Neytendablaðið - 01.06.2003, Blaðsíða 17

flugferðum gegn greiðslu kr. 1.500 gjalds
fyrir hverja breytingu. Ef dagsetningu er
breytt kostar það kr. 2.500. Fara verður
á söluskrifstofu lceland Express til að fá
bókun breytt. Greiða þarf mismuninn ef
fargjald hækkar við breytingu en lækki
það endurgreiðir félagið ekki mismun-
inn. Tímatakmörk breytingar hjá lceland
Express er að lágmarki 3 klst. fyrir brott-
för.
Má farþegi framselja midann sinn öör-
um einstaklingi?
Misjafnt er eftir flugfélögum hvort slíkt
er heimilt. Hjá Flugleiðum er framsal
ekki heimilað. Neytendasamtökin eru
eindregið á þeirri skoðun að heimila eigi
framsal af þessu tagi.
Má afpanta mida stuttu fyrir brottför?
Almennt er ekki hægt að afpanta ódýra
flugmiða eða flugmiða á almennu far-
rými stuttu fyrir brottför. Forfallatrygging
getur í vissum tilvikum bætt tjónið, svo
sem ef upp koma veikindi.
Sérreglur gilda um kaup á flugmiða í
gegnum netið. í lögum um húsgöngu
og fjarsölu er mælt fyrir um 14 daga rétt
neytenda til að falla frá fjarsölusamningi.
Ef neytandinn ákveður að falla frá samn-
ingi innan 14 daga frestsins á hann að fá
endurgreitt að fullu. Frá reglunni er und-
antekning: Ef minna en 14 dagar eru til
brottfarar þegar miðinn er bókaður hefur
neytandinn ekki rétt til að falla frá samn-
ingnum.
Á farþegi einhvern rétt ef hann týnir
flugmiða sínum eða sækir hann ekki
innan tilskilins frests til ferðaskrifstofu
eða flugfélags?
Ekki eru til neinar reglur um það hvað
gerist ef miði er ekki sóttur á réttum tíma
eða farþegi týnir honum. Hjá Flugleiðum
geta farþegar sótt um að fá miða sem glat-
ast endurútgefinn gegn gjaldi. Neytenda-
samtökin telja sanngjarnast að farþegi
fái nýjan flugmiða (gegn gjaldi) ef svona
óheppilega vill til.
Hver er réttur farþega ef flugfélagið
sem hann á pantaðan miða hjá verður
gjaldþrota?
Þeim sem selja alferðir (pakkaferðir) er
skylt að vera með tryggingu sem verndar
hagsmuni farþega komi til gjaldþrots. Eng-
in slík skylda hvílir á flugfélögum sem þýð-
ir að ef flugfélag verður gjaldþrota geta
bæði ferðin og peningarnir tapast.
Aðbúnaður farþega
Cetur farþegi átt rétt á bótum frá flug-
félaginu vegna ónæðis frá ölvuðu sam-
ferðarfólki?
Því miður er svarið nei. Skilyrði bóta er
í fyrsta lagi það að flugfélaginu sé að
einhverju leyti um að kenna og í annan
stað þarf viðkomandi að hafa orðið fyrir
fjárhagslegu tjóni. Óþægindi og pirringur
bætast ekki.
Á farþegi sem situr við hlið eða á milli far-
þega í miklum holdum einhvern rétt?
Sama regla gildir hér og nefnd var að
framan, þ.e. að skilyrði bóta er annars
vegar það að flugfélagi sé að einhverju
leyti um að kenna og hins vegar fjárhags-
legt tjón. Þó má segja að ef einstaklingur
er svo mikill um sig að hann tekur nánast
tvö sæti getur aðbúnaður næsta farþega
orðið óviðunandi. Neytendasamtökin
telja því að rök megi færa fyrir afslætti
vegna þrengsla reynist ekki mögulegt að
hliðra farþegum til þannig að allir geti vel
við unað.
Getur farþegi í miklum holdum þurft að
greiða tvöfalt fargjald?
Engar sérstakar reglur er að finna um
hámarksþyngd farþega. Almennt má
þó segja að í flugvélum eru seld sæti og
því kann að vera réttlætanlegt að einstak-
lingur sem þarf meira rými en eitt sæti
greiði fyrir það. Flugleiðir mæla með því
að farþegar sem telja sig ekki rýmast í
einu sæti kaupi annað sæti sem þeir geta
keypt fyrir 75% af viðeigandi fargjaldi.
Hvert er lágmarksbil á milli sæta?
Samkvæmt hönnunarstöðlum sem flugyf-
irvöld fara eftir verður bil á milli sæta þar
sem 3 sæti eru saman að vera að minnsta
kosti 50,6 cm og 38 cm þar sem 2 sæti
eru saman.
Hver er réttur fatlaðra sem ferðast einir?
Hér miðast rétturinn við þjónustustig
flugfélagsins sjálfs og því þarf að spyrj-
ast fyrir hjá flugfélaginu fyrir brottför.
Til fróðleiks má nefna að hjá Evrópusam-
bandinu er unnið að því að tryggja fötluð-
um flugfarþegum lágmarksréttindi.
Hvað þarf barn að vera gamalt til að
mega ferðast eitt í flugvél?
Börn á aldrinum 5-11 ára mega ferðast
ein með því að bóka sérstaka fylgd hjá
flugfélaginu. Koma verður fram við bók-
un að barnið ferðist eitt og er þá fengin
aðstoð sem greiða þarf sérstakt gjald
fyrir.
Farangur
Hver er réttur farþega ef farangur hans
týnist?
Týnist farangurinn eftir innritun er flugfé-
lagið bótaskylt.
Hver er réttur farþega ef farangri hans
seinkar?
Farþegi á hér rétt á bótum vegna nauð-
synlegra útgjalda.
Hver er réttur farþega ef farangur hans
skemmist?
Flugfélagið ber bótaábyrgðina nema
skaðann megi rekja til galla á ferðatösk-
unni, slæmrar pökkunar í töskuna eða
annars þess háttar.
Punktakerfi
Hvaða íslensku flugfélög bjóða upp á
punktasöfnun?
Flugleiðir bjóða vildarpunkta ef gengið er
ísérstakan vildarklúbb Flugleiða. Iceland
Express hefur ekkert slíkt í boði. Erlend
flugfélög bjóða sum upp á söfnun vildar-
punkta. Flugfélag sem stofnar tryggðar-
klúbb af þessu tagi ákveður sjálft hvaða
skilmálar gilda í vildarklúbbnum.
Hvenær leggjast vildarpunktar á vildar-
kort?
Vildarpunktar færast ekki á vildarreikn-
ing fyrr en ferð hefur verið flogin.
Er hægt að flytja vildarpunkta milli ein-
staklinga?
Ekki er hægt að færa punkta milli Vildar-
reikninga. Við andlát korthafa getur einn
lögerfingi sótt um vildarkort og fengið
ferðapunkta hins látna flutta yfir á sinn
vildarreikning. Forráðamenn fá ekki vild-
arpunkta barna sinna þótt þeir greiði fyr-
ir þau farseðilinn.
Koma vildarpunktar sjálfkrafa inn á vild-
arreikninginn?
Nei. Það þarf alltaf að sýna Saga-bónus-
númer við bókun á flugmiða. Hægt er að
sækja um leiðréttingu sex mánuði aftur
í tímann.
NEYTENDABLAÐIÐ 2. TBL. 2003 17