Morgunblaðið - 01.08.2014, Blaðsíða 14

14
MORGUNBLAÐIÐ FÖSTUDAGUR 1. ÁGÚST 2014
AUKIN ÞJÓNUSTA
VIÐ EIGENDUR SKODA
• Bílson er sérhæft og vottað þjónustuverkstæði sem
uppfyllir allar ströngustu kröfur Skoda.
• Fullkomin forgreiningarstöð þar sem greina má flest
allt um ástand bílsins og gæði.
• Bílson hefur gæðavottun Bílgreinasambandsins með gæðaúttekt frá BSI á Íslandi auk
starfsleyfis til endurskoðunar frá Samgöngustofu.
Við leitumst við að vera samstíga því besta í Evrópu.
Komið, sjáið og sannfærist.
Kletthálsi 9 • Sími 568 1090
- V E R K S T Æ Ð I Ð -
Í dag starfa um 12 þúsund manns í
byggingariðnaði, en miðað við þau
áform sem uppi eru má gera ráð
fyrir að fjöldi þeirra verði 14 til 15
þúsund. Þetta segir Friðrik Á.
Ólafsson, forstöðumaður bygging-
arsviðs Samtaka iðnaðarins.
Hann telur það ekki óeðlilegan
fjölda og bendir á að áður fyrr hafi
að jafnaði verið 12-15 þúsund
manns í byggingargeiranum.
Við hrunið var fyrirséð að mikil
fækkun yrði í greininni og í kjölfar-
ið var unnið að því að fjölga nýlið-
um í iðngreinum. Friðrik segir að
samt sem áður megi gera ráð fyrir
að flytja þurfi inn vinnuafl á næst-
unni, en hann vonast þó til að ein-
hverjir færi sig aftur yfir í bygging-
argeirann að nýju.
Það sem skiptir þó mestu máli, að
sögn Friðriks, er að stuðla að stöð-
ugleika. Sveiflan núna sé því ekki
óskastaða. Bendir hann á að í upp-
hafi árs hafi 10 þúsund manns unn-
ið í byggingargeiranum en að þeim
hafi fjölgað um tvö þúsund á hálfu
ári. „Hlutir eru að fara í gang og
það er margt í pípunum,“ segir
Friðrik en bætir við að þetta geti
ekki verið eilífar upp- og niður-
sveiflur. thorsteinn@mbl.is
Tvö þúsund bæst
við mannaflann
 Mikill vöxtur byggingargeirans í ár
Morgunblaðið/RAX
Í miðborginni Framkvæmdir við 21 smáíbúð á Lindargötu 28-32 eru hafnar.
FRÉTTASKÝRING
Þorsteinn Ásgrímsson
thorsteinn@mbl.is
Fjárfesting í nýjum hótelum og íbúð-
um í miðbæ Reykjavíkur á næstu
tveimur til þremur árum verður að
lágmarki 71 til 77 milljarðar króna.
Þetta hefur úttekt Morgunblaðsins
og mbl.is síðustu daga leitt í ljós, en
aðeins er um að ræða verkefni sem
hafa verið kynnt eða blaðið hefur
heimildir fyrir. Heildarupphæðin
gæti því verið talsvert hærri. Verk-
efnin eru talin upp í töflu hér til hlið-
ar. Meðal þeirra svæða sem verið er
að byggja eða endurhanna að stórum
hluta eru fjórir reitir á milli Lauga-
vegs og Hverfisgötu, stór svæði við
Borgartún og Höfðatorg, Skugga-
hverfið, Mýrargatan, Austurhöfn
auk Hafnarstrætisins. Hundruð
íbúða eru að rísa við Hlemm og í
Holtum.
Til ársins 2017 er áformað að reisa
tæplega 1.400 hótelherbergi í
Reykjavík. Stærsta framkvæmdin er
við Höfðatorg, en þar er áformað að
reisa 342 herbergja hótel og er áætl-
uð fjárfesting í því verkefni um átta
milljarðar. Fimm stjörnu hótel við
Hörpuna kemur þar næst á eftir, þar
er rætt um sex til sjö milljarða.
15-20 milljónir á herbergi
Eftir standa um 800 herbergi, en
sérfræðingar sem blaðið ræddi við
segja að kostnaður við hvert her-
bergi í Reykjavík sé almennt 15 til 20
milljónir. Fjárfesting í Icelandair
Kultura hótelinu er hér talin hluti af
kostnaði við Hljómalindarreit.
Fram kom í Morgunblaðinu í gær
að áformað er að byggja um 1.440
íbúðir miðsvæðis í Reykjavík á
næstu árum. Þá á reyndar eftir að
taka með væntanlegan fjölda á
tveimur reitum við Austurhöfn, en
þar gætu vel bæst við 100-200 íbúðir.
Erfitt er að meta meðalverð íbúða.
Það getur verið allt frá 13-16 millj-
ónir fyrir minni stúdíóíbúðir, sem
eru t.d. áformaðar á nokkrum reitum
við Laugaveg og upp undir 100 millj-
ónir í Skuggahverfinu, við Austur-
höfn eða í Mánatúni. Með varfærnu
mati, þar sem hver íbúð er metin á
um 30 milljónir, má áætla að fjárfest-
ing í íbúðum verði um 38 milljarðar á
tímabilinu. Til viðbótar við það bæt-
ist uppbygging á Hljómalindar-,
Vatnsstígs-, Brynju- og Frakka-
stígsreitum fyrir 10-12 milljarða, séu
195 til 206 íbúðir þar taldar með.
Að þeim frátöldum er fjárfesting á
reitunum 4-6 milljarðar króna.
Byggt við hlið Tollhússins
Heildarupphæð allra þessara
verkefna er því 71 til 77 milljarðar,
en þá á eftir að taka með nokkur stór
verkefni sem einnig gætu farið í
gang á tímabilinu. Uppbygging við
hlið Tollhússins á tveimur reitum
gæti t.d. hafist, en talan 10 milljarðar
hefur heyrst í því sambandi. Um er
að ræða 9.750 fermetra á reit 1 við
Tollhúsið og 15.500 fermetra á lóð-
inni fjær, sem er á móti Stjórnar-
ráðinu.
Á móti Arnarhóli festi svo Lands-
bankinn kaup á lóð sem hugsuð var
undir höfuðstöðvar bankans.
Ómögulegt er að spá fyrir hversu
dýr slík framkvæmd yrði, en leyfi-
legt byggingarmagn á reitnum er
16.500 fermetrar. Fjárfestingin mun
því hlaupa á einhverjum milljörðum,
hvort sem Landsbankinn eða annar
aðili byggir þar.
Milljarðar í Vesturbugt
Þá er á skipulagi uppbygging á
195 íbúðum og 8.000 fermetrum af
atvinnuhúsnæði í Vesturbugt, milli
Mýrargötu og Hótel Marina. Ljóst
er að slík uppbygging er upp á
nokkra milljarða ef af verður. Ekki
hefur verið tilkynnt formlega um
slíkt enn þá. Við hlið Borgarbóka-
safnsins er einnig lóð, sem nú er not-
uð undir bílastæði, þar sem deili-
skipulag leyfir uppbyggingu á sjö
hæða þjónustu- og skrifstofuhús-
næði, að hámarki 8.440 fermetrar.
Við Höfðatorg er svo hafin bygg-
ing 16 hæða hótelturns, en auk þess
eru þrír óbyggðir turnar á reitnum.
Fram hefur komið í Morgunblaðinu
að stefnt er að því að hefja fram-
kvæmdir við 12 hæða íbúðaturn við
Höfðatorg í haust og er kostnaður-
inn við hann áætlaður 5 milljarðar.
Hinir turnarnir tveir verða lægri.
Þá hefur Íslandsbankahúsið við
Lækjargötu verið til sölu, en þar er
áformuð mikil endurbygging sem
mun ná yfir nærliggjandi lóðir líka.
Einnig er áformuð mikil uppbygg-
ing á horni Laugavegs og Rauðarár-
stígs, gegnt utanríkisráðuneytinu.
Hvorugt verkefnið er talið með hér.
Að lokum hefur Reykjavíkurborg
lagt mikla fjármuni í endurbætur á
nokkrum götum í miðbænum síðustu
árin, svo sem Laugavegi, Hverfis-
götu og Klapparstíg. Heildarfjár-
festing í miðbænum árin 2014-2017
gæti því senn nálgast 100 milljarða.
Við þessa samantekt er ekki tekið
tillit til fjárfestingar einkaaðila í
breytingum á íbúðum og heilu fjöl-
býlishúsunum þannig að bygging-
arnar henti undir rekstur íbúðahót-
ela. Erfitt er að áætla hana.
Miðbærinn tekur hamskiptum
 Fjárfest í nýjum íbúðum, atvinnuhúsnæði og hótelum í miðbænum fyrir 71-77 milljarða 2014-2017
 Gæti hæglega farið yfir 100 milljarða  Margar aðrar framkvæmdir í sjónmáli í hjarta borgarinnar
Morgunblaðið/Þórður
Breytir borginni Hörpureiturinn er einn margra í miðborg Reykjavíkur þar sem mikil uppbygging er fyrirhuguð á næstu misserum.
Fjárfestingar í miðborg
Reykjavíkur 2014-2017
Lausleg áætlun í milljónum króna*
Höfðahótel
Hótel við Hörpu
Önnur hótel
Íbúðir
Hljómalindarreitur
Brynjureitur
Vatnsstígsreitur
Frakkastígsreitur
Samtals
Sé miðað við ríflegra mat á
hótelkostnaði og íbúðum**
8.000
6.000
9.825
37.590
3.500
2.500
1.000
3000
71.415
76.690
*Samkvæmt úttekt Morgunblaðsins og
mbl.is síðustu daga.**Í dæminu hér fyrir
ofan er miðað við að bygging nýs hótelher-
bergis kosti 15 milljónir, í neðra dæminu að
það kosti 20 milljónir. Þá er í ríflegra matinu
miðað við efri mörk í kostnaðaráætlun
fyrir Brynju-, Hljómalindar-, Frakkastígs og
Vatnsstígsreit, sem er alls 12 milljarðar.
Gististaðir spretta upp í miðbænum