Þjóðlíf - 01.12.1987, Blaðsíða 47

• Ingibjörg Arnardóttir hefur náð lángt á stuttum tíma.
Framtíðin er hennar
Ingibjörg Arnardóttir í sundlandsliöinu
HÚN ER AÐEINS 15 ára gömul, hefur æft
sund frá því hún var tíu ára og náð langt á
stuttum tíma. Hún hefur sett 12 unglingamet
í sundgreinum og eitt íslandsmet. Hún segist
eiga þá ósk heitasta að komast á Ólympíu-
leikana 1988. PJÓÐLÍF ræddi við þessa
ungu afrekskonu fyrir nokkru. Þess má geta,
að Ingibjörg á ekki langt að sækja sund-
áhugann eða -hæfileikana því móðir hennar
er Vilborg Júlíusdóttir, sem á árum áður
hreppti mörg verðlaunin fyrir langsund, en
langsundið er einnig sterkasta grein Ingi-
bjargar.
Hvenær byrjaðir þú að æfa sund og hvers
vegna?
„Ég byrjaði að æfa fyrst af alvöru þegar ég
var tíu ára. Áður var ég búin að prófa nokkr-
ar íþróttagreinar, en það sem ég held að hafi
ráðið úrslitum um að ég valdi sundið var að
ég fílaði mig best þar. Svo getur verið að
pabbi og mamma hafi haft mikil áhrif á mig,
en þau höfðu bæði æft sund af kappi áður
fyrr.“
Hvaða markmið hefurðu?
„Að bæta mig!“
Hvemig gengur að samræma sund og
skóla?
„Það gengur bara ágætlega, ef maður
vinnur nógu skipulega. Ég er nú í 9. bekk í
Laugalækjarskóla.“
Hvað æfirðu oft í viku?
„Ég æfi níu sinnum; fimm sinnum að
kvöldi frá 18.30 til 21 og fjórum sinnum á
morgnana og þá klukkutíma í senn og svo
einnig á laugardögum. Einnig æfi ég lyftingar
þrisvar sinnum í viku, hálftíma í senn.“
Ertu ánægð með félagið sem þú æfir með,
Ægi?
„Mórallinn í Ægi er mjög góður að mínu
mati og við höldum hópinn ef við getum,
förum í bíó og svoleiðis.“
Er sundið almennt á upp- eða niðurleið?
„Ég tel sundið almennt vera í miklum
framförum í dag og vona að það haldi
áfram.“
Ertu ánægð með þjálfarann þinn?
,,Já. Hann kemur frá Svíþjóð þar sem
hann hefur lært sundþjálfun. Hann er mjög
inni í sálfræðihliðinni á okkur, hefur mjög
góð tök á hópnum og hvetur hann óspart til
dáða.“
Hvað heldurðu að þú munir æfa sund í
mörg ár í viðbót?
„Eg held að það fari eftir því hvernig mér
gengur á næsta keppnistímabili."
Áttu kærasta?
Ekki er laust við að Ingibjörg roðni, enda
nærgöngul spurning. Hún svarar neitandi.
Hefurðu unnið einhvem titil í ár?
„Ég hef unnið 400 m fjórsund A innan-
húss á Meistaramóti íslands. Aðalkepnis-
greinar mínar eru 1500, 800 og 400 m skrið-
sund, 200 m flugsund og fjórsund."
Hver em bestu ár ævi þinnar sem sund-
manneskju?
„Þegar ég setti íslandsmet í 800 m skrið-
sundi 1985 og einnig er ég var valin í lands-
liðið.“
Eftirminnilegasta sundið?
„200 m flugsundið á bikarnum í Hafnar-
firði 1985.“
Draumatakmark?
„Að komast á Ólympíuleikana 1988 í 200
m flugi eða 800 m skriði.“
Hver era helstu vonbrigðin hjá þér?
„Það er hve oft ég verð lasin fyrir mót, t.d.
slasa mig. Það er ömurlegt, því að á mótum
gefst einmitt kostur á að ná því takmarki sem
maður hefur stefnt að allar síðustu vikur eða
mánuði.“
Áhugamál?
„Hitta vini og íþróttir.“
Hvemig líður þér best?
„Þegar ég kem heim af góðri æfingu, er
búin að borða góðan mat og fæ góðan eftir-
rétt.“
Hefurðu lent i erfiðleikum í sundinu?
„Sund er mjög erfið og krefjandi íþrótt.
Helstu erfiðleikarnir eru þeir að geta yfir-
stigið þreytu og leiða sem koma upp af og til
við erfiðar æfingar. Einnig kemur upp leiði
ef maður bætir sig ekki í langan tíma.“
Hvað finnst þér best í fari fólks?
„Þegar það getur gert grín að sjálfu sér.“
Hver er afstaða þín til sundmála á íslandi í
dag?
„Mér finnst að það ætti að leggja meira
upp úr utanlandsferðum. Þá meina ég að
með því móti gefst okkur kostur á að keppa
við fólk á okkar mælikvarða. Einnig finnst
mér að það megi leggja meira upp úr því að
hafa fleiri mót fyrir eldri flokkana og þá
meina ég bæði kvenna- og karlaflokk. Mér
finnst að það ætti að vera meira jafnvægi
milli unglingamóta og almennra sundmóta
þar sem allir hópar keppa. Það eru t.d.
aðeins þrjú mót fyrir eldri hópa á hverju ári,
en það liggur við að það sé mót um hverja
helgi hjá okkur í yngri flokkunum.“
Hver er þinn besti vinur?
„Ég á svo marga vini að ég vil ekki gera
upp á milli þeirra.“
En versti óvinur?
„Sælgætisframleiðandi!“
• Anna Gunnarsdóttir
47