Morgunblaðið - 01.08.2014, Blaðsíða 17
FRÉTTIR 17Erlent
MORGUNBLAÐIÐ FÖSTUDAGUR 1. ÁGÚST 2014
POLAROIDPOLAROID
VEIÐIGLERAUGU
GUL, BRÚN OG GRÁ
MEÐ FJÆRSTYRK
TVÍSKIPT
ALVÖRU GLER,
STUTTUR AFGREIÐSLUTÍMI
HAMRABORG 10 | SÍMI: 554 3200 | SOS@EYEWEAR.IS | OPNUNARTÍMI VIRKA DAGA: 9:30-18
Bogi Þór Arason
bogi@mbl.is
Embættismenn Sameinuðu þjóðanna
hafa fordæmt sprengjuárás Ísraels-
hers á skóla sem hjálparstofnun sam-
takanna hefur notað til að hýsa flótta-
fólk á Gaza-svæðinu.
Fregnir herma að sextán manns
hafi beðið bana í fyrradag þegar árás
var gerð á skóla sem hýsti um 3.300
flóttamenn. Ban Ki-moon, fram-
kvæmdastjóri Sameinuðu þjóðanna,
sagði að árásin væri „óréttlætanleg“
og þeir sem fyrirskipuðu hana þyrftu
að sæta ábyrgð.
Þetta var önnur árásin á einni viku
á skóla sem hjálparstofnunin notar til
að hýsa flóttafólk. „Ég fordæmi harð-
lega þetta alvarlega brot Ísraelshers
á alþjóðalögum,“ sagði Pierre Krä-
henbühl, framkvæmdastjóri Palest-
ínuflóttamannahjálparinnar,
UNRWA. „Engin orð lýsa nógu vel
reiði minni og hneykslun.“
Navi Pillay, flóttamannafulltrúi
Sameinuðu þjóðanna, fordæmdi árás-
ir Ísraelshers á heimili, skóla og
sjúkrahús á Gaza-svæðinu og sagði
að svo virtist sem Ísraelar brytu gegn
alþjóðasáttmálum af ásettu ráði.
Vopn falin í skólum
Barack Obama, forseti Bandaríkj-
anna, gaf út varfærnislega orðaða
yfirlýsingu þar sem hann fordæmdi
árásina en forðaðist að taka fram að
Ísraelsher hefði verið að verki.
Talsmaður Ísraelshers sagði að
liðsmenn Hamas hefðu ef til vill skot-
ið flugskeyti á skólann. „Það er ekki
ljóst hvort skólinn varð fyrir árás
hermanna okkar eða hryðjuverka-
manna Hamas,“ sagði hann.
Chuck Hagel, varnarmálaráðherra
Bandaríkjanna, ræddi við starfs-
bróður sinn í Ísrael, Moshe Yaalon,
og lét í ljósi áhyggjur af mannfallinu
meðal óbreyttra borgara og hvatti til
vopnahlés. Skömmu síðar var skýrt
frá því að bandaríska varnarmála-
ráðuneytið hefði orðið við beiðni Ísr-
aelsstjórnar um að láta Ísraelsher í té
fleiri vopn, m.a. birgðir sem Banda-
ríkjaher geymir í Ísrael og eiga að-
eins að vera til notkunar í neyðar-
tilvikum.
Mannréttindasamtökin Amnesty
International hvöttu Bandaríkja-
stjórn til að hætta þegar í stað að sjá
Ísraelum fyrir vopnum og beita sér
fyrir banni við sölu vopna til Ísraels
og palestínskra hreyfinga sem gert
hafa árásir á landið.
Ísraelar hafa sakað liðsmenn
Hamas og fleiri palestínskra hreyf-
inga um að fela vopn í moskum og
skólum í íbúðahverfum og nota einnig
byggingarnar til að skjóta flug-
skeytum og sprengjum á Ísrael.
Starfsmenn Sameinuðu þjóðanna
segjast hafa fundið birgðir af flug-
skeytum í þremur skólum sem
hjálparstofnun samtakanna hefur
notað til að veita flóttafólki á Gaza
neyðaraðstoð, að sögn The Was-
hington Post. „Við fordæmum þá
hreyfingu eða þær hreyfingar sem
stofna lífi óbreyttra borgara í hættu
með því að koma þessum vopnum fyr-
ir í skóla okkar,“ hefur blaðið eftir
Chris Gunnes, talsmanni hjálpar-
stofnunar Sameinuðu þjóðanna.
„Þetta er svívirðilegt brot á hlutleysi
starfssvæða okkar.“
Arabaríkin óttast Hamas
Á sama tíma og flugskeyta- og
sprengjuárásir Ísraela hafa sætt vax-
andi gagnrýni vegna mikils mannfalls
meðal óbreyttra borgara hefur vakið
athygli hversu tregir ráðamenn í
grannríkjum Ísraels hafa verið til að
gagnrýna hernaðinn gegn Hamas.
Aaron David Miller, sérfræðingur í
málefnum Mið-Austurlanda, segir að
myndast hafi nýtt bandalag araba-
ríkja undir forystu Egyptalands sem
hafi í raun snúist á sveif með Ísr-
aelum í baráttunni gegn Hamas.
Hann skírskotar til landa á borð við
Jórdaníu, Sádi-Arabíu og Sameinuðu
arabísku furstadæmin.
Miller rekur þetta til þess að leið-
togar arabaríkjanna óttast aukin
áhrif róttækra íslamista í Mið-
Austurlöndum. Þessi ótti sé svo mikill
að hann vegi meira en óbeit þeirra á
Benjamin Netanyahu, forsætisráð-
herra Ísraels, og stjórn hans. „Ég hef
aldrei séð ástand eins þetta, þegar
svo mörg arabaríki sætta sig við
dauða og eyðileggingu á Gaza og
harða atlögu að Hamas,“ hefur The
New York Times eftir Miller, sem er
fræðimaður við hugveitu í Was-
hington og fyrrverandi samninga-
maður Bandaríkjanna í Mið-
Austurlöndum. „Þögnin er æpandi“.
Hamas-samtökin eiga rætur að
rekja til Bræðralags múslíma, sam-
taka Mohammeds Morsi sem her
Egyptalands steypti af stóli forseta
fyrir rúmu ári. Yfirmaður hersins,
Abdel Fattah al-Sisi, var síðar kjör-
inn forseti Egyptalands og hóf her-
ferð gegn Bræðralagi múslíma. Talið
er að hann vilji einnig leggja sitt af
mörkum til að koma Hamas frá
völdum á Gaza.
SÞ fordæma árás á flóttafólk
Saka Ísrael um brot á alþjóðasátt-
málum „Þögn arabaríkja æpandi“
AFP
Fórnarlambanna minnst Mótmælendur í Strassborg halda á spjöldum með nöfnum Palestínumanna sem hafa látið
lífið í árásum Ísraelshers á Gaza. Tveir þriðju þeirra sem liggja í valnum koma úr röðum óbreyttra borgara.
Heimild: Gagnasafn USAID, þróunarstofnunar Bandaríkjanna.
Ísrael er í öðru sæti á lista yfir lönd sem fá mestu aðstoð Bandaríkjanna
Fékk yfir 350milljarða króna í aðstoð
Afganistan
Ísrael
Írak
Egyptaland
Jórdanía
Kenía
Eþíópía
Pakistan
Suður-Afríka
Tansanía
3,1 milljarður $ (358 ma. kr)
9,9
1,9
1,5
0,9
0,8
0,7
0,7
0,5
0,5
Útlagt fé árið 2012
Hernaðarleg
(hernaðarleg)
Efnahagsleg
Ekkert lát á blóðbaðinu
» Ísraelsstjórn kvaðst í gær
ekki ætla að binda enda á árás-
ir hersins á Gaza fyrr en hann
hefði eyðilagt öll jarðgöng sem
Hamas-menn hafa grafið til að
gera árásir á Ísrael.
» Um 1.400 Palesínumenn
hafa látið lífið í árásum Ísr-
aelshers. Þar af eru um tveir
þriðju úr röðum óbreyttra
borgara.
» Að minnsta kosti 249 börn
hafa beðið bana í árásunum,
skv. síðustu fréttum í gær.
» Um 245.000 Palestínumenn
hafa þurft að flýja heimili sín.
Ástralskir og hollenskir sérfræð-
ingar í réttarvísindum komust í
fyrsta skipti í gær á staðinn í
austanverðri Úkraínu þar sem far-
þegaþota Malaysia Airlines hrapaði
17. júlí.
Sérfræðingarnir fóru á staðinn í
fylgd eftirlitsmanna frá Öryggis-
og samvinnustofnun Evrópu eftir
að stjórnarher Úkraínu gerði hlé á
árásum sínum á aðskilnaðarsinna.
Átök milli hersins og aðskiln-
aðarsinna höfðu tafið rannsóknina
á staðnum í tæpa viku. 298 manns
fórust þegar þotan hrapaði og talið
er að um 80 lík séu enn á staðnum.
Fréttamaður AFP á staðnum
sagðist hafa heyrt sprengingar og
séð mikinn reykmökk um 10 km frá
flaki þotunnar þegar sérfræðing-
arnir voru þar að störfum.
Rússneskir sérfræðingar hyggj-
ast einnig rannsaka flak þotunnar.
ÚKRAÍNA
Sérfræðingar kom-
ust á staðinn þar
sem þotan hrapaði