blaðið - 05.12.2006, Blaðsíða 30

38 ÞRIÐJUDAGU
blaöiö
Nemendur með hreyfihömlun
Snæfríður Þ. Egilsson, dósent við heilbrigðisdeild Háskólans
á Akureyri, mun í dag greina frá doktorsrannsókn sinni
sem beindist að þátttöku 6-12 ára íslenskra nemenda með
hreyfihömlun í almennum grunnskólum. Fundurinn hefst
klukkan 16:30 í stofu 16 í Þingvallastræti 23.
menntun@bladid.net

Um Taíland
Fyrir þá sem eru að skipuleggja ferðalag til Taílands er vert að kíkja á
heimasíðuna http://tourismthailand.org. Heimasíðan segir frá öllu því
sem ferðalangar vilja vita um Taíland og hvað hægt er að gera í afþrey-
ingu og hvaða áfangastaðir eru í boði á Taílandi. Hægt er að velja um
helstu borgir landsins og finna gistingu og ýmislegt fleira. Góða ferð.
ferdir@bladid.net
ferðir
Áhersla á þá sem hafa minnsta formlega menntun
Við finnum þá
og sinnum þeim
Breytt hlutverk Námsflokkanna Námsflokkar Reykjavíkur sinna aðallega
þeim sem hafa minnsta formlega menntun eða standa illa félagslega að sögn
Bjargar Arnadóttur, forstöðumanns Námsflokkanna.
Það eru yfir 20 golfvellir í Pattaya Golfvellirnir eru mjög góðir og það er
alltaf hægt að treysta á veðrið.
Sól og golf um miðjan vetur
Taíland er
magnað land
BjörgÁrnadóttir, forstöðu-
maður Námsflokka
Reykjavíkur, hlaut á dög-
unum Starfsmenntaverð-
launin árið 2006 en þau eru veitt
af Mennt, samstarfsvettvangi
atvinnulífs og skóla, og Starfs-
menntaráði. „Það er voðalega
gaman að einhver taki eftir því
sem maður hefur verið að gera og
er staðfesting á því að það sé ekki
út í bláinn,“ segir Björg þegar hún
er spurð um hvaða þýðingu það
hafi fyrir sig að hljóta verðlaunin.
Björg hefur unnið að fullorðins-
fræðslu á íslandi og í Svíþjóð í yfir
20 ár og fengist við fjölbreytt verk-
efni á þessu sviði. Undanfarið eitt
og hálft ár hefur hún veitt Náms-
flokkunum forstöðu og hafa orðið
nokkrar breytingar á starfsemi
þeirra í kjölfarið.
„Það voru svo margir teknir við
ýmsum hlutverkum sem Náms-
flokkarnir höfðu og þá var ákveð-
ið að þrengja starfsemina þannig
að nú erum við í rauninni bara að
sinna þeim sem hafa allra minnsta
formlega menntun eða standa illa fé-
lagslega,“ segir Björg.
Þarf að hvetja fólk
Reynslan hefur sýnt að þeir sem
hafa litla formlega menntun sækja
síður sí- eða endurmenntunarnám-
skeið af einhverju tagi og segir Björg
að því dugi ekki að auglýsa heldur
verði beinlínis að hvetja fólk til að
sækja námskeið.
„Við finnum þá og sinnum þeim.
Við erum til dæmis með náms- og
starfsráðgjafa á þjónustumiðstöðv-
unum. Menntunarferlið er orðið svo
flókið að fólk þarf aðstoð bæði við
að leita sér að réttum úrræðum og
við að læra þannig að við leggjum
mikla áherslu á það,“ segir Björg og
bætir við að náms- og starfsráðgjöf
sé gríðarlega mikilvæg.
Brottfall er mikið i þessum hópi
og því er helsta vandamálið að
halda fólki við efnið og hvetja það
áfram að sögn Bjargar.
„Það er óvant að læra og kannski
líka haldið hræðslu við skóla og þá
er náttúrlega ekki auðvelt að setjast
á skólabekk.“
Aukinn skiiningur fyrirtækja
Stéttarfélög hafa lengi hoðið fé-
lagsmönnum sínum upp á ýmis
konar námskeið og á undanförn-
um árum hafa fyrirtæki og stofn-
anir einnig sýnt fullorðinsfræðslu,
sí- og endurmenntun aukinn skiln-
ing. Björg segir að stærri fyrirtæki
hafi yfirleitt sérstakan starfsmann
sem sjái til þess að stefnu fyrir-
tækisins í þessum málum sé fram-
fylgt.
„1 minni fyrirtækjum er voðalega
lítið svigrúm fyrir þetta að ekki sé
talað um einyrkjafyrirtæki sem
er ekki hægt að loka til að fara á
námskeið. Stærri fyrirtæki standa
sig mjög vel á þessu sviði. Mörg
fyrirtæki bjóða bæði starfstengd
námskeið sem eru tekin á vinnu-
tíma og eru hluti af þróun í starfi.
Stóru fyrirtækin eru líka með alls
konar námsframboð í frítíma,“ seg-
ir Björg Árnadóttir að lokum.
Eftir jólin, þegar janúar
og febrúar eru framund-
an með öllu sínu myrkri
og kulda, reikar hugur
margra til landa þar sem sólin
skín og sjórinn er heitur. Það hef-
ur verið að færast í vöxt á undan-
förnum árum að fólk leggi land
undir fót á veturna og fari þá til
fjarlægari landa.
Golfáhugi dró þau til Taílands
Víðir Jóhannsson og kona hans
Laila Ingvarsdóttir hafa á síðastliðn-
um sjö árum farið á hverju ári til
Pattaya í Taílandi og í lok janúar eru
þau á leiðinni þangað í áttunda sinn.
Það var fyrst og fremst golfáhugi
sem olli því að Taíland varð fyrir
valinu en á Pattaya eru mjög góðir
golfvellir og öll aðstaða til golfiðkun-
ar er þar mjög góð og hægt að velja
um 20 golfvelli.
„Okkur langaði að fara á stað þar
sem við gætum spilað golf án þess
að hafa áhyggjur af veðrinu og það
sem heillar við Taíland er fyrst og
fremst veðrið en það er alltaf gott,
um 25 til 30 stiga hiti, ekki mikill
raki og alltaf góð gola frá hafinu,”
sagði Víðir þegar hann var spurður
um hvers vegna Taíland hefði orðið
fyrir valinu. „Við dveljum á mjög
góðu hóteli og Pattaya hefur upp
á mikið að bjóða, enda talin ein
fjörugasta borg Taílands. Fólkið er
vinalegt og allt mjög öruggt. Við
höfum dvalið þar í allt að því mán-
uð en núna ætium við að vera einn
og hálfan mánuð. Meðan á dvöl-
inni stendur spilum við golf fjórum
sinnum í viku, oftast á morgnana
og síðan er farið á ströndina seinni-
partinn. Hinir dagarnir eru notaðir
til að fara í skoðunarferðir eða til
afslöppunar.”
Stenduruppúr
Víðir segir að þau hjónin hafi
farið í margar skipulagðar ferðir.
,Einnig höfum við ferðast til Norð-
ur-Taílands en þá ferð skipulögðum
við sjálf ásamt fleirum úr hópnum.
Víðir getur ekki nefnt eitthvað
eitt sem stendur upp úr frá þeim
ferðum. „Ætli það sé ekki bara land-
ið sjálft sem stendur upp úr. Þetta er
alveg magnað land og mjög fallegt.
Það er allt eins og það á að vera þeg-
ar maður er i fríi.“
Kjartan L. Pálsson fararstjóri hef-
ur verið fararstjóri í öllum ferðun-
um sem Víðir og Laila hafa farið í
til Taílands og Víðir segir að hann
sé alveg frábær fararstjóri. „Maður
myndi fylgja honum hvert á land
sem er þar sem hann er uppfullur
af fróðleik og veit mikið um land
og þjóð,“ segir Víðir að lokum en
hann er þegar farinn að telja niður
dagana þangað til hann heldur til
Taílands í áttunda sinn.
Taíland heillar
Samhengisháð ritvilluleit
Eiríkur Rögnvaldsson, prófess-
or við hugvísindadeild Háskóla
íslands, og samstarfsmenn hans,
Hrafn Loftsson, lektor í tölvunar-
fræði við Háskólann í Reykjavík, og
Sigrún Helgadóttir, sérfræðingur á
Orðabók Háskólans, hlutu Hagnýt-
ingarverðlaun Háskóla íslands sem
afhent voru 1. desember. Verkefni
þeirra nefnist Samhengisháð rit-
villuleit og er nýstárlegt ritvilluleit-
arforrit sem lítur á samhengi orða
en ekki aðeins einstök orð. Með því
má leiðrétta mun fleiri villur en ella,
villur sem færu fram hjá öðrum rit-
villuforritum.
í öðru sæti lenti tillaga Þorsteins I.
Sigfússonar, prófessors við raunvís-
indadeild Háskóla Islands, og sam-
starfsmanna hans, Jóns Steinars
Verðlaunahafarnir Eiríkur Rögn-
valdsson og Sigrún Helgadóttir
hlutu Hagnýtingarverðlaun Háskóla
Islands ásamt Hrafni Loftssyni.
Garðarssonar Mýrdal, eðlisfræði-
nema við HÍ, og Sigurðar Arnar Að-
algeirssonar, nema í rafmagnsverk-
fræði, við sama skóla. Hugmyndin
á rætur sinar í sérstakri varmaraf-
magnsfræði og byggist á því að tveir
samtengdir ólíkir málmar við mis-
munandi hitastig snúa áttavitanál
af eðlilegri stefnu.
Þriðju verðlaunin komu að þessu
sinni í hlut Guðmundar H. Guð-
mundssonar, prófessors við raun-
vísindadeild Háskóla Islands, og
Eiríks Guðmundssonar, prófessors
við læknadeild sama skóla. Verkefni
þeirra er á sviði rannsókna í sýkla-
vörnum og heitir Örvun innbyggðra
sýklavarna gegn sýkingum.
Alls bárust níu tillögur í sam-
keppnina að þessu sinni.

Lítið hefur verið af skipulögðum
ferðum frá íslandi til landa Asíu á
undanförnum árum.
Margir hafa þó farið þangað á eig-
in vegum og þá aðallega til Kína eða
Taílands.
Úrval Útsýn býður upp tvær hóp-
ferðir í vetur til Taílands og það er
Kjartan L. Pálsson sem er fararstjóri
í þeim báðum. Kjartan þekkir landið
vel enda hefur hann tekið á móti ís-
lenskum ferðamönnum þar síðastlið-
in 12 ár en hann hefur verið fararstjóri
fyrir íslenska ferðalanga víða um
heim undanfarin 20 ár. Ferðirnar eru
í janúar og sú síðari i febrúar og hægt
er að velja um þriggja eða fjögurra
vikna ferðir. Flogið er með Icelandair
til Amsterdam og þaðan með breið-
þotu frá KLM til Bangkok og flugið
þangað tekur um 10 klukkutíma. í
Íáílandi er dvalið í borginni Pattaya
sem er ein skemmtilegasta borg lands-
ins og hefur upp á mikið að bjóða
fyrir ferðamenn, íjölda veitingastaða,
Úrval Útsýn býður upp á glaesi-
lega gististaði á Taílandi Gististað-
irnir eru með morgunverði og eru
staðsettir i norðurhluta Pattaya.
góðar strendur, golfvelli og aðra af-
þreyingu. Á Pattaya geta ferðamenn
valið um dvöl á fjórum hótelum sem
öll eru í háum gæðaflokki. Boðið er
upp á skipulagðar skoðunarferðir til
Bangkok og River Kwai auk annarra
styttri ferða. Veðrið er á þessum tíma
árs eins og best verður á kosið, milli
25- 30 stiga hiti, sem er freistandi fyrir
íslendinga á þessum árstíma.