Dagblaðið Vísir - DV - 03.08.2012, Blaðsíða 16

16 Fréttir 3.–7. ágúst 2012 Helgarblað
Greiða ekki
auðlegðar-
skatt
Forsetahjónin Ólafur Ragnar
Grímsson og Dorrit Moussaieff
greiða ekki auðlegðarskatt á Íslandi
en eins og flestir vita er Dorrit af
afar auðugum ættum. Auður henn-
ar virðist hins vegar ekki vera til
staðar hér á landi og er líklega
geymdur utan landsteinanna, eða
enn í nafni fjölskyldunnar og ekki
hennar sjálfrar. Viðskiptablaðið
greinir frá þessu. Eignir fjölskyldu
Dorritar eru metnar á tugi millj-
arða og voru eignir fjölskyldunn-
ar meðal annars taldar upp á lista
Time um auðugustu einstaklinga
heims. Í Viðskiptablaðinu kemur
fram að lítið er vitað um eignir for-
setahjónanna. Þau eiga þó einbýl-
ishús í Mosfellsbæ, sem þau festu
kaup á í lok síðasta ár.
Samkvæmt upplýsingum frá
ríkisskattstjóra eru 5.212 einstak-
lingar á landinu sem greiða auð-
legðarskatt, eða sem nemur 1,6
prósentum þjóðarinnar.
Bæði forseti Íslands og maki
hans greiða skatta og gjöld af tekj-
um sínum. Hjón eru, lögum sam-
kvæmt, samsköttuð þar sem auð-
legðarskattur er aðeins lagður á
hreinar eignir umfram 100 millj-
ónir. Því má draga þá ályktun að
eignir forsetahjónanna nái ekki
þeirri tölu.
Samfélags-
þjónusta í
stað fangelsis
Tveir fyrrverandi starfsmenn
Kaupþings, þeir Daníel Þórðar-
son og Stefnir Agnarsson, sem
dæmdir voru til sex mánaða
fangelsisvistar fyrir markaðs-
misnotkun, fengu að sinna
samfélagsþjónustu í stað af-
plánunar. Viðskiptablaðið
greinir frá þessu.
Mennirnir inntu af hendi
240 klukkustunda samfélags-
þjónustu í stað fangelsisdóms-
ins. Í samfélagsþjónustu er
litið svo á að 40 klukkustunda
vinna jafngildi afplánun eins
mánaðar fangelsisrefsingar.
Hægt er að taka út refsingu sína
í samfélagsþjónustu sé dómur-
inn ekki þyngri en níu mánaða
fangelsi. Samfélagsþjónustan
felur í sér tímabundið ólaunað
starf í þágu samfélagsins eins
og líknar- eða hjálparstörf.
FORNIR FJENDUR
KEPPA Á MARKAÐI
É
g fagna allri samkeppni svo lengi
sem hún er á heiðarlegum nót-
um,“ segir Jón Gerald Sullen-
berger, eigandi lágvöruverðs-
verslunarinnar Kosts. Hann
á í beinni samkeppni við fyrirtæk-
ið Iceland, nýopnaða lágvöruverðs-
verslun Jóhannesar Jónssonar, sem
áður var kenndur við Bónus en vill nú
vera kallaður Jóhannes í Iceland. Báð-
ar verslanirnar eru í Kópavogi svo ætla
má að hart verði barist um viðskipta-
vini. „Við höldum auðvitað bara okk-
ar striki og flytjum áfram inn vörur
frá Bandaríkjunum og Evrópu,“ segir
Jón. „Baugsfeðgar stunduðu ekki heil-
brigða og heiðarlega samkeppni hér
áður fyrr og það varð þeim að falli,“
segir hann og bætir við: „Nú er bara
spurning hvort menn hafi lært af mis-
tökum sínum og fyrri reynslu.“
Elda grátt silfur
Kalt hefur verið á milli Jóns Geralds og
Baugsfeðga eftir að Baugsmálið svo-
kallaða tröllreið þjóðmálaumræðunni.
Málið hófst með kæru Jóns Geralds á
hendur Jóni Ásgeiri Jóhannessyni en
því lauk ekki til fulls fyrr en í desem-
ber á síðasta ári þegar síðasti dómur-
inn féll. Nafnarnir Jón Gerald og Jón
Ásgeir komu illa út úr Baugsmálinu og
voru báðir dæmdir í þriggja mánaða
skilorðsbundið fangelsi fyrir hlutdeild
í sama broti. Um var að ræða bóka-
haldsbrot sem hafði með útgáfu á til-
hæfulausum kreditreikningi að gera.
Ásælist ekki 10-11
Um 70 prósent af vörum Iceland eru
framleiddar hér á landi en Malcolm
Walker, meðeigandi Jóhannesar, sér
versluninni fyrir aðfluttum vörum. Að
sögn Jóhannesar er Walker traustur
bakhjarl Iceland á Íslandi. „Ég reikna
með að þetta verði 50–50 hjá okk-
ur,“ segir Jóhannes um eignarhaldið.
Walker er á grænni grein, enda
keypti hann nýlega 77 prósenta hlut í
Iceland-verslanakeðjunni í Bretlandi
af slitastjórn Landsbankans. Fram
kom á vef Reuters að Walker hefði afl-
að lánsfjár til kaupanna að jafnvirði
175 milljarða íslenskra króna.
Orðrómur hefur gengið að undan-
förnu um að Jóhannes Jónsson og son-
ur hans hyggist leggja undir sig 10–11.
Í samtalinu við DV vísaði Jóhannes því
alfarið á bug.
„Ekki svaravert“
Jón Gerald og Jóhannes hafa átt
í nokkru orðaskaki á vef DV. Sá
fyrrnefndi kvaddi sér hljóðs þegar
Jóhannes var á Beinni línu DV.is á
miðvikudaginn. Jón Gerald spurði
hvað orðið hefði um fjármunina sem
Jóhannes, Jón Ásgeir og Ingibjörg
kona hans leystu út með sölu hluta-
bréfa í Baugi, en Jóhannes svaraði á
þá leið að peningarnir hefðu ekki far-
ið í þeirra vasa heldur til Kaupþings.
Í kjölfar orðaskiptanna á Beinni línu
skrifaði Jón Gerald harðort bréf til Jó-
hannesar þar sem hann vitnar í skýrslu
rannsóknarnefndar Alþingis máli sínu
til stuðnings. Hann spyr hvort ekki sé
rétt að félögin Gaumur ehf., Gaumur
Holding, ISP ehf. og Baque S.A. hafi
fengið greidda 15 milljarða rétt fyrir
bankahrunið. Aðspurður hvort hann
ætli ekki að svara Jóni Gerald segist Jó-
hannes ekki hafa lesið bréfið og ekki
hafa í hyggju að gera það. „Ég les yf-
irleitt ekki neitt af því sem frá honum
kemur. Þetta er ekki svaravert,“ segir
hann.
Baugur og skýrslan
Jón Gerald stendur fast á því að Jó-
hannes hafi ekki svarað spurningu
sinni heiðarlega heldur vikið sér
undan henni. Þegar sama spurning
var borin upp við Jóhannes í sam-
tali við DV svaraði hann á þá leið að
viðskiptin hefðu verið gerð að kröfu
Kaupþings og þar að auki hefði fé-
lagið verið gjaldfært þegar þau fóru
fram.
Í áttunda kafla rannsóknarskýrsl-
unnar kemur meðal annars fram að
Baugur notaði hluta af sölutekjum
sínum af því að selja Haga til 1998
ehf. til að kaupa eigin hlutabréf af
stærstu eigendum sínum. Hlutaféð
hafi verið 15 milljarða virði og ekki
verði séð að félagið hafi selt öðrum
hlutaféð síðar. Þannig hafi eigend-
ur Baugs tekið til sín hluta af fjár-
munum félagsins, án þess að nokk-
uð lægi fyrir um hvort hagnaður yrði
af rekstri þess árið 2008. „Í eðli sínu
jafngildir þetta arðgreiðslu, en með
útgreiðslu á þessu formi var komist
hjá því að uppfylla þyrfti skilyrði sem
lög setja fyrir arðgreiðslum úr félög-
um,“ segir í skýrslunni. Aðspurður
hvort honum finnist það sem fram
kemur í skýrslunni ekki vera rétt seg-
ist Jóhannes þurfa að setjast niður
og kynna sér málin betur til að geta
svarað því.
n Jóhannes er kominn aftur n „Þetta er ekki svaravert“ n Jón Gerald í hart
Jóhann Páll Jóhannsson
blaðamaður skrifar johannpall@dv.is
Óvildarmaður
Baugsfeðga „Ég
fagna allri samkeppni,“
segir Jón Gerald um
leið og hann hjólar í
Jóhannes.
Kominn aftur
Jóhannes vill láta kalla
sig Jóhannes í Iceland,
frekar en Jóhannes í
Bónus.
„Baugsfeðgar
stunduðu ekki
heilbrigða og heiðarlega
samkeppni hér áður fyrr
og það varð þeim að falli.