Litli Bergþór - 01.07.2010, Blaðsíða 6
Oddur Sigurðsson og Helgi glíma
í kringum 18 ára aldurinn og hef ég þjálfað í mörg-
um ólíkum greinum m.a. glímu, frjálsum, fótbolta,
skólahreysti og séð um íþróttaskóla fyrir yngstu
börnin. Þá hef ég þjálfað glímufólk töluvert fyrir
HSK, sérstaklega fyrir Landsmót UMFÍ.
I ágúst 2008 var ég þjálfari landsliðs Islands í
glímu, en þá var fyrsta heimsmeistarmótið í Glímu
haldið í Hróarskeldu í Danmörku. Það var virkilega
skemmtilegt verkefni og gekk mjög vel. Nú svo hef
ég séð um íþróttir eldri borgara hér í sveit síðustu
tvö árin sem hefur líka verið mjög skemmtilegt.
Helstu áhugamál mín eru auðvitað ijölskyldan og
svo starfíð, íþróttakennslan og allt sem tengist
íþróttum, aðallega glíman. Ég hef gaman að sveita-
störfum og að vinna með höndunum. Er mikill
sveitamaður í mér.
Sambýliskona mín er Sylvía Sigurðardóttir frá
Vatnsleysu hér í sveit, dóttir Sigurðar Erlendssonar
og Jónu Ólafsdóttur og við eigum saman tvö böm,
þau Jónu Kolbrúnu sjö ára og Kjartan ljögurra ára.
Og svo er eitt í vændum!
Sylvía varð stúdent firá FSU 1996 og útskrifaðist
síðan sem kerfisfræðingur frá Háskólanum í
Reykjavík 2002. Hún vann hjá hugbúnaðar-
fyrirtækinu Streng í sjö ár eða til ársins 2004 að hún
hóf störf í Landsbankanum hér í Reykholti.
Framtíðarsýn mín sem formaður Ungmennafélags
Biskupstungna er að halda áfram sama starfí sem
verið hefur og efla það og sfyrkja. Maður gerir
auðvitað minnst sjálfúr. Til að félagið blómstri og
dafni þarf að fá fólkið í lið með sér.
Ég vil vinna að því að gera UMF. Bisk. meira
sýnilegt. Fólkið hér vinnur mikið og óeigingjarnt
starf fyrir sveitarfélagið og samfélagið, alls konar
sjálfboðaliðastörf, sem mætti þakka betur.
Ungmennafélagið hefúr innan sinna vébanda leik-
deild, íþróttadeild og ritnefnd Litla-Bergþórs. Auk
þess mætti nefna mörg önnur félög sem starfa af
krafti í sveitarfélaginu, eins og Hestamannafélagið,
Kvenfélagið, allt kórastarfið,
Björgunarsveitina, Lions,
Búnaðarfélagið og sérgreinar þess og
annað félagsstarf. Þetta er allt
þakkarvert.
Ég er íhaldssamur og vil halda í það
sem gott er, ekki kasta því gamla í burt.
Góðar breytingar gerast hægt!
Að lokum vil ég bara segja að ég
hlakka til að takast á við formanns-
starfið. Það er gott fólk sem býr hér í
sveitinni og mikill kraftur í því. Ef ég
get virkjað eitthvað af þessum krafti þá
ánægður.
A þessum bjartsýnu nótum kveður blaðamaður
Helga og Sylvíu með þökk jyrir kajfið og heldur út í
vorkvöldið.
G.S.
Ketilbjörn ehf.
vinnuvélaverktaki
Syðri-Reykjum.
Grímur Þór - Sími 892 3444
Litli Bergþór 6