Dagblaðið Vísir - DV - 03.08.2012, Blaðsíða 37
5Verslunarmannahelgin 3.–7. ágúst 2012
Þjóðhátíð í Eyjum
Á
rið 1977 var fyrst brekkusöng-
ur á Þjóðhátíð í Eyjum undir
stjórn Árna Johnsen. Síðan þá
hefur brekkusöngurinn ver-
ið árlegur viðburður á þjóðhátíð og
hefur um árabil verið einn sá allra
fjölsóttasti og vinsælasti. Þá er venj-
an að Árni þenji raddböndin, vopn-
aður kassagítar, og syngi hátt í 50 eða
jafnvel 60 slagara við góðar undir-
tektir margra þúsunda í Herjólfsdal.
Samkvæmt hefð lýkur brekkusöngn-
um á þjóðsöng Íslendinga og að hon-
um loknum eru tendruð blys.
Árið 2003 kom eilítið babb í bát-
inn er Árni Johnsen, þá þingmaður
Sjálfstæðisflokksins til nær 20 ára,
var dæmdur í tveggja ára fangelsi fyr-
ir þjófnað. Hann afplánaði dóminn á
Kvíabryggju og var hleypt út fyrr en
til stóð, í febrúar 2004. Fangelsis-
dómur Árna varð þó til þess að stórt
skarð var höggvið í dagskrá Þjóðhá-
tíðar árið 2003. Formaður þjóðhá-
tíðarnefndar las upp úr bréfi frá Árna
við upphaf brekkusöngsins.
Árni sagði í bréfinu að sér þætti
afar miður að geta ekki fengið að taka
þátt í brekkusöngnum og sagði að
allt fram á síðustu stundu hefði þyrla
verið til taks að flytja hann til Vest-
mannaeyja. Hann fékk þó ekki
leyfi hjá Fangelsismálastofnun og
dómsmálaráðuneytinu og komst
ekki til Vestmannaeyja. Í bréfi sínu
sagði Árni að allt hefði verið gert
til þess að tryggja að hann gæti
komið á Þjóðhátíð. „En við höfum
þurft að glíma við menn sem fyr-
irlíta fólk og gera allt sem í þeirra
valdi stendur til þess að gera lífið
leiðinlegt,“ sagði meðal annars í
bréfi Árna til þjóðhátíðargesta.
Þó er ólíklegt að lífið hafi ver-
ið leiðinlegt fyrir þá sem nutu
brekkusöngsins árið 2003 undir
stjórn Vestmannaeyingsins Ró-
berts Marshall sem þá starfaði
sem fréttamaður en situr nú á
þingi fyrir Samfylkinguna. Er það
mál manna að Róbert hafi staðið
sig í stykkinu, verið vel æfður og
mundað gítarinn af mikilli snilli.
Árni Johnsen sneri þó aftur
fílefldur ári síðar og hefur sung-
ið og spilað við mikinn fögnuð
á síðustu árum. Fyrir skemmstu
birtist myndband á vefsíðunni mbl.
is þar sem Árni og tónlistarmaðurinn
Jón Jónsson bregða á leik. Þar hvet-
ur Árni til þess í gríni að Þjóðhátíðin
verði lögð niður til að verja lundana í
Eyjum fyrir ágangi þjóðhátíðargesta.
Árni og Páll Óskar
„Árni Johnsen hegðaði sér ekki eins
og viti borinn maður þegar hann
stíaði mér og þáverandi elskhuga
mínum í sundur í miðjum ástar-
atlotum, og henti honum frá sér
þannig að hann lenti utan í vegg.“
Þannig komst Páll Óskar Hjálmtýs-
son söngvari að orði í aðsendri
grein í Morgunblaðinu árið 1998.
Tveimur árum áður hafði undar-
legt atvik komið upp á Þjóðhátíð
í Vestmannaeyjum þegar kastað-
ist í kekki milli Páls og þingmanns-
ins. Árni Johnsen réttlætti framferði
sitt gagnvart Páli og elskhuga hans
á þá leið að hann hefði aðeins ver-
ið að „vernda“ þjóðhátíðargesti fyr-
ir ástaratlotum turtildúfanna. Hann
sakaði Pál og elskhuga hans um að
hafa viðhaft „ósiðlega tilburði“ fyr-
ir framan þjóðhátíðargesti. Því vís-
aði Páll alfarið á bug í grein sinni og
nokkrir skemmtikraftar og áhorf-
endur staðfestu frásögn hans í Séð
og heyrt.
Árni og Hreimur
Brekkusöngvarinn knái hefur oft-
ar en einu sinni valdið fjaðrafoki á
Þjóðhátíð. Árið 2005 lenti honum
og Hreimi Erni Heimissyni, söngv-
ara Lands og sona, saman. Eftir at-
vikið sendi Þjóðhátíðarnefnd frá
sér yfirlýsingu þess efnis að hún
harmaði framferði Árna John-
sen gagnvart Hreimi Erni Heimis-
syni. Hreimur sak-
aði Árna um að hafa
slegið sig utan und-
ir, en Árni sagðist
hafa rekist slysalega
á Hreim. „Það var því
síður en svo ásetning-
ur að bregða Hreimi
söngvara,“ sagði Árni
Johnsen í yfirlýsingu
til fjölmiðla skömmu
eftir Þjóðhátíðina.
Árið 2006 og 2007 var
Árni ekki ráðinn sem
kynnir á Þjóðhátíð og
í viðtali við Þjóðhá-
tíðarblaðið sagði hann að sér hefði
verið kastað fyrir borð af pólitísk-
um ástæðum. Þá sendi Þjóðhá-
tíðarnefnd frá sér yfirlýsingu um
að Árni færi ekki með rétt mál.
Ákveðið hefði verið að ráða hann
ekki aftur sem kynni vegna fram-
ferðis hans gagnvart Hreimi og
vinnubragða hans í kjölfar atviks-
ins.
Stríðsöxin grafin
Árni heldur ennþá uppi stuðinu
með hinum sívinsæla brekkusöng á
Þjóðhátíð í Eyjum. Lengi vel létu Páll
Óskar og Hreimur ekki sjá sig á Þjóð-
hátíð vegna atvikanna sem hér hef-
ur verið sagt frá. Árið 2008 ákváðu
þeir þó að brjóta odd af oflæti sínu
og skemmta á hátíðinni. Þá samdi
Hreimur og söng hið árlega þjóðhá-
tíðarlag. Jafnframt kom Bubbi fram
á hátíðinni, en tveimur árum áður
hafði hann úthúðað Árna Johnsen
á tónleikum og kallað hann glæpon
og lygara. Þess má geta að þá skor-
aði Árni Johnsen á Bubba í keppni í
gítarleik og söng. Nú virðast þó tón-
listarmennirn-
ir fjórir hafa
grafið stríðs-
öxina, en
bæði Bubbi
og Páll troða
upp á hátíð-
inni í ár.
Átök í Eyjum
Brekkusöngur
í blíðu og stríðu
Golfkortið
færðu hjá okkur
180
hrinGir
samtals
Frí spilun á 31 golfvelli
ALLT AÐ 6 HRINGIR Á HVERJUM VELLI!
Einstaklingskort
Aðeins kr. 9000
Fjölskyldukort
Aðeins kr. 14000