Dagblaðið Vísir - DV - 03.08.2012, Blaðsíða 28
28 Umræða 3.–7. ágúst 2012 Helgarblað
Vinsæl
ummæli
við fréttir DV.is í vikunni
„Maðurinn veit
ekkert hvað hann
er að segja. Það eru
engar hrygningargöngur
á fiski í Eiðavatni. Það eru
kannski tveir menn sem
vita hvar bleikjan í Eiðavatni
hrygnir og hún hrygnir ekki
á þessum tíma. Honum
væri nær að sýna Eiðastað
einhvern sóma í stað þess að
láta allar húseignir drabbast
niður honum til háborinnar
skammar.“
Örn Ragnarsson um frétt af
því að Sigurjón Sighvatsson
væri viss um að veiðiþjófn-
aður væri stundaður í Eiðavatni.
„Ömurleiki Alþingis
mun klárlega ekki
minnka þegar þessir
kjánar fara að birtast þar.“
Halldór Sverrisson um frétt
af klofningi og illdeilum innan
Heimdallar, félags ungra sjálf-
stæðismanna í Reykjavík.
„Þegar snillingur tjáir
sig um snillinga er
útkoman snilld!“
Heimir Bergmann um frétt
af ummælum forseta Íslands í
Time um að handbolti sé hluti af
innsta kjarna þjóðarinnar.
„Forsetinn okkar er
alltaf til sóma, hvar
sem hann fer. Ís-
lenska landsliðið í handbolta
er þvílíkur kraftaverkahópur
að við megum vera virkilega
stolt af þessum strákum.
Lítil þjóð en samt stórasta
þjóð í heimi. Hr. Ólafur er
mikill aðdáandi liðsins, og
vill votta þeim virðingu sína.
Flott mál.“
Sveinn Valgeirsson um frétt
af ummælum forseta Íslands í
Time um að handbolti sé hluti af
innsta kjarna þjóðarinnar.
„Ef allt fer að óskum
Nubos mun þar rísa
fimm stjörnu lúxus-
hótel, hestabúgarður og
átján holu golfvöllur. Þegar
fyrsta holan í opna Nu-
bomótinu verður leikin, skal
ég éta hatt minn og staf.“
Gísli Ásgeirsson um frétt af
efasemdum verkalýðsforingjans
Aðalsteins Baldurssonar um
heilindi Huang Nubos.
„Eitt er víst Gísli, að
það kemur þú aldrei
til með að þurfa að
gera, farðu vel með hattinn
og stafinn.“
Baldur Bjarnason sem skrifar
ummæli við yfirlýsingu Gísla við
Nubo-fréttina.
„Og Tryggvi Her-
bertsson segir að
þingfarakaup sé svo
lágt að það sé varla hægt
að lifa á því. Hann ætti að
prufa að hafa 200 þúsund í
heildarlaun.“
Axel Bragi Andrésson um
úttekt DV á launakjörum þing-
manna samkvæmt álagningar-
skrá ríkisskattstjóra.
17
6
26
6
Sigurbjörn Bárðarson: Er
stefnan að opna fleiri
Iceland-búðir? Ef þá, eru
komnar hugmyndir um staðsetningar á
þeim?
Jóhannes Jónsson: Það er alfarið
undir neytendum komið hvort við
opnum fleiri búðir, en mér hafa verið
boðnar staðsetningar.
Anna Sverrisdóttir: Ég óska
þér til hamingju með nýju
búðina. Stefnir þú að því að
þarna verði lægsta vöruverðið?
Jóhannes Jónsson: Já, já.
Baldur Guðmundsson:
Hvernig verður Iceland-versl-
unin frábrugðin hinum
búðunum hérna á Íslandi? Hafið þið
sérstöðu?
Jóhannes Jónsson: Við flytjum
með okkur sérstöðu Iceland-versl-
ananna í Bretlandi og þær vörur
sem þær verslanir eru þekktar fyrir.
Við erum með 300 tegundir, sem
ekki eru seldar annars staðar.
Sigurrós Einarsdóttir: Hljóta
þá íslenskar vörur minni sess í
þessari verslun og ef svo er ...
hyggst þú breyta því eða halda í þá
sérstöðu sem verslanirnar hafa í
Bretlandi?
Jóhannes Jónsson: Nei alls ekki,
þetta er bara viðbót. Sjötíu prósent
af vöruvalinu eru íslenskar vörur,
sem fólk þekkir.
Fundarstjóri: Spurning barst
á netfangið ritstjorn@dv.is:
Hvernig tilfinning er það að
vera nú kominn í harða samkeppni við
Bónus sem kalla mætti „barnið þitt“. Er
þetta ekki skrýtin aðstaða til að vera í?
Jóhannes Jónsson: Nei, maður er
ekki í neinni tilfinningakreppu með
það, það eru orsakir og afleiðingar
fyrir því og lífið heldur bara áfram.
Ísak Hinriksson: Hvað skuldar
þú mikið?
Jóhannes Jónsson: Ég
skulda ekki neitt.
Jogvan Nordvik: Sæll
Jóhannes. Áttu von á því að ná
langt með þessar verslanir í
ljósi gjaldþrots ykkar hjá Baugi?
Jóhannes Jónsson: Ég vona að
þeim verði vel tekið og neytendur
sjái sér hag í að versla við mig.
Reynir Traustason: Ertu ekki í
vonlítilli samkeppni nema fá
inni hjá Aðföngum sem þú
sjálfur komst á legg?
Jóhannes Jónsson: Nei alls
ekki – ég geri bara betur. Það er til
viðskiptalíf fyrir utan Aðföng.
Jóhann Benediktsson: Af
hverju ákvaðstu að hafa
Iceland-búðina í eins afskekktu
hverfi og Engihjallinn er?
Jóhannes Jónsson: Ég tel þetta
góða staðsetningu fyrir fyrstu búð-
ina, mörg bílastæði í þéttbýlasta
íbúðakjarna á höfuðborgarsvæðinu.
Þórdís Gunnarsdóttir: Sæll
kæri Jóhannes, ég var svolítið
svekkt að sjá að Neutral-pakk-
inn hjá ykkur kostar yfir 900 kr. á meðan
ég get fengið hann á 800 kall í Nóatúni,
ætlaðir þú ekki að vera lægri en sú
okurbúð?
Jóhannes Jónsson: Jú, og ég er
það – þetta mál þarf ég bara að
kanna.
Símon Reynisson: Hefur þú
hugsað þér að reyna fyrir þér á
öðrum sviðum viðskiptalífsins
en rekstri matvælaverslana?
Jóhannes Jónsson: Það verður þá
ekki fyrr en eftir áttrætt.
Ásgeir Jónsson: Hvernig
heilsan? Ertu búinn að ná þér
að fullu? Fólk talar oft um að
svona hlutir breyti viðhorfi fólks til
lífsins. Er það tilfellið hjá þér?
Jóhannes Jónsson: Hún er alveg
stórfín, þakka þér, endurfæddur og
til í allt. Maður lærir á öllu.
Sveinn Hansson: Sæll
Jóhannes. Hvað þurfti að
afskrifa marga milljarða í
fyrirtækjum sem þú áttir í og fóru á
hausinn?
Jóhannes Jónsson: Það er bara
ekki komið í ljós.
Binni Rögnvalds: Sæll
Jóhannes. Gætir þú hugsað þér
að vera með sérstöðu á hollri
matvöru ? Þ.e. vera með lægra verð á
ávöxtum, grænmeti, kjúklingi og fiski en
samkeppnisaðilarnir ?
Jóhannes Jónsson: Stefnan er að
vera ódýrastur á öllum sviðum.
Fundarstjóri Spurning barst á
ritstjorn@dv.is: Haraldur V.
Ágústsson spyr: Ert þú eigandi
eða hluthafi að Sport Direct, Splass og
365 miðlum? Heyrst hefur að Jón Ásgeir
komi að daglegum rekstri Iceland, hvað
er til í því? Hann hefur sést í versluninni
að störfum.
Jóhannes Jónsson: Nei, ég er ekki
hluthafi í þessum fyrirtækjum. Jón
kemur ekki að rekstri Iceland.
Reynir Traustason: Hver voru
stærstu mistökin í rekstri
Baugs?
Jóhannes Jónsson: Kaup á hlutafé
í FL Group í desember 2007.
Sveinn Hansson: Voru
hlutabréfin í FL Group ekki
keypt til að ná völdum í
Íslandsbanka?
Jóhannes Jónsson: Þetta átti
bara að vera góð fjárfesting, sem
síðar reyndist ekki vera.
Jóhann Benediktsson: Mynd-
ir þú vilja hugsa að gera það
sem aðrar búðir vilja ekki. Hafa
50 prósenta afslátt af grænmeti og
ávöxtum á laugardögum?
Jóhannes Jónsson: Aðalatriðið
er að verðið sé lágt, en ekki sérstök
afsláttarprósenta.
Agnar Júlíusson: Nú er engin
verslun á Ásbrú (gamla varnar-
svæðið) síðan Samkaup lét sig
hverfa þaðan. Ertu til í að skoða að opna
þar útibú? Sem gæti þá þjónustað Garð,
Sandgerði og Reykjanesbæ líka :)
Jóhannes Jónsson: Ég er til í að
skoða allt.
Sveinn Hansson: Ert þú
stuðningsmaður Guðlaugs
Þórs Þórðarsonar?
Jóhannes Jónsson: Ég er stuðn-
ingsmaður allra einstaklinga – hans
ekkert frekar en annarra.
Kristján Þorláksson: Í ljósi
skýrslu Samkeppnisstofnunar,
hafa íslenskir birgjar almennt
tekið vel á móti þér ?
Jóhannes Jónsson: Ég kvarta ekki
yfir þeim.
Ágúst Jónatansson: Hver er
viðskiptabanki Iceland-búð-
anna hér á landi ?
Jóhannes Jónsson: MP banki
Ísak Hinriksson: Myndirðu
segja að þú sért einn af
svokölluðum útrásarvíkingum
sem settu Ísland á hausinn?
Jóhannes Jónsson: Nei, en ég held
að málið sé flóknara en að einhverjir
tilteknir einstaklingar hafi sett
landið á hausinn.
Ingi Ingason: Sæll Jóhannes.
Kanntu að spila á bassa?
Jóhannes Jónsson: Nei,
það kann ég ekki.
Ásta Sigrún Magnúsdóttir:
Nú hefur Krónan verið að flytja
inn Iceland-vörur, hefur það
áhrif á ykkur?
Jóhannes Jónsson: Nei, alls engin.
Jónas Ásgrímsson: Finnst þér
eðlilegt að einstaklingar sem
hafa velt milljarða gjaldþroti
fyrirtækja á neytendur geti stofnað nýtt
fyrirtæki?
Jóhannes Jónsson: Ef þessu er
beint til mín, þá hef ég ekki velt
neinum milljörðum á neytendur.
Bjarki Grönfeldt: Telurðu þig
geta haft áhrif á lýðheilsu með
því að stýra verslunarrekstri
þínum rétt?
Jóhannes Jónsson: Ég vil veg lýð-
heilsu sem mestan og vona að ég
geti lagt eitthvað til hennar. Verslun
verður hins vegar að hafa á boðstól-
um þær vörur sem neytandinn kýs.
Kristófer Knutsen: Nú hefur
þú oftast verið betur þekktur
sem Jóhannes í Bónus. Heldur
þú að það nafn eigi einhvern tímann
eftir að hverfa og þú verðir betur
þekktur sem Jóhannes Iceland? :)
Jóhannes Jónsson: Ég veit það
ekki, það kemur bara í ljós.
Jón Sullenberger: Nú selduð
þið feðgar, ásamt eiginkonu
Jóns Ásgeirs, hlutabréf ykkar í
Baugi til Baugs, nokkrum vikum fyrir
hrunið 2008, þ.e. þið létuð Baug kaupa
af ykkur eigin hlutabréf í félaginu, þótt
augljóst væri að Baugur væri á þessum
tíma ógjaldfær. Samtals fenguð þið um
12 þúsund milljón krónur i vasann
nokkrum vikum fyrir hrunið með því að
selja verðlaus hlutabréf í Baugi til Baugs.
Hvar eru þessir peningar í dag?
Jóhannes Jónsson: Þessi viðskipti
voru gerð að kröfu Kaupþings og
fólu í sér fjárhagslega endur-
skipulagningu Baugs. Þessir
peningar fóru allir til Kaupþings, en
ekki í okkar vasa, eins og þú heldur
ranglega fram.
Tómas Elí: Ef þú segist ætla
að bjóða betur en Bónus og
hinar matvöruverslanirnar, var
þá ekki pláss fyrir lækkun þegar þú áttir
Bónus ? Af hverju geturðu boðið betur
nú?
Jóhannes Jónsson: Ég hef ekki
komið nálægt rekstri Bónus í tæp
tvö ár – nýir eigendur hafa kannski
hækkað álagninguna frá því ég fór
þaðan.
Reynir Traustason: Sérðu mismunun í þeim afskriftum sem hafa átt sér stað og
uppgjörinu á Högum.
Jóhannes Jónsson: Já, mönnum er
mjög mismunað. Hagar voru teknir
af mér, en svo halda aðrir sínum fyr-
irtækjum, þrátt fyrir háar afskriftir.
Fundarstjóri Hvernig skýrir þú
þessa mismunun sem þú talar
um?
Jóhannes Jónsson: Það er ekki
sama hver er.
Kristófer Knutsen: Telur þú
að Bónus muni reyna að efla
samkeppni við þig og það verði
verðstríð á milli ykkar eins og
eftirminnilegt var á milli Bónus og
Krónunnar í kringum 2005?
Jóhannes Jónsson: Kristófer –
það verður bara að koma í ljós.
Gunnar Kr. Sigurjónsson: Er
ávaxtasafi, sem kostar um 650
kr. lítrinn (í 2.8 ltr. umbúðum)
ekki á geggjuðu verði? Og af hverju ertu
ekki með verð á ltr. og kg vel læsilegt á
verðmerkingum, svo auðvelt sé að bera
saman verð?
Jóhannes Jónsson: Þetta er
óblandaður ávaxtasafi, en ekki
vatnsblandaður. Verðmerkingar
eiga að vera í lagi hjá okkur.
Freyr Guðlaugsson: Mun
staðsetning Iceland á markaði
vera sú sama á Íslandi og hún
er í Bretlandi, þ.e. áhersla á frosnar
matvörur?
Jóhannes Jónsson: Iceland hér er
ekki með sömu vörusamsetningu
og í Bretlandi. Við leggjum áherslu
á að gera íslenskum neytendum til
hæfis.
Hafsteinn Árnason: Sagt er
að þið (Baugur/Hagar) hafið
haft samráð við íslenska birgja
um „þægileg“ verð gegn því að þeir,
birgjarnir, vernduðu ykkur gegn smærri
smásölum með verðlagningu. Hvað er
til í þessu?
Jóhannes Jónsson: Þetta er rangt.
Daníel Þór Hjaltason: Verða
ekki tilboð á íslandi í ICELAND
eins og í Englandi keyptu
kannski 3 en fáðu 4 og fleira? á frosinni
vöru?
Jóhannes Jónsson: Ég er með slík
tilboð í versluninni. Ef þú kaupir
tvær Iceland-vörur, þá færðu pizzu
með í kaupbæti.
Jóhann Benediktsson: Nú
segir þú að þú ætlir að vera
ódýrastur. En nú er mottó
Bónus að þeir séu eins ódýrir og hægt sé
að vera. Hvernig er hægt að vera ódýrari
en ódýrastir?
Jóhannes Jónsson: Með því að
vera ódýrari.
Ingo Lekve: Hvaða lið styður
þú í fótbolta íslensku og
enska ?
Jóhannes Jónsson: Ég geri ekki
upp á milli þeirra – ég vil eiga
viðskipti við alla.
Vésteinn Gauti Hauksson:
Góðan dag. Er hægt að kaupa
allt til heimilishalds í Iceland?
Eða þarf ég að fara í margar verslanir til
að fá allar nauðsynjar?
Jóhannes Jónsson: Nei þú átt
að geta fengið allt hjá mér – en
auðvitað eru kröfur misjafnar.
Kristján Þorláksson: Voru
birgjar að taka óvenju vel á
móti þér? Ég hef séð verð á
vörum í Iceland sem maður hefur ekki
séð síðan fyrir hrun. Nefni þar t.d Merrild
kaffi.
Jóhannes Jónsson: Ég á í mjög
góðu sambandi við birgja.
Fundarstjóri: Spurning barst
á pósti. Anna Mikaelsdóttir
spyr: Sæll og til hamingju. Ég
hef fullan hug á að nota netverslunina á
vefnum. Hvað verður netfangið og
hvenær opnar hún, svona sirka?
Jóhannes Jónsson: Icelandnet.
is – þú ferð þangað og pantar
hvenær sem er sólarhringsins og ég
sendi vörurnar eftir kl 16 á daginn
– þú velur tíma. Ef pantað er fyrir
kl 15, þá er afgreitt samdægurs.
Þeir sem búa úti á landi fá vöruna
daginn eftir. Þetta er verslunarmáti
framtíðarinnar.
Róslín Valdemarsdóttir:
Hvernig líður þér yfir því hve
margir líta þig hornauga á svo
litlu landi?
Jóhannes Jónsson: Ég hef ekki
orðið var við að margir líti mig
hornauga.
Fundarstjóri: Spurning barst
á pósti: Sigfús Ómar
Höskuldsson spyr: „Til
hamingju með nýju búðina, spyr beint
út: Hefur þú átt fjármuni í erlendu
skattaskjóli síðan fyrir og eftir hruni ?“
Jóhannes Jónsson: Takk fyrir það.
Nei ég á ekki slíka fjármuni og hef
aldrei átt, hvorki fyrir né eftir hrun.
Einar Sigurgeirsson: Nú eru
margar vörur formerktar með
1–2–3 pundum, getur þú boðið
frosna pizzu á 200 kall ?
Jóhannes Jónsson: Nei, það get
ég ekki þar sem aðflutningsgjöld
og flutningur leggst ofan á breska
verðið.
Fannar M. Sigurðsson:
Jóhannes í Iceland, af hverju
segir þú að það hafi verið tekið
harðar á þér en öðrum? Og værir þú til í
að nefna dæmi?
Jóhannes Jónsson: Vegna þess
að þannig er það. Sjáðu bara nýleg
dæmi um fjárhagslega endur-
skipulagningu Kvosar (Odda) en
hjá okkur var allt gjaldfellt um leið,
þrátt fyrir að við ættum stöndug
og góð fyrirtæki. Ég get líka nefnt
Jón Helga í Byko/Kaupási, sem fékk
kyrrstöðusamning við Arion banka
á sama tíma og Arion banki kom
mér út úr Högum.
Svala Jónsdóttir: Finnst þér
koma til greina að setja lög
hérlendis, sem myndu banna
þeim sem hafa farið með fyrirtæki í
gjaldþrot að stofna nýtt fyrirtæki í
ákveðinn tíma á eftir? Hvers vegna eða
hvers vegna ekki?
Jóhannes Jónsson: Nei, ég held
að slík lög tíðkist hvergi í heiminum
og veit ekki af hverju við ættum að
taka það ein upp.
Kristján Geirsson: Munt þú
beita þér fyrir auknum
innflutningi á erlendum
landbúnaðarvörum sem gætu verið
ódýrari en þær íslensku?
Jóhannes Jónsson: Já, ég mun
halda áfram á þeirri braut, sem ég
markaði fyrir rúmum tuttugu árum.
Fundarstjóri: Jóhannes hefur
nú svarað spurningum lesenda
í einn og hálfan tíma. Við
þökkum honum kærlega fyrir og
lesendum fyrir samfylgdina og
spurningarnar. Beinni línu er lokið í bili.
En Jóhannes á lokaorðið:
Jóhannes Jónsson: Jæja, þá er ég
að fara að standa upp – ég vil þakka
öllum fyrir ánægjulegt spjall og
vonast til að sjá ykkur öll í Iceland-
versluninni.
Kaupmaðurinn Jóhannes Jónsson í Iceland sat fyrir svörum á Beinni línu DV á miðvikudag.
Tekið harðar á mér en öðrum
4
Nafn: Jóhannes Jónsson
Aldur: 72 ára
Menntun: Prentari
Starf: Kaupmaður
6
6