fyrir.
„Ég tel m.a. að það sé aum-
ingjaskapur íslenskra fjölmiðla
sem gerir það að verkum að
hann getur setið inni með þess-
ar upplýsingar,“ sagði Össur og
kallaði tal Davíðs gáleysislegt.
Gáleysislegt tal
ÞETTA HELST …