blaðið - 05.12.2006, Blaðsíða 4

4 ÞRIÐJUDAGUR 5. DESEMBER 2006
blaöió
INNLENT
REYKINGAR
Fleiri drepa í
Reykingafólki hefur fækkað mjög síðustu ár sam-
kvæmt könnun Capacent fyrir Lýðheilsustofnun.
Um 30 prósent landsmanna, 15 til 89 ára, reyktu
árið 1991 en nú gera það einungis tæplega 19
prósent. Litlu fleiri karlar en konur reykja.
FASTEIGNAMARKAÐUR
Færri íbúðir seljast
Rúmlega hundrað færri íbúðir og einbýlis-
hús skiptu um eigendur í síðasta mánuði
en í nóvember fyrir ári. Alls seldust 628
eignir í síðasta mánuði en 735 árið áður,
fækkunin nemur 17 prósentum.
STJÓRNVÖLD
Fríverslunarviðræður hefjast skjótt
Valgerður Sverrisdóttir utanríkisráðherra og Yu Guangz-
hou, aðstoðarutanríkisráðherra Kína, undirrituðu í gær
viljayfirlýsingu um að viðræður um fríverslun hefjist í
upphafi næsta árs. Eftir fundinn var Valgerður gestgjafi í
móttöku vegna 35 ára stjórnmálasambands ríkjanna.
Fídji:
Valdarán hafið
Hermenn á Fídji réðust
inn í vopnageymslur lög-
reglu í landinu í gær og er
aðgerðin talin vera upphaf
valdaráns hersins í landinu.
Yfirmaður hersins sagðist í gær
ætlast til þess að forsætisráðherra
landsins segði af sér embætti
þegar í stað. Herforingjar hafa
deilt á stjórnvöld íyrir að ætla
að veita þeim uppgjöf saka sem
stóðu að valdaráni árið 2000.
KOKOS-SISAL TEPPI

Falleg - sterk - náttúruleg
Suöurlandsbraut 10
Slmi 533 5800
www.simnet.is/strond
VsTRÖND
HEREFORD
S T E I K H Ú S
I.augavegur 53b • 101 Reykjavík
5 11 3350 • www.hereford.is
íbúar á Hrafnistu í Hafnarfirði ósáttir við háa leigu:
íbúarnir rukkaðir um
ofurleigu á Hrafnistu
■ Mesta okurleigustofnun landsins ■ Stjórnin vill ekki funda meö íbúum ■ Þetta eru glæsiíbúöir
Eftir Trausta Hafsteinsson
trausti@bladid.net
„Ibúarnir hérna eru verulega ósáttir.
Við eigum sjálf þrjátíu prósent í íbúð-
unum og greiðum síðan ofan á það
fulla leigu. Þetta er bara ekki löglegt,"
segir einn íbúanna á Hrafnistu við
Hraunvang í Hafnarfirði. Hver íbúi
þarf að leggja fram fimm til tíu millj-
ónir fyrir þrjátíu prósenta eignarhlut.
Til viðbótar greiða íbúarnir ríflega
hundrað þúsund króna húsleigu.
Samskiptaörðugleikar eru milli íbú-
anna og yfirstjórnar heimilisins og
af þeim sökum treysta íbúarnir sér
ekki til að koma fram undir nafni.
Ásgeir Ingvason, framkvæmda-
stjóri Sjómannadagsráðs, kannast
ekki við kvartanir af þessu tagi. „Ég
hef ekki verið að fá neinar kvartanir
til mín. Leigan hjá okkur er mjög lág
miðað við íbúðirnar sem við bjóðum
upp á,“ segir Ásgeir. „Það er einhver
misskilningur að rukkuð sé há leiga.
Eina hækkunin sem orðið hefur skýr-
ist með hækkunum neysluverðsvísi-
tölu samkvæmt samningum."
Borga fyrir aðra
Ibúarnir greiða í hússjóð hvern
mánuð og til viðbótar greiða þeir í
sérstakan framkvæmdasjóð. Engar
skýringar hafa fengist frá yfirstjórn
á því fyrir hvaða framkvæmdum sé
verið að safna. „Við erum mjög ósátt
við framkvæmdasjóðinn og að þurfa
að borga hann fyrirfram. Við vitum
ekkert fyrir hvað við erum að greiða
og hvert okkar getur hrokkið upp af
á hverri stundu,“ segir einn af íbú-
unum. „íbúarnir hérna eru þvi að
borga í einhvern framkvæmdasjóð
fyrir einhverja aðra sem taka við. I
mínum huga er þetta ein af mestu ok-
urleigustofnunum landsins."
Aðspurður segir Ásgeir fram-
kvæmdasjóðinn eðlilegan og að
hann sé hugsaður til viðhalds á eign-
arhluta íbúanna.
„Framkvæmdasjóðurinn er eyrna-
merktur langtimaviðhaldi á húsnæð-
inu. Það er ekki hægt að setja allt við-
haldið á okkur,“ segir Ásgeir.
Borgaof mikið
Að sögn íbúanna er aðeins einn
mælir fyrir hita og rafmagn fyrir
allar íbúðirnar og því er rukkað eitt
TVEGGJA HERBERGJA ÍBÚÐ
■ Fermetrar 74
■ Leiga 89.000
■ Framkvæmdasjóður 1.500
■ Rafmagn og hiti 3.500
■ Hússjóður 6.500
■ Bílastæði 8.200
Samtals: 108.700
Það er alveg á
hreinu að leigan
ermjögódýr.
Ásgeir Ingvason
Framkvæmdastjóri
Sjómannadagsráðs
fastagjald á alla íbúana. „Ég er búinn
að hringja í Orkuveituna og hún er
að fá mikið meira inn af peningum
en þarf að taka. Hrafnista safnar því
upp inneign og við borgum meira
en við þurfum,“ segir einn íbúanna.
„Við höfum óskað eftir svörum en
framkvæmdastjórinn vísar okkur
alltaf frá. Siðast sagði hann að okkur
kæmi þetta ekkert við og skellti á
mig.“
Ásgeir segir ástæðuna einfalda,
með þessu er hægt að spara mælis-
gjöld. Hann ítrekar að leigan sé ódýr
miðað við gæði íbúðanna.
„Það getur hver maður séð að leigan
INNIFALIÐ I LEIGU:
■ Ræsting á sameign
■ Gluggaþvottur
■ Hiti og rafmagn í sameign
■ Eftirlit með lyftum
■ Brunaviövörunarkerfi
■ Snjómokstur
■ Húsvörður i hlutastarfi
■ Hirðing á garði
hjá okkur er mjög ódýr miðað við
allt sem er innifalið. íbúðirnar eru
lúxus,“ segir Ásgeir. „Ég tel okkur
hafa verið mjög sanngjörn í leigu
og ef íbúðirnar eru skoðaðar áttar
fólk sig á því að allt hjá okkur er
eðlilegt.“
Fá ekki fund
Ásgeir segir húsaleigulögin ekki
gera ráð fyrir því að halda þurfi
fundi með leigjendum. „Það er
bara einn eigandi að húsinu og
aðrir eru leigjendur. Samkvæmt lög-
unum ber okkur engin skylda til að
funda og því höfum við einfaldlega
hafnað beiðnum um fund,“ segir As-
geir. „Við reynum hins vegar ávallt
að skoða þær ábendingar sem koma
til okkar og reynum að bæta úr án
þess að leiga hafi verið hækkuð."
Ibúarnir hafa ítrekað óskað
eftir húsfundi þar sem farið yrði
yfir málin. Því hefur iðulega verið
hafnað. „Allir eru ánægðir með vist-
ina en greiðslurnar eru óheyrilega
miklar. Það er allt í lagi með það
að borga fyrir hlutinn i íbúðinni
en að vera rukkuð um hundrað pró-
sent leigu til viðbótar er svínslegt,“
segir annar íbúi. „Þetta fyrirkomu-
lag allt saman og samskiptin við
stjórnina er síður en svo sniðið
til þess að gefa öldruðum áhyegju-
laust ævikvöld.“
yá/aJiFít^ínu /ficð
s/a/u'/< «, c s)(i /i ^ fi m /n é/icficf/i éc fjiuui «///ufa
Verð 5.500 á mann, aðeins 4.900 á fimmtudögum og sunnudögum /BOrÖHPHntctnÍr
Marius Sverrisson treður upp ásamt undirleikara helgarnar 25.og 26.nóv„
l.og 2.des og 8.og 9.des. Alltaf ijúfir píanótónarfrá fimmtudegi til sunnudags
Hereford nautasteikurnar eru rómaðar, þú velur stærð, steikingu og meðlæti. Magnað!