Neytendablaðið - 01.06.2003, Blaðsíða 16

- spurningar & svör um réttindi flugfarþega
í byrjun sumars berast alltaf margar fyrir-
spurnir til Neytendasamtakanna er varða
réttindi flugfarþega. Hér fyrir neðan eru
svör við algengustu spurningunum.
Leitað var til Flugleiða og lceland Ex-
press um svör við tilteknum spurning-
um. Því miður bárust svör frá lceland
Express ekki í tæka tíð. Flugleiðir sendu
svör en tóku fram að þau væru ekki
tæmandi og hvetur flugfélagið farþega
til að hafa samband séu þeir með ein-
hverjar sérþarfir eða fleiri spurningar.
Creinin er einnig að hluta til þýdd og
staðfærð eftir grein sem birtist í For-
brukerrapporten, blaði norsku neyt-
endasamtakanna.
Flug, seinkun, yfirbókun eða
niðurfelling
Hver er réttur flugfarþega ef flug er fellt
niður?
Hægt er að fara fram á endurgreiðslu.
Einnig er hægt að fara fram á bókun í
næstu iausu brottför eða bókun í flug
síðar á tíma sem farþegi velur sjálfur.
Ef flug er fellt niður vegna seinkunar
getur farþegi að auki krafist bóta vegna
fjárhagslegs tjóns sem hann hefur orðið
fyrir vegna seinkunarinnar. Skilyrði bóta
er að flugfélagið, eða tengiliður þess, hafi
ekki gert allt sem í þess valdi stóð til að
komast hjá seinkuninni. Að mati Neyt-
endasamtakanna hvílir sönnunarbyrðin
um þetta atriði á flugfélaginu.
Hver er réttur flugfarþega ef flugi seink-
ar?
Ef seinkun er mikil getur farþegi farið
fram á endurgreiðslu eða bókun að nýju,
svipað og við niðurfellingu. Að auki á far-
þegi rétt á bótum fyrir fjárhagslegt tjón á
grundvelli sömu sjónarmiða og að fram-
an voru rakin.
Á farþegi rétt á bótum missi bann afflugi
út af röð við innritun eða öryggishlið?
Almennt ber farþegi sjálfur ábyrgð á því
að mæta tímanlega út á flugvöll. Missi
viðkomandi af flugi vegna þess að hann
mætti seinna út á flugvöll en flugfélagið
krefst á hann almennt engan rétt á bót-
um.
Hver er réttur flugfarþega við yfírbókun?
Á grundvelli tilskipunar frá ESB á flug-
farþegi rétt á að velja milli fullrar endur-
greiðslu á miðaverðinu, bókun í næstu
lausu brottför eða bókun síðar á tíma
sem farþeginn velur sjálfur. Að auki skal
farþeginn frá greiddar 150 evrur ef flugið
var styttra en 3.500 km. (um 12.600
kr.) og 300 evrur ef flugið var lengra en
3.500 km (um 25.200 kr.). Ef seinkunin
er styttri en 2 klukkutímar í flugi undir
3.500 km eða er skemmri en 4 tímar á
flugi lengra en 3.500 km má flugfélagið
skerða bæturnar um helming. Gera má
þá kröfu að bæturnar séu greiddar út í
peningum. Sömuleiðis skal farþegi fá
greiddan kostnað vegna símtals til þess
áfangastaðar sem hann var á leið til,
kostnað vegna matar og drykkjar og hót-
elgistingu reynist slíkt nauðsynlegt.
Á farþegi einhvern rétt, komi hann of
seint að brottfararhliði?
Almennt ber farþegi ábyrgð á þessu
sjálfur en komi hann of seint vegna þess
að tengiflugi seinkaði er hugsanlegt að
flugfélag tengiflugsins beri ábyrgð á því
fjárhagslega tjóni sem af hlýst.
Hvað gerist ef tímasetningar á flugmiða
eru rangar, eða ef farþegi missir af flugi
vegna mistaka eða rangra upplýsinga?
Hafi farþegi fengið rangar upplýsingar frá
flugfélagi, eða tengilið þess, og missir af
flugi sínu vegna þeirra upplýsinga getur
hann átt kröfu á endurgreiðslu. Sömuleið-
is getur farþegi farið fram á bætur vegna
fjárhagslegs tjóns vegna seinkunar sem
hann verður fyrir vegna þessa.
Hver er réttur farþega sem vegna seink-
unar þarf að bíða í marga klukkutíma
eftir tengiflugi?
Flugfélaginu ber að bæta fjárhagslegt
tjón farþegans ef seinkunin er því að
kenna.
Hvaða rétt á farþegi ef seinkun veldur
því að hann missir af mikilvægum fundi
eða jafnvel tónleikum?
Flugfélagi ber aö bæta farþega fjárhags-
legt tjón sitt beri það ábyrgð á seinkun-
inni. Hámark bóta miðast hér við 4150
SDR (1 SDR = ca. 100 krónur).
Hver er réttur farþega ef hann missir af
tengiflugi vegna seinkunar?
Flugfélag er almennt bótaábyrgt vegna
fjárhagslegs tjóns sem það veldur farþeg-
um sínum vegna seinkunar. Þetta þýðir
að flugfélaginu sem seinkar ber að bæta
farþegum fjárhagslegt tjón sitt missi þeir
af tengiflugi, til dæmis kostnað vegna nýs
flugmiða. Almennt er mikill munur milli
flugfélaga á þjónustu og réttindum sem
farþegum eru veitt undir þessum kring-
umstæðum. Hjá Flugleiðum er séð til
þess að koma farþega á lokaáfangastað
ef viðkomandi tengiflug er á sama far-
seðli og það flug sem seinkaði. Ef farþeg-
inn er hins vegar með tvo aðskilda miða
segja Flugleiðir að flutningsaðilinn beri
ekki ábyrgð á áframhaldandi flugi.
Farseðill
Má breyta miða eftir að búið er að
panta hann?
Möguleikinn til breytinga er mismunandi
eftir tegundum flugmiða. Oftast er það
þannig að meiri sveigjanleiki fylgir dýrari
miða. Hjá Flugleiðum má segja að þumal-
puttareglan sé sú að ódýrustu fargjöldin
leyfi engar breytingar, meðalfargjöldin
heimili breytingar gegn gjaldi og dýrustu
fargjöldin fulla breytingu án gjalds. Hjá
lceland Express má breyta bókun í öllum
16 NEYTENDABLAfilÐ 2. TBL. 2003