Litli Bergþór - 01.07.2010, Blaðsíða 17
Frá Kvenfélaginu
Kvenfélag Biskupstungna óskar vinum og
velunnurum nær og ijær gleðilegs sumars. Hjartans
þakkir fyrir góðan vetur.
Félagið telur nú 55 félaga og þar af eru sjö
heiðursfélagar. Við höfum átt því láni að fagna að
bjóða margar nýjar félagskonur velkomnar á
undanfömum árum. Eru það ungar konur á öllum
aldri sem bera með sér nýja og ferska strauma.
Kvenfélaginu ættu því flestir vegir að vera færir,
með ferskar og nýjar hugmyndir ungu kvennanna
ásamt ómetanlegri reynslu og þekkingu þeirra sem
eldri eru og hafa starfað fyrir félagið í áratugi.
A aðalfundi félagsins, sem haldinn var 7. mars
s.l., var fundarkonum afhent varagloss sem keypt
hafði verið handa öllum félagskonum til styrktar
átakinu „A allra vörum“. En það styrkti aó þessu
sinni Styrktarfélag krabbameinssjúkra barna.
Þá var ákveðið að konur tækju sig saman og færa
í sumarbústað yfir eina helgi. Tekinn var á leigu
bústaður Kvenfélagsins Bergþóru í Ölfusi, en þær
eiga bústað á Gljúfri.
Laugardaginn 24. apríl hélt Samband Sunnlenskra
Kvenna ársfund sinn í Aratungu. Til stóð að hann
yrði haldinn að Skógum þann sama dag, en vegna
eldgoss og öskufalls var ákveðið að færa hann í
Aratungu. Fundinn sóttu liðlega 60 konur víðsvegar
að af Suðurlandi.
Dagurinn hófst í Torfastaðakirkju þar sem sr. Egill
Hallgrímsson tók á móti okkur með stuttri
helgistund.
Fundur var settur í Aratungu kl. 11 ^ 0g stóð til
kl. 17-^. Þá var farið með hópinn í skoðunarferð í
Skálholt i fylgd Drífu Kristjánsdóttur á Torfastöðum.
I Skálholti tók Kristinn Ólason rektor á móti okkur
og leiddi okkur í gegnum sýninguna um endurreisn
Skálholts og síðan var gengið til kirkju. Þar fór hann
yfir söguna með tilliti til þeirra kvenna sem mest
áhrif hafa liaft, ekki einungis í Skálholti heldur í
sögu kristninnar frá upphafi.
Dagurinn endaði svo með kvöldvöku í Aratungu.
Glatt á hjalla í bústadnum. Margrét Annie og Margrét
Sverrís.
Kvenfélagið Fjallkonan, A-Eyjafjöllum sá um
skemmtiatriði ásamt Tungnakonum. Fulltrúar
sveitarstjómar sátu kvöldvökuna og Margeir
Ingólfsson oddviti bauð konur velkomnar til
hátíðarkvöldverðar sem, samkvæmt hefðinni, var í
boði sveitarfélagsins. Var hann framreiddur að hætti
Guðbjöms Asgeirssonar, matráðs í Aratungu, en
kvenfélagskonur höfðu séð um veitingar að
deginum, með miklum glæsibrag.
Það var okkur sönn ánægja að geta hlaupið undir
bagga við þessar óvenjulegu aðstæður, þó
undirbúningstíminn væri sannarlega ekki langur. En
þama sannaðist hið fornkveðna að „margar hendur
vinna létt verk“. Vil ég nota þetta tækifæri og þakka
öllum þeim sem lögðu hönd á plóginn við að gera
þennan góða dag svo eftirminnilegan.
Kvenfélaginu og sveitinni okkar til sóma.
Margrét Baldursdóttir formaður
Raflagnir - Viðgerðir
Tek að mér nýlagnir, hönnun raflagna og alla
almenna rafvirkjavinnu ásamt tækjaviðgerðum.
Efnissala og varahlutaþjónusta.
Fljót og góð vinna.
Sumarbústaðaeigendur athugið að ég sæki
um öll leyfi fyrir heimtaug að
sumarhúsunr og lagningu raflagna.
Jens Pétur Jóhannsson
LÖGGILTUR RAFVERKTAKI
GSM 899 9544
HEIMASÍMI 486 8845
Verkstæði sími 486 8984
GSM 893 7101
17 Litli Bergþór