Morgunblaðið - 01.08.2014, Page 33
MENNING 33
MORGUNBLAÐIÐ FÖSTUDAGUR 1. ÁGÚST 2014
Sími: 553-2075 www.laugarasbio.is
Miðasala og nánari upplýsingar
LAUGARÁSBÍÓ Sýningartímar
Tilboð í bíó GILDIR Á ALLAR SÝNINGARMERKTAR MEÐ RAUÐU
"Ég hló svo mikið að ég skammaðist mín”!"
-Guardian
ÍSL.
TAL
"Þú sérð ekki fyndnari mynd í sumar!"
-T.V., Biovefurinn.is
L
L
12
12
14
14
NIKULÁS LITLI Sýnd kl. 3:55 - 5:50 - 8
HERCULES Sýnd kl. 8 - 10:10 (P)
SEX TAPE Sýnd kl. 8 - 10:10
PLANET OF THE APES 3D Sýnd kl. 10:10
22 JUMP STREET Sýnd kl. 5
AÐ TEMJA DREKANN 2D Sýnd kl. 5
Þau gerðu myndband
sem þau vilja alls ekki að þú sjáir
CAMERON DIAZ
JASON SEGEL
DWAYNE JOHNSON
A BRETT RATNER FILM
DISCOVER THE TRUTH
BEHIND THE LEGEND
POWERSÝNINGKL. 10:10
í 3D
-New York Daily News
★ ★ ★ ★ ★
Sífellt bætist í flóru útihátíða sem
haldnar eru yfir verslunarmanna-
helgina en Þjóðhátíðin í OblaDal
verður haldin í fjórða sinn komandi
sunnudag. Hátíðin fer fram á
Frakkastígnum milli kl. 14 og 18 en
aðgangur er ókeypis á úti-
tónleikana. „Þetta er og hefur frá
upphafi verið fyrst og fremst til
gamans gert, fyrir þá sem leið eiga
um Laugaveginn þennan dag,“ segir
Tómas M. Tómasson, tónlistarstjóri
hátíðarinnar og skemmtistaðarins
Obladí Oblada, sem er við Frakka-
stíg. „Þegar við héldum hátíðina
fyrst spiluðu hljómsveitirnar bara
úti á gangstétt fyrir utan Obladí og
einu sinni fengum við að fara upp á
tröppur á húsi hinum megin á
Frakkastígnum,“ segir Tómas
sposkur. „Nú hefur hátíðinni hins
vegar vaxið fiskur um hrygg og
verður haldin á bílastæðinu á móti
Obladí.“ Tómas býst við góðri að-
sókn. „Síðustu ár hefur talsverður
fjöldi fólks rennt við hjá okkur, bæði
Íslendingar og útlendingar. Það er
líka vonandi að veðrið verði jafngott
á sunnudaginn og það hefur verið
síðustu daga. Veðurspáin sýndist
mér vera góð síðast þegar ég gáði
en það getur auðvitað breyst.“
Úrval tónlistarfólks verður á há-
tíðinni. „Meðal flytjenda má nefna
Bítladrengina blíðu og Gæðablóð.
Ætli stærstu nöfnin séu ekki Andr-
ea Gylfadóttir og bíóbandið henn-
ar,“ segir Tómas. „Annars má segja
að á tónleikum sunnudagsins verði
úrvalið af þeim tónlistarmönnum
sem komið hafa hvað oftast fram á
Obladí Oblada,“ segir Tómas og
býður alla velkomna á Þjóðhátíðina í
OblaDal. gith@mbl.is
Góðir Hljómsveitin Gæðablóð verður meðal flytjenda á útitónleikunum.
Þjóðhátíðin í Obla-
Dal um helgina
Tónleikar á Frakkastíg á sunnudag
Uppreisn er önnur bókin íþríleik danska rithöf-undarins Jakobs Ej-erbos. Sú fyrsta, Útlagi,
kom út hér á landi í
fyrra og þar sagði frá
erlendum unglingum í
Tansaníu, en sjálfur
ólst Ejersbo upp þar.
Eins og sú fyrri er
þessi afbragðsvel þýdd
af Páli Baldvini Bald-
vinssyni.
Ólíkt Útlaga er Upp-
reisn ekki heilsteypt
frásögn, heldur skiptist
í níu frásagnir þar sem
mismunandi persónur
segja frá. Allar hafa
þær tengsl við Tansan-
íu, þó mismikil og mis-
sterk.
Sögusviðið er m.a. Helsinki,
Kaupmannahöfn, Dúbaí, Tansanía
og Chicago. Persónurnar námu-
verkamenn í eðalsteinanámu, Græn-
lendingar í Danmörku, læknir í
Bandaríkjunum, öryggisvörður í
Finnlandi og indverska unglings-
stúlkan Baby. Fjölbreyttur hópur,
sem engu að síður á ýmislegt sam-
eiginlegt; allar persónurnar eru
meira eða minna menningarlega
rótlausar, vita ekki alveg hvar þær
eiga heima. Spilling, illska, ást, svik,
alls konar ofbeldi og barátta um
völd á ýmsan hátt einkennir sam-
skipti þeirra.
Í best skrifaða og jafnframt
lengsta kafla bókarinnar, sem síðan
skiptist í 48 kafla, segir frá þjón-
ustustúlkunni Rakel, sem er komin
frá litlu heimaþorpi sínu til borg-
arinnar Moshi í Tansaníu og er
staðráðin í að breyta lífi sínu til hins
betra, læra ensku og vinna hörðum
höndum. Það er þó hægara sagt en
gert fyrir saklausa og bláfátæka
stúlku sem býr við það ömurlega
hlutskipti, sem bíður
kvenna víða í heim-
inum, að eiga fárra
annarra kosta völ en
að gifta sig til að hafa í
sig og á.
Sagnagáfa Ejersbos
er ótvíræð og persónu-
sköpun með því betra
sem gerist, burtséð frá
því hvort hann skrifar
um karla eða konur.
Sögurnar grípa þétt-
ingsfast, vissulega
mismikið en hafa allar
mikla dýpt. Tónninn
er óvæginn og harður,
en á sama tíma lýsir
Ejersbo með mikilli meðaumkun og
skilningi á öllu því sem getur nú
komið fyrir fólk í lífinu. Ekkert er
einfalt, hlutirnir hvorki svartir né
hvítir heldur bara allskonar. Eða
eins og hinn finnski Jarno segir:
Maður er hvorki góður né illur –
bara tækifærissinnaður. Við erum
ólík, það sem einum er hollt, tortím-
ir öðrum. (329). Eins og fyrri bókin
er þetta ekki hugguleg lesning, en
alveg óskaplega góð.
Þéttingsfast
og óvægið
Skáldsaga
Uppreisn Eftir: Jakob Ejersbo, JPV 2014, 403
blaðsíður.
ANNA LILJA ÞÓR-
ISDÓTTIR
BÆKUR
Gallerí Gámur er tilraunaverkefni
myndlistarmannsins Mekkínar
Ragnarsdóttur en í fréttatilkynn-
ingu frá henni segist hún hafa ver-
ið orðin þreytt á því að sýna inni í
þar til gerðum sýningarrýmum og
listasölum, þangað sem alltaf kem-
ur sama fólkið. Hún ákvað því að
færa listina til fólksins og ferðast
nú á milli útihátíða með gám. Í
honum setur hún upp myndlist-
arsýningar og kveður marga koma
inn í gáminn sem ekki hafa lagt í
vana sinn að sækja myndlistarsýn-
ingar. „Ég hef eytt miklum tíma í
að tala við almenning um grunn-
tilgang myndlistar. Fólk sem
myndi aldrei leggja það á sig að
ganga inn á myndlistarsýningu,
„villist“ inn í gáminn og spurn-
ingaflóðið fer í gang. Auðvitað ger-
ist það að fólk gengur inn, snýr sér
í einn hring og fer út. En svo eru
margir sem gefa sér tíma og segja
mér að þeir fari aldrei á listsýn-
ingar og viti ekkert um listir,“ seg-
ir Mekkín í fréttatilkynningunni.
Gallerí Gámur virðist því ná til
þeirra sem hafa hingað til ekki sótt
hefðbundnar listsýningar.
Um þessar mundir er sýningin í
gámnum eftir Mekkín sjálfa. Sýn-
ingin er málverkasýning þar sem
hún skoðar birtingarmynd líkams-
ímyndar í gegnum leikföng barna
og málar portrettmyndir af nöktum
dúkkum. Í gámnum eru einnig til
sýnis og sölu skartgripir eftir
Mekkín sem unnir eru úr perlum
eftir hefðum indíána í Bandaríkj-
unum. Perlurnar eru handgerðar af
glerlistakonu í Bandaríkjunum úr
endurunnu gleri en Mekkín segir
perlur vannýtt hráefni í íslenskri
list.
Mekkín hefur þegar sýnt í Gall-
erí Gámi á Mærudögum á Húsavík
en gámurinn verður næst staddur
á hátíðinni Einni með öllu á Ak-
ureyri. Í lok ágúst stefnir Mekkín á
að sýna á Akureyrarvökunni.
gith@mbl.is
Gallerí Gámur flytur
listina út meðal fólksins
Myndlistarmað-
urinn Mekkín Ragn-
arsdóttir sýnir mynd-
list í gámi og flytur
hann á milli útihátíða
Gámur Mekkín segir marga skoða myndlist í Gallerí Gámi sem ekki sækja
reglulega hefðbundnar listsýningar.