Félagsbréf - 01.07.1957, Blaðsíða 23
FELAGSBREF
21
nöfnum höfunda og veljenda, en það hefði líklega ekki orðið
vel þokkað hjá þeim skáldum, sem minnst fylgið hlutu.
Ósagt skal látið, hvort þessir fimm menn séu allra manna
færastir til að vinna þetta verk, þótt þeir hafi valizt til að skrifa
bókafregnir í blöð. Ekki þykir mér ólíklegt, að eins vel eða
betur hefði til tekizt, ef einn góður bókmenntamaður hefði um
fjallað, efnisvalið hefði þá orðið jafnvandaðra og samræmdara.
Hins vegar hefur fimmmenningunum yfirleitt farizt þetta vel
úr hendi, þegar tekið er tillit til fjölda þeirra og starfsaðferða,
þótt alltaf megi um slíkt deila. Ólíklegt er það t. d., að ekki hefði
farið betur á því að velja einhverja aðra sögu eftir Hagalín en
„Móður barnanna" eða „Krossgötur" eftir Kristmann, að báð-
um sögunum ólöstuðum. Undarlegt uppátæki er það líka að taka
ferðasöguþátt Sigurðar Magnússonar, Shalom, í úrvalsbók ís-
lenzkra smásagna. Þetta er ágætur þáttur í sinni röð og vel
skrifaður, en hann kemur eins og skollinn úr sauðarleggnum
inn í skáldverkasafn. Hæpið er líka, að sögubrot Jóhannesar
Helga, Róa sjómenn ..., hafi unnið til sætis á þingi úrvals-
smásagna.
1 bókinni eiga 25 höfundar sína söguna hver eins og áður
getur. Er Einar H. Kvaran fyrstur með Fyrirgefningu, en Ásta
Sigurðardóttir rekur lestina með Götuna í rigningu. Fyrirgefn-
ing er elzt, birt 1901, í Sunnanfara; saga Ástu birtist ekki fyrri
en í hittiðfyrra, 1955. Einar var fæddur 1859, en Ásta 1930.
Hinir höfundarnir eru þar á milli, en þeir eru: Guðmundur
Friðjónsson, Jón Trausti, Kristín Sigfúsdóttir, Þórir Bergsson,
Jakob Thorarensen, Friðrik Á. Brekkan, Helgi Hjörvar, Halldór
Stefánsson, Guðmundur G. Hagalín, Davíð Þorvaldsson, Krist-
mann Guðmundsson, Vilhjálmur Vilhjálmsson, Sigurður Helga-
son, Stefán Jónsson, Þórleifur Bjarnarson, Guðmundur Daníels-
son, Sigurður Magnússon, Jón Dan, Ólafur Jóh. Sigurðsson, Jón
Óskar, Thor Vilhjálmsson, Indriði G. Þorsteinsson og Jóhannes
Helgi.
Það hlýtur strax að vekja athygli, þegar litið er á höfunda-
skrána, að engin saga er eftir Halldór Kiljan Laxness og Gunn-
ar Gunnarsson, tvo kunnustu rithöfunda vora núlifandi, og fer