Morgunblaðið - 06.12.2008, Blaðsíða 56
56 MenningFRÉTTIR
MORGUNBLAÐIÐ LAUGARDAGUR 6. DESEMBER 2008
GALLERÍIÐ Luhring Augustine í
New York hefur sent frá sér til-
kynningu um að Ragnar Kjart-
ansson sé orðinn einn af listamönn-
um gallerísins. Á snærum þess eru
nú um tuttugu listamenn, þar á
meðal Rachel Whiteread, Pipilotti
Rist, Joel Sternfeld og Josh Smith.
Ragnar er sagður hafa skapað
einstök verk þar sem hann blandi á
sérlega kraftmikinn hátt saman há-
stemmdri list, dægurmenningu,
leiklist og tónlist. Í verkum Ragn-
ars birtast andstæðar kenndir: dep-
urð og hamingja, hryllingur og feg-
urð, drama og húmor.
Í sumar var sett upp samsýning
íslenskra listamanna, undir stjórn
Markúsar Þórs Andréssonar, í Gall-
ery Luhring Augustine. Ragnar átti
verk á þeirri sýningu.
Ragnar til
Luhring
Augustine
Ragnar Í innsetningunni Guð.
HARMONIKUFÉLAGIÐ
Hljómur heldur tónleika á
morgun kl. 16 í Ráðhúsinu. Á
efnisskrá tónleikana eru létt
lög úr ýmsum áttum, flest út-
sett af Karli Jónatanssyni.
Hljómsveitin Hljómur spilar
nokkur lög undir stjórn Sig-
urðar Alfonssonar, hljóm-
sveitin samanstendur af minni
hópum sem heita: Eldborgin,
Fönix, Smárinn og Dragspils-
drottningar og hver þeirra mun spila nokkur lög.
Góðkunnir einleikarar stíga á svið, þar á meðal
Karl Jónatansson. Guðmundur Steingrímsson
spilar með á trommur og Carl D. Tulinius á gítar.
Tónlist
Harmonikan
dunar í Ráðhúsinu
Karl
Jónatansson
GRAFÍSKI hönnuðurinn Jeff-
rey Nebolini heldur hádeg-
isfyrirlestur í Opna listaháskól-
anum á þriðjudag kl. 12 í
Skipholti 1, stofu 113.
Jeffrey Nebolini er listrænn
stjórnandi/hönnuður með ræt-
ur í pönkrokki, hjólabretta-
menningu, hjólum, jöklum,
Arts & Crafts-hreyfingunni,
ítölskum „opulence og 50’s“-
módernisma. Jeffrey Nebolini er listrænn stjórn-
andi IDEO-hönnunarstofunnar í San Francisco.
Áður starfaði hann sem aðalhönnuður Burton
Snowboards, jafnframt hefur hann unnið með
fjölda hönnuða.
Hönnun
Jeffrey Nebolini
talar um hönnun
Verk eftir Nebolini
JÓLATÓNLEIKAR Kórs
Neskirkju verða haldnir á
morgun kl. 17 í kirkjunni. Á
efnisskránni eru jólalög og
sálmar eftir Bach, Sigvalda
Kaldalóns, Fauré, Mendels-
sohn o.fl. Einsöngvari á tón-
leikunum er Gissur Páll Giss-
urarsson tenór, organisti með
kórnum er Magnús Ragnarson
og stjórnandi Steingrímur Þór-
hallsson. Fimm hundruð krón-
ur af hverjum seldum miða renna til hjálparstarfa
í Afríku á vegum Hjálparstarfs kirkjunnar til
minningar um nýlátinn kórfélaga, Ásdísi Ein-
arsdóttur, sem bjó um tíma í Afríku.
Tónlist
Jólatónleikar til
styrktar Afríku
Gissur Páll
Gissurarson
Eftir Einar Fal Ingólfsson
efi@mbl.is
„ÞAÐ er eins og runnið hafi á mig
æði í sumar. Þá málaði ég yfir 100
vatnslitamyndir á þremur mán-
uðum.“
Jón Axel Björnsson myndlist-
armaður er í Studio Stafni í Ingólfs-
strætinu og beygir sig yfir kassa sem
eru fullir af innrömmuðum vatns-
litamyndunum sem hann opnar sýn-
ingu á í dag klukkan 16.00. Hann
byrjar að raða myndunum á gólfið.
- Þú hefur ekki sýnt í átta ár en
glímir áfram við fólk í rýminu.
„Ég hef alltaf haft áhuga á því. Inn
í það koma allskyns hugmyndir. Ég
hef eiginlega alltaf verið hrifnastur af
geómetrískri myndlist. Hún hefur þó
aldrei nægt mér í minni framleiðslu.“
Jón Axel hættir augnablik að tína
myndirnar úr kössunum og hugsar
sig um. „Ég vil ekki að myndirnar
séu lesnar eins og ég hugsa þær.
Þetta er þó eiginlega mín analýsa –
naflaskoðun.
Mér hefur alltaf verið fúlasta al-
vara með mínum myndum. Ég trúi á
að tilfinningasemi í listum sé eig-
inlega bjargræði í listum. Þá á ég við
tilfinningasemi í jákvæðum skilningi,
ekki móðursýkislega.
Ég trúi ekki á neitt nýtt, nema það
sem hver sendir frá sér, frá sínu
brjósti. Það er alltaf nýtt. Ég vakna
sjálfur alltaf með nýjar tilfinningar
og get brætt þær inn í þetta form.“
Form flytur hugmyndir
Hann er búinn að tæma einn kassa
af verkum og hinkrar við.
„Ég er orðinn leiður á öllu „nýju“.
Með aldrinum verður manni líka
andskotans sama hvað er í gangi,
miðað við það sem þarf að gera.
Ég hef alltaf verið með þessi geó-
metrísku form á fletinum. Og ég hef
aldrei reynt að komast undan þess-
um dekóratífa þætti. Hinsvegar
hendi ég mynd ef hún gengur ekki
upp inntakslega. Margir samverk-
andi þættir gera mynd einhvers
virði. Skilurðu hvað ég á við?“
Nú er Jón Axel að byrja að króa
sig af með nýju verkunum, sem hann
raðar í kringum sig á gólfið.
„Ég hef alltaf unnið mjög hratt.
Þegar ég er kominn í rétta gírinn fer
eitt að leiða af öðru. Þá er maður far-
inn að renna niður brekkuna á hjól-
inu í stað þess að puða upp.“ Hann
tekur fram mynd og horfir hugsi á
hana; geislar skella á höfði.
- Þú hefur ekki sýnt síðan árið
2000, í Listasafni ASÍ.
„Það er síðasta einkasýningin – ég
var ánægður með hana. Ég var búinn
að plana aðra í Ásmundarsalinn en
hún fórst fyrir. Þegar það gerðist
ákvað ég að hægja á, enda var ég bú-
inn að sýna mikið og ört. En þá kem-
ur eitthvað annað í lífinu og þess
vegna verður þetta bil svona langt.
Ég hef aldrei hætt að vinna en það
hefur verið ómarkvisst síðustu ár.“
Ramminn nauðsynlegur
Nú er farið að grynnka í kössunum
og Jón Axel réttir úr sér.
„Ég er ekki planaður í listinni. Ég
er einn í þessu í rólegheitum, eins og
andinn býður mér í hvert skipti.
Þetta er allt mjög tilfinningalegs eðl-
is. Helst vil ég skokka einn. Eitt það
hryggilegasta sem ég sé – með und-
antekningum að vísu – eru hóp-
skokkarar. En þegar maður finnur
taktinn leiðir eitt verk inn í næsta.“
Nú er síðasta verkið komið á gólf-
ið; grænn geómetrískur bakgrunnur
og höfuð sem virðist týnt.
„Þá er þetta komið! Þá ertu búninn
að sjá sýninguna,“ segir Jón Axel.
„Nú fáum við okkur kaffi.“
Eftir átta ára sýningahlé sýnir Jón Axel Björnsson nýja röð vatnslitamynda
Hefur alltaf verið
fúlasta alvara
Skokkar einn „Ég trúi á að tilfinningasemi í listum sé eiginlega bjargræði í
listum,“ segir Jón Axel þar sem hann situr milli stafla af vatnslitamyndum.
Eftir Bergþóru Jónsdóttur
begga@mbl.is
„VIÐ kynntumst þegar Katie kom
til starfa við Sinfóníuhljómsveitina
fyrir nokkrum árum og spiluðum
fyrst saman í Kristalnum (Kamm-
ertónleikaröð Sinfóníuhljómsveit-
arinnar), við höfum líka spilað á
Gljúfrasteini og stefnum á að fara
um landsbyggðina. Flestir hörpu-
leikarar hafa einhvern tíma spilað
með flautu og flestir flautuleikarar
spilað með hörpu, þetta er hefð-
bundið dúó,“ segir Áshildur Har-
aldsdóttir flautuleikari, en þær Kat-
ie Elizabeth Buckley hörpuleikari
halda tónleika á morgun í 15:15-
tónleikaröðinni í Norræna húsinu,
kl. 15.15. En hvers vegna eiga
flauta og harpa svona vel saman?
Streittist lengi
á móti hörpunni
„Þetta eru sykursæt hljóðfæri og
hafa mikið impressjónískt flæði. Ég
streittist nú lengi á móti því að
spila með hörpu, en svo leyfði ég
sjálfri mér að falla ljúflega í það.
Það er líka til hellingur af tónlist
fyrir flautu og hörpu. En auðvitað
hafa þær eins og öll önnur hljóðfæri
mismunandi tón og karakter eftir
því hvaða verk er verið að spila.“
Fjölbreytileiki hljóðfæranna mun
sannarlega sýna sig á tónleikunum,
því Katie og Áshildur leika verk
sem spanna fjórar aldir og þrjár
heimsálfur. „Við erum til dæmis
með indverskt verk eftir Ravi
Shankar. Það er gjörólíkt Greens-
leeves-tilbrigðunum og rómantísku
verki eftir Donizetti,“ segir Áshild-
ur.
Þær spila þrjú frönsk impress-
jónísk verk eftir Ibert, Renié og
Saint-Saëns, en með impressjón-
ismanum segir Áshildur að hafi haf-
ist göllöld hörpunnar og flautunnar.
Kvöldlokka eftir ameríska tón-
skáldið Perischetti er líka á dag-
skrá auk fyrrnefndra verka, en
Greensleeves-tilbrigðin eru frá 16.
öld.
Katie Buckley og Áshildur Haraldsdóttir spila í 15:15
Þetta eru sykursæt hljóðfæri
Impressjónískt flæði Katie Buckley og Áshildur Haraldsdóttir.
Jón Axel Björnsson hefur frá því
hann kom fram sem þroskaður
málari á 9. áratugnum ávallt
notað miðil sinn á frásagn-
arlegan máta. Jafnframt má
segja að hann hafi miðlað sterk-
ari nærveru sjálfsins en títt er í
íslenskri samtímamyndlist...
Ýmis myndtákn sem kenna má
við myndlykla í stafrófi verka
hans ganga reglulega aftur svo
minnir á reglufestu helgimynda.
Úr texta Auðar A. Ólafsdóttur
í skránni.
Nærvera sjálfsins
Eftir Fighting-Shit
tónleika fór maður
bara heim að sofa, gjör-
samlega búinn á því. 58
»
Í UMFJÖLLUN um tónleika Sin-
fóníuhljómsveitar áhugamanna urðu
þau mistök að rangur tónleikastaður
var gefinn upp. Hið rétta er að tón-
leikarnir verða í Fella- og Hóla-
kirkju klukkan 17.00 á morgun,
sunnudag.
Beðist er velvirðingar á mistök-
unum.
LEIÐRÉTTING
SÝNING á verkum Birgis Snæ-
bjarnar Birgissonar myndlist-
armanns stendur nú yfir á The
Bridge-listakaupstefnunni í Miami,
á vegum Gallery Boreas.
The Bridge-kaupstefnan fer fram
um leið og Art Basel Miami. Þessar
kaupstefnur eru sagðar til samans
draga að fleiri safnara, sýning-
arstjóra og myndlistarunnendur en
aðrar slíkar uppákomur.
Á sýningu Birgis er úrval úr
myndröðum sem hann hefur unnið
að og sýnt hér á liðnum árum.
Birgir Snæ-
björn í Miami
Morgunblaðið/Einar Falur