Morgunblaðið - 01.08.2014, Page 12
12 FRÉTTIRInnlent
MORGUNBLAÐIÐ FÖSTUDAGUR 1. ÁGÚST 2014
SUMARSPRENGJA
Ný hjól með verulegum afslætti
Nítró / Kirkjulundi 17 / 210 Garðabæ / Sími 557 4848 / www.nitro.is
Verð aðeins
17.990,- kr
HiSun HS700ATV
1.190.000,- kr
990.000,- Kawasaki KX450F1.590.000,- kr
1.390.000,-
Kawasaki KX250F
1.490.000,- kr
1.290.000,-
VN1700 - árg.
2.420.000,- kr
2009
1.590.000,-
HiSun Golfbíll
990.000,- kr
790.000,-
2014
Tollverðir lögðu hald á 132 karton
af sígarettum í tveimur erlendum
skipum fyrr í mánuðinum. Var
varningurinn falinn í skipunum og
ætlaður til sölu hér á landi, segir í
frétt frá Tollstjóra. Um var að ræða
fiskiskipið NIDA frá Litháen þar
sem lagt var hald á 114 karton af
sígarettum og flutningaskipið
Horst B frá St. Johns en í því fund-
ust 18 karton af sígarettum.
Sekt hefur verið greidd fyrir
brotin.
Hald lagt á rúm 130
karton af sígarettum
Páll Fannar Einarsson
pfe@mbl.is
Leigubílstjórar landsins hafa miklar
áhyggjur vegna svokallaðra „skutl-
síðna“ á netinu, þar sem einstaklingar
bjóða fólki að keyra það milli staða
gegn gjaldi. Slíkar síður finnast m.a. á
Facebook og bera nöfn eins og
„Skutlerý“, „Skutlarar!“ og „Driver-
ar“ þar sem menn bæði auglýsa eftir
fari og bjóða fram þjónustu sína.
„Við erum eðlilega óánægðir með
þetta. Margir leigubílstjórar hafa
komið að máli við mig og lýst yfir
áhyggjum sínum af þessari þróun,
enda er þetta ólöglegt,“ segir Ástgeir
Þorsteinsson, formaður Frama og
Bandalags íslenskra leigubifreiða-
stjóra.
Leigubílstjórar hafa í langan tíma
orðið varir við ólöglega leigubílastarf-
semi í borginni, en Ástþór segir slíka
starfsemi hafa farið stigvaxandi frá
því seinasta haust. „Svona hark hefur
alltaf verið til en aldrei á svona máta.
Vinnan hefur minnkað hjá okkur og
við finnum þar af leiðandi fyrir tekju-
tapi. Þeir sem hafa ekki tilskilin leyfi
til að keyra leigubifreiðar eiga ekki að
gera það. Svo einfalt er það,“ segir
Ástgeir.
Kærðu starfsemina
Bifreiðastjórafélagið Frami kærði
starfsemi Facebook-síðu, þar sem
einstaklingar bjóða fólki að keyra það
milli staða gegn gjaldi, til lögreglu í
janúar á þessu. Rannsókn stendur
enn yfir en ekki liggur fyrir hvort
ákært verður í málinu. „Við erum
orðnir frekar óþolinmóðir og höfum
reynt að ýta á eftir þessu. Þetta hefur
gengið hægt en þeir segja að rann-
sókn ljúki fljótlega og vonandi kemur
eitthvað út úr henni,“ segir Ástgeir.
Sönnunarbyrði er erfið í slíkum
málum enda þarf m.a. að finna far-
þega í bílum sem standa í slíkri ólög-
legri starfsemi og sanna að þeir greiði
fyrir þjónustuna. Ástþór segist þó
fullviss um að hægt sé að aðhafast í
málinu. „Að sjálfsögðu er það hægt.
Nöfn þeirra einstaklinga sem standa í
þessu eru á netinu og það er hægt að
sækja þessa snillinga. Það er ósköp
einfalt mál.“
Málið hefur ratað inn á borð Sam-
göngustofu en henni hafa borist ýms-
ar fyrirspurnir vegna starfseminnar.
Heimildir Samgöngustofu til að
bregðast við eru þó takmarkaðar við
leyfissviptingu og fjársekt. „Farþega-
flutningur gegn greiðslu er akstur í
atvinnuskyni sem er leyfisskyldur.
Hafi menn ekki tilskilin leyfi gengur
starfsemin í berhögg við lög um leigu-
bifreiðar. Eins og gefur að skilja er
hins vegar ekki hægt að svipta aðila
leyfi sem ekki hafa leyfi, og hvorki í
núgildandi lögum um leigubifreiðar
né í reglugerð eru sektarupphæðir til-
teknar,“ segir Þórhildur Elín Elínar-
dóttir, upplýsingafulltrúi Samgöngu-
stofu.
Leigubílstjórar áhyggju-
fullir vegna „skutlsíðna“
Morgunblaðið/Ómar Óskarsson
Leigubílaröð Leigubílstjórar hafa í langan tíma orðið varir við ólöglega leigubílastarfsemi í borginni. Málið hefur
ratað inn á borð Samgöngustofu en henni hafa borist ýmsar fyrirspurnir vegna starfseminnar.
Segir starfsemi ólöglegrar leigubílastarfsemi hafa farið stigvaxandi
Ólympíuskákmótið hefst á morgun í
Tromsö í Noregi. Þetta er 41. ólymp-
íuskákmótið en það fyrsta sem hald-
ið er fyrir norðan heimskautsbaug.
Ísland sendir lið til keppni bæði í
opnum flokki og kvennaflokki. Í
opna flokknum tefla fjórir stórmeist-
arar fyrir Íslands hönd, þeir Hannes
Hlífar Stefánsson, Hjörvar Steinn
Grétarsson, Þröstur Þórhallsson og
Helgi Ólafsson sem teflir á sínu
fyrsta ólympíuskákmóti í átta ár.
Auk þeirra er Guðmundur Kjart-
ansson, núverandi Íslandsmeistari, í
liðinu. Liðsstjóri er Jón L. Árnason,
sem einnig er stórmeistari.
Í kvennaliðinu tefla Lenka Ptácní-
ková, stórmeistari kvenna, Hall-
gerður Helga Þorsteinsdóttir, Jó-
hanna Björg Jóhannsdóttir, Tinna
Kristín Finnbogadóttir og Elsa
María Kristínardóttir. Liðsstjóri er
Ingvar Þór Jóhannesson.
Fararstjóri hópsins er Gunnar
Björnsson, forseti Skáksambands
Íslands. Hann verður einnig fulltrúi
Íslands á fundi Alþjóðaskák-
sambandsins, FIDE. Þar fer fram
forsetakjör og berjast Garrí Kasp-
arov og Kirsan Ilyumzhinov, núver-
andi forseti FIDE, um embættið. Ís-
land hefur lýst yfir stuðningi við
Kasparov.
Alls taka um 180 þjóðir þátt í opn-
um flokki og um 140 í kvennaflokki.
Morgunblaðið/Ómar Óskarsson
Landsliðsmaður Helgi Ólafsson teflir að nýju á ólympíumóti í skák.
Ólympíuskákmótið
hefst á morgun
Kjartan Már Kjartansson var í gær
ráðinn bæjarstjóri Reykjanesbæjar
út yfirstandandi kjörtímabil.
Kjartan er rekstrarhagfræðingur
að mennt og hef-
ur síðustu ár
starfað sem fram-
kvæmdastjóri
Securitas.
Reykjanesi. Hann
sat um tíma í bæj-
arstjórn Reykja-
nesbæjar fyrir
Framsókn-
arflokkinn og er
núverandi stjórn-
arformaður
Hljómahallar og Rokksafns Íslands.
Fram kemur í tilkynningu frá
Reykjanesbæ að Kjartan Már sé ekki
flokksbundinn neinu stjórnmálaafli
nú. Kjartan Már er kvæntur Jónínu
Guðjónsdóttur, flugfreyju hjá Ice-
landair, og eiga þau þrjú börn og tvö
barnabörn.
Ráðningin var samþykkt á fundi
bæjarráðs í gær með þremur at-
kvæðum fulltrúa meirihlutans í bæj-
arstjórn en tveir fulltrúar Sjálfstæð-
isflokks sátu hjá. Í bókun flokksins
segir að sjálfstæðismenn hafi ekki
verið upplýstir um efni umsókna
þeirra rúmlega 20 sem sóttu um
stöðu bæjarstjóra og því sé ógjörn-
ingur að taka afstöðu til umsækj-
enda. Hins vegar sé ánægjulegt að
núverandi meirihlutaflokkar skuli
komnir af þeirri skoðun sinni að
ekki skuli vera pólitískur bæjarstjóri
því aðili með skýran pólitískan bak-
grunn sé metinn bestur til starfsins.
Segjast sjálfstæðismenn munu vinna
vel með bæjarstjóranum.
Kjartan Már bæjar-
stjóri í Reykjanesbæ
Kjartan Már
Kjartansson
Í innanríkisráðuneytinu hefur verið unnið að frumvarpi
sem er ætlað að taka við af lögum um leigubifreiðar
og lögum um fólks- og farmflutninga. Frumvarpið ger-
ir ráð fyrir þróuninni sem hefur orðið í akstri, ekki síst
hjá ferðaþjónustunni, og tekur mið af þeim breyt-
ingum sem hafa orðið á farþegaflutningum í atvinnu-
skyni síðastliðin ár með tilkomu nýrrar þjónustu. „Þá
ég við nýjar þjónustu eins og starfsemi samferða.net,
skutlþjónstu hótela og gistiheimila fyrir ferðamenn,
skutlþjónustu bifreiðaumboða og verkstæða. Gangi
frumvarpið fram og verði að lögum eins og lagt hefur verið upp með í
undirbúningi verður efamálum fækkað og aksturinn skilgreindur með
ýmsum hætti. Það mun gera Samgöngustofu auðveldara fyrir að bregð-
ast við þeim málum sem upp koma,“ segir Þórhildur Elín Elínardóttir
upplýsingafulltrúi Samgöngustofu.
Nýtt frumvarp í smíðum
AUÐVELDARA FYRIR SAMGÖNGUSTOFU AÐ BREGÐAST VIÐ
Þórhildur Elín